1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

احسان دانش اگرچہ خلدِ بریں کا جواب ہے دنیا ۔ احسان دانش

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏مارچ 26, 2015

  1. فرخ منظور

    فرخ منظور لائبریرین

    مراسلے:
    12,632
    جھنڈا:
    Pakistan
    موڈ:
    Cold
    اگرچہ خلدِ بریں کا جواب ہے دنیا
    مگر خدا کی قسم ایک خواب ہے دنیا

    سحر پیامِ تبسم ہے ، شام اذنِ سکوت
    شگوفہ زار کا فانی شباب ہے دنیا

    لرز رہی ہے فضا میں صدائے غم پرور
    ترنماتِ فنا کا رباب ہے دنیا

    جہاں کی عشرتِ فانی پہ اعتبار نہ کر
    شبِ بہار کا مستانہ خواب ہے دنیا

    یہاں کی شام ہے اک پردۂ سیہ کاری
    شرابِ عیش کے پیاسو! سراب ہے دنیا !

    قدم قدم پہ طلسماتِ نور و ظلمت ہیں
    فریب خانۂ شیب و شباب ہے دنیا

    شکستِ دل کی حکایات حسرتوں کے بیاں
    فسانہ ہائے الم کی کتاب ہے دنیا

    جھکا نہ خاک درِ حسن پر جبینِ امید!
    سنبھل سنبھل کہ یہاں بے حجاب ہے دنیا

    ہجومِ درد کی ، انبوہِ آرزو کی قسم
    تواترِ ستمِ بے حساب ہے دنیا

    رہِ خلوص میں احسان اس سے بچ کے چل
    کہ ایک خضرِ ضلالت مآب ہے دنیا

    (احسان دانش)​
     
    • زبردست زبردست × 2
    • پسندیدہ پسندیدہ × 1
  2. فرخ منظور

    فرخ منظور لائبریرین

    مراسلے:
    12,632
    جھنڈا:
    Pakistan
    موڈ:
    Cold
    • پسندیدہ پسندیدہ × 1
  3. محمد خلیل الرحمٰن

    محمد خلیل الرحمٰن مدیر

    مراسلے:
    7,287
    جھنڈا:
    Pakistan
    موڈ:
    Festive
    اس غزل کا عنوان بھی بدل دیا ہے جناب
     
    • دوستانہ دوستانہ × 1

اس صفحے کی تشہیر