سراج الدین ظفر اٹھو زمانے کے آشوب کا ازالہ کریں ۔ سراج الدین ظفرؔ

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏مارچ 25, 2016

  1. فرخ منظور

    فرخ منظور لائبریرین

    مراسلے:
    12,515
    جھنڈا:
    Pakistan
    موڈ:
    Cold
    اٹھو زمانے کے آشوب کا ازالہ کریں
    بنامِ گُل بدناں، رُخ سوئے پیالہ کریں

    بیادِ دیدۂ مخمور پر پیالہ کریں
    اٹھو کہ زہر کا پھر زہر سے ازالہ کریں

    وہ رند ہیں نہ اٹھائیں بہار کا احساں
    ورود ہم تری خلوت میں بے حوالہ کریں

    کہاں کے دیَر و حرم، آؤ ایک سجدۂ شوق
    بہ پائے ہوش ربایانِ بست سالہ کریں

    برس پڑے جو گلستاں میں اس نظر سے شراب
    بہک بہک کے ہم آگے سبوئے لالہ کریں

    سبو اٹھا کہ گدایانِ کوئے مے خانہ
    ترے حوالے مہ و مہر کا قبالہ کریں

    حدیثِ زہد ہو یا وارداتِ زہرہ مثال
    کسی کے نام کو ہم زیبِ ہر مقالہ کریں

    دکھا صحیفۂ رخ اس طرح کہ اہلِ بہار
    ورق ورق پہ خجالت، بیاضِ لالہ کریں

    اٹھو جلا کے مئے سرخ سے چراغِ ابد
    نشاطِ صحبتِ شب کو ہزار سالہ کریں

    ادا وہ نیچی نگاہوں کی ہے کہ جیسے ظفرؔ
    تلاشِ کنجِ غزالانِ خورد سالہ کریں

    (سراج الدین ظفرؔ)​
     
    آخری تدوین: ‏مارچ 25, 2016
    • پسندیدہ پسندیدہ × 2
    • زبردست زبردست × 1
  2. راحیل فاروق

    راحیل فاروق محفلین

    مراسلے:
    1,323
    جھنڈا:
    Pakistan
    موڈ:
    Psychedelic
    زبردست۔ کلاسیکی شاعری کا مزا سب سے جدا ہے!
    بنامِ گل بَدَناں رُخ سُوئے پیالہ کریں؟
     
    • پسندیدہ پسندیدہ × 1
  3. فرخ منظور

    فرخ منظور لائبریرین

    مراسلے:
    12,515
    جھنڈا:
    Pakistan
    موڈ:
    Cold
    ۔۔
     
    آخری تدوین: ‏مارچ 25, 2016

اس صفحے کی تشہیر