تقاریب میں مختلف شخصیات پہ اشعار

[سیما علی]

قوسِ قزح کے رنگ تھے ساتوں اس کے لہجے میں
ساری محفل بھول گئی ، وہ چہرہ یاد رہا

(امجد اسلام امجد

 

[سیما علی]

قبول کیجئے، لِلہ تحفۂ دل کو
نظر نہ کیجئے اس کی شِکستگی کی طرف

 

[سیما علی]

قرب اچھا ہے مگر اتنی بھی شدت سے نہ مل
یہ نہ ہو تجھ کو میرے روگ پرانے لگ جائیں

 

[سیما علی]

قرعہ جان میں کوئی پھول کھلانے آئے
وہ مرے دِل پہ نیا زخم لگانے آئے

 

[سیما علی]

قدغن نہیں ہے کھیل پہ کھیلو ضرور پر
لیکن کبھی سمجھنا کھلونا نہیں مجھے

 

[سیما علی]

قافلے راکھ ھُوئے دشت جنوں میں کتنے
کاش خوشیوں کی طرح درد بھی ہجرت کرتے

 

[گُلِ یاسمیں]

پھر ملا دل کو ایک غم تازہ
پھر ضرورت ہے مسکرانے کی

 

[گُلِ یاسمیں]

در چھوڑ کے سوئے دار نکلی
روح میری قفس سے بیزار نکلی

 

[سیما علی]

جھوٹ بولا ہے تو قائم بھی رہو اس پر ظفرؔ
آدمی کو صاحب کردار ہونا چاہیئے
ظفر اقبال

 

[سیما علی]

جانور آدمی فرشتہ خدا
آدمی کی ہیں سیکڑوں قسمیں
الطاف حسین حالی

 

[سیما علی]

سب سے پر امن واقعہ یہ ہے
آدمی آدمی کو بھول گیا
جون ایلیا

 

[جاسمن]

یہ کیسا شخص ہے کتنی ہی اچھی بات کہو
کوئی برائی کا پہلو نکال لیتا ہے

وسیم بریلوی

 

[سیما علی]

نہ کوئی عہد نبھائے ، نہ ہمنوائی کرے
اسے کہہ دو کہ تسلّی سے بے وفائی کرے

 

[سیما علی]

حسن بڑھ جائے گا تکلم کا،،،
جس قدر بات مختصر ہو گی ۔ ۔ ۔!

 

[سیما علی]

مانا کہ نہ اس زمین کو گلزار کر سکے ہم
کچھ خار کم تو کیے گزرے جدھر سے ہم
ساحر لدھیانوی

 

[سیما علی]

تاروں کی بہاروں میں بھی قمر تم افسردہ سے رہتے ہو
پھولوں کو تو دیکھو کانٹوں میں ہنس ہنس کے گزارا کرتے ہیں

قمر جلالوی

 

[سیما علی]

دل کی جاگیر میں میرا بھی کوئی حصہ رکھ
میں بھی تیرا ہوں، مجھے بھی تو کہیں رہنا ہے

اشفاق حسین

 

[سیما علی]

اتنا سچ بول کہ ہونٹوں کا تبسم نہ بجھے
روشنی ختم نہ کر آگے اندھیرا ہوگا

ندا فاضلی

 

[سیما علی]

اپنا یہ کام ہے کہ جلاتے چلو چراغ
رستے میں خواہ دوست یا دشمن کا گھر ملے

کلیم عاجز

 

[سیما علی]

سچی خوشی کی آس نہ ٹوٹے دعا کرو
جھوٹی تسلیوں سے بہلتے رہا کرو

ایوب فہمی