اُس کی جُدائی کیسے گوارا کروں گی میں - نزہت انجم

[کاشفی]

غزل​

(نزہت انجم)​

اُس کی جُدائی کیسے گوارا کروں گی میں
وہ آئے یا نہ آئے، پکارا کروں گی میں

یاد آئے گا کسی کا وہ حیرت سے دیکھنا
جب آئینے میں اپنا نظارا کروں گی میں

اک جرم جو ہے آپ کو پانے کی آرزو
سن لیجئے یہ جُرم دوبارا کروں گی میں

مجھ کو خبر کہاں تھی کنارا ہے تو میرا
سوچا تو یہ تھا تجھ سے کنارا کروں گی میں

لب کھولنا تو عشق کی تہذیب ہی نہیں
نزہت نظر جھکا کے اشارا کروں گی میں​

 

[نیرنگ خیال]

مجھ کو خبر کہاں تھی کنارا ہے تو میرا
سوچا تو یہ تھا تجھ سے کنارا کروں گی میں

بہت خوب

 

[کاشفی]

مجھ کو خبر کہاں تھی کنارا ہے تو میرا
سوچا تو یہ تھا تجھ سے کنارا کروں گی میں

بہت خوب

بہت شکریہ۔ خوش رہیئے ہمیشہ۔۔