طارق شاہ
محفلین
جھَولا جیہا
گھُوک جے ویلے چرخے دی اجے مَٹّھی جیہی
میریاں کناں دے وِچ، کُجھ بولدائے ہولا جیہا
کوئی ایسی چاپپ مَینُوں نیڑے نیڑے چاپدی
کوئی گمّیں وِچ جِیویں لبھدا پِھرے وَولا جیہا
خوف کِس ہونی دا سانہواں نال نتّھی ہوگیائے
دِل دے وِچ پِھردا اے پرچھانویں دا اِک جَھولا جیہا
مَیں محلّے والیاں دی خیر مَنگدا جا رہیاں
مینُوں لگدا جے گلی وِچ فیر کُجھ رَولا جیہا
انوؔر مسعُود