مصطفیٰ زیدی اَے دَور ِ کور پرور

غزل قاضی

محفلین
اَے دَور ِ کور پرور



اَب وُہ خوشی نہ وُہ غم ، خنداں ہیں اَب نہ گِریاں
کِس کِس کو رو چُکے ہیں اَے حادثات ِ دوراں

ترتیب ِ زندگی نے دُنیا اُجاڑ دی ہے
اَے چشم ِ لا اُبالی اَے گیسُوئے پریشاں

دِن رات کا تسلسل بے ربط ہو چکا ہے
اب ہم ہیں اَور خموشی یا وحشت ِ غزالاں

یا دِن کو خاک ِ صحرا یا شب کو دشت و دریا
یا شغل ِ جام و صہبا اَے جان ِ مے فروشاں

ٹُوٹا ہُؤا ہے بَربط سُونی پڑی ہے محفِل
اَے رنگ و لحن و نغمہ اَے صدر ِ بزم ِ رنداں

پُھولوں سے کھیلتا تھا، جن میں کبھی لڑکپن
کانٹے چبھو رہی ہیں ، سینے میں اَب وہ گلیاں

جیسے کِسی کی آہٹ ، راتوں کو مقبروں میں
ہر بات درد آگیں ، ہر راگ دہشت افشاں

یادوں کی چِلمنوں سے لمحے پُکارتے ہیں
آسیب بن کے چھت پر اُتر ہے ماہ ِ تاباں

سفّاک سانحوں کی روندی ہوئی قبائیں
خُوں خوار حادثوں کے پھاڑے ہوئے گریباں

جیسے کوئی کہانی رُوحوں کی انجمن میں
ہر بات بےحقیقت ، ہر شے طِلسم افشاں

ٹِیلوں کے دامنوں میں صحرائیوں کی قبریں
قبروں کے حاشیوں پر سہما ہُؤا چراغاں

کِن ساعتوں سے کھیلیں کِن صُورتوں کو دیکھیں
جُوئے بہار ِ ساکِن شہر ِ نگار ویراں

کِتنی بصیرتوں کی آنکھیں اُجڑ چکی ہیں
اَے دور ِ کور پرور ! اے عصر ِ کم نِگاہاں !

مصطفیٰ زیدی

(قبائے سَاز )
 

فرخ منظور

لائبریرین
اَے دَورِ کور پرور

اَب وُہ خوشی نہ وُہ غم ، خنداں ہیں اَب نہ گِریاں
کِس کِس کو رو چُکے ہیں اَے حادثاتِ دوراں

ترتیبِ زندگی نے دُنیا اُجاڑ دی ہے
اَے چشمِ لا اُبالی اَے گیسُوئے پریشاں

دِن رات کا تسلسل بے ربط ہو چکا ہے
اب ہم ہیں اَور خموشی یا وحشتِ غزالاں

یا دِن کو خاکِ صحرا یا شب کو دشت و دریا
یا شغلِ جام و صہبا اَے جانِ مے فروشاں

ٹُوٹا ہُؤا ہے بَربط سُونی پڑی ہے محفِل
اَے رنگ و لحن و نغمہ اَے صدرِ بزمِ رنداں

پُھولوں سے کھیلتا تھا، جن میں کبھی لڑکپن
کانٹے چبھو رہی ہیں ، سینے میں اَب وہ گلیاں

جیسے کِسی کی آہٹ ، راتوں کو مقبروں میں
ہر بات درد آگیں ، ہر راگ دہشت افشاں

یادوں کی چِلمنوں سے لمحے پُکارتے ہیں
آسیب بن کے چھت پر اُترا ہے ماہِ تاباں

سفّاک سانحوں کی روندی ہوئی قبائیں
خُوں خوار حادثوں کے پھاڑے ہوئے گریباں

جیسے کوئی کہانی رُوحوں کی انجمن میں
ہر بات بےحقیقت ، ہر شے طِلسم افشاں

ٹِیلوں کے دامنوں میں صحرائیوں کی قبریں
قبروں کے حاشیوں پر سہما ہُوا چراغاں

کِن ساعتوں سے کھیلیں کِن صُورتوں کو دیکھیں
جُوئے بہارِ ساکِن شہرِ نگار ویراں

کِتنی بصیرتوں کی آنکھیں اُجڑ چکی ہیں
اَے دورِ کور پرور ! اے عصرِ کم نِگاہاں !

مصطفیٰ زیدی

(قبائے سَاز )
 
Top