اقبال انوکھی وضع ہے سارے زمانے سے نرالے ہیں

[زبیر مرزا]

انوکھی وضع ہے سارے زمانے سے نرالے ہیں​

یہ عاشق کون سی بستی کے یا رب رہنے والے ہیں​

علاجِ درد میں بھی درد کی لذت پہ مرتا ہوں​

جو تھے چھالوں میں کانٹے نوک سوزن سے نکالے ہیں​

پھلا پھولا رہے یارب چمن میری اُمیدوں کا​

جگر کا خون دے دے کر یہ بوٹے میں نے پالے ہیں​

رلاتی ہے مجھے راتوں کی خاموشی ستاروں کی​

نرالا عشق ہے میرا نرالے میرے لالے ہیں​

نہ پوچھو مجھ سے لذتِ خانماں برباد رہنے کی​

نشیمن سینکڑوں میں نے بنا کر پھونک ڈالے ہیں​

نہیں بیگانگی اچھی رفیقِ راہ منزل سے​

ٹھہر جا اے شرر ہم بھی تو مٹنے والے ہیں​

امیدِ حور نے سب کچھ سکھا رکھا ہے واعظ کو​

یہ حضرت دیکھنے میں سیدھے سادے بھولے بھالے ہیں​

(حضرت علامہ اقبالؔ )​

​

 

[محمد وارث]

شکریہ مرزا صاحب ارسال فرمانے کیلیے

 

[محمداحمد]

رلاتی ہے مجھے راتوں کی خاموشی ستاروں کی​

نرالا عشق ہے میرا نرالے میرے لالے ہیں​

واہ واہ واہ۔۔۔۔۔!​

ہم بھی کیا سادہ ہیں سورج کو دکھاتے ہیں چراغ ​

 

[حسیب نذیر گِل]

بہت عمدہ

 

[طارق شاہ]

رُلاتی ہے مُجھے راتوں کو خاموشی سِتاروں کی
نِرالا عِشق ہے میرا، نِرالے میرے نالے ہیں

نہ پُوچھو مُجھ سے لذّت، خانماں برباد رہنے کی
نَشیمن، سینکڑوں مَیں نے بناکر پُھونک ڈالے ہیں