1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $420.00
    اعلان ختم کریں
  2. اردو محفل سالگرہ چہاردہم

    اردو محفل کی یوم تاسیس کی چودہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

ن م راشد اندھا کباڑی -- از ن م راشد

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏ستمبر 23, 2007

  1. فرخ منظور

    فرخ منظور لائبریرین

    مراسلے:
    12,525
    جھنڈا:
    Pakistan
    موڈ:
    Cold
    اندھا کباڑی -- از ن م راشد

    شہر کے گوشوں میں ھیں بکھرے ھوئے
    پا شکستہ سر بریدہ خواب
    جن سے شہر والے بے خبر!

    گھومتا ھوں شہر کے گوشوں میں روز و شب
    کہ ان کو جمع کر لوں
    دل کی بھٹی میں تپاؤں
    جس سے چھٹ جائے پرانا میل
    ان کے دست و پا پھر سے ابھر آئیں
    چمک اٹھیں لب و رخسار و گردن
    جیسے نو آراستہ دولھوں کے دل کی حسرتیں
    !پھر سے ان خوابوں کو سمت رہ ملے

    "خواب لے لو خواب ۔۔۔۔۔۔۔۔۔۔۔ "
    صبح ھوتے ہی چوک میں جا کر لگاتا ھوں صدا ۔۔۔۔۔۔۔۔۔
    "خواب اصلی ہیں کہ نقلی"
    یوں پرکھتے ہیں کہ جیسے ان سے بڑھ کر
    خواب داں کوئی نہ ھو!

    خواب گر میں بھی نہیں
    صورت گر ثانی ھوں بس ۔۔۔۔۔۔۔
    ہاں مگر میری معیشت کا سہارا خواب ہیں!

    شام ھو جاتی ھے
    میں پھر سے لگاتا ھوں صدا ۔۔۔۔۔۔۔
    "مفت لے لو مفت، یہ سونے کے خواب ۔۔۔۔۔۔۔۔۔"
    "مفت" سن کر اور ڈر جاتے ہیں لوگ
    اور چپکے سے سرک جاتے ہیں لوگ ۔۔۔۔۔۔۔۔۔۔
    "دیکھنا یہ "مفت" کہتا ھے
    کوئی دھوکا نہ ھو!
    ایسا کوئی شعبدہ پنہاں نہ ھو
    گھر پہنچ کر ٹوٹ جائیں
    یا پگھل جائیں یہ خواب
    بھک سے اڑ جائیں کہیں
    یا ھم پہ کوئی سحر کر ڈالیں یہ خواب ۔۔۔۔۔۔۔۔۔
    جی نہیں کس کام کے؟
    ایسے کباڑی کے یہ خواب
    ایسے نابینا کباڑی کے یہ خواب!"

    رات ھو جاتی ھے
    خوابوں کے پلندے سر پہ رکھ کر
    منہ بسورے لوٹتا ھوں
    رات بھر پھر بڑبڑاتا ھوں
    "یہ لے لو خواب ۔۔۔۔۔۔۔۔"
    اور لے لو مجھ سے ان کے دام بھی
    خواب لے لو، خواب ۔۔۔۔۔۔۔۔۔۔
    میرے خواب ۔۔۔۔۔۔۔۔۔۔۔
    خواب ۔۔۔۔۔۔۔۔۔ میرے خواب ۔۔۔۔۔۔۔۔۔
    خو ا ا ا ا ب ۔۔۔۔۔۔۔۔۔۔۔۔
    ان کے د ا ا ا ا م بھی ی ی ی ۔۔۔۔۔۔۔۔۔۔۔۔۔"
     
    • پسندیدہ پسندیدہ × 4
  2. محمد وارث

    محمد وارث لائبریرین

    مراسلے:
    24,932
    جھنڈا:
    Pakistan
    موڈ:
    Depressed
    بہت خوب، لا جواب
     
  3. عمر سیف

    عمر سیف محفلین

    مراسلے:
    36,607
    جھنڈا:
    Pakistan
    موڈ:
    Where
    مفت لے لو ۔۔ سونے کے خواب ۔۔۔

    بہت خوب ۔۔۔
     
  4. فرخ منظور

    فرخ منظور لائبریرین

    مراسلے:
    12,525
    جھنڈا:
    Pakistan
    موڈ:
    Cold
    بہت شکریہ پسندیدگی کا اگر آپ اسی طرح پسند کرتے رہے تو میں شائد راشد کا پورا کلام پوسٹ کر ڈالوں-
     
  5. فاتح

    فاتح لائبریرین

    مراسلے:
    15,719
    جھنڈا:
    Pakistan
    موڈ:
    Hungover
    اجی حضور نیکی اور پوچھ پوچھ۔۔۔
     
  6. فاتح

    فاتح لائبریرین

    مراسلے:
    15,719
    جھنڈا:
    Pakistan
    موڈ:
    Hungover
  7. فرخ منظور

    فرخ منظور لائبریرین

    مراسلے:
    12,525
    جھنڈا:
    Pakistan
    موڈ:
    Cold
    شکریہ فاتح! ضیا کا کافی ذخیرہ ہے میرے پاس لکین کیسٹس میں اگر اور بھی عنائت کر سکیں تو نوازش ہوگی- کسی وقت آپ کو اپنا تحت اللفظ بھی اپ لوڈ کر کے سناؤں گا-
     
  8. فاتح

    فاتح لائبریرین

    مراسلے:
    15,719
    جھنڈا:
    Pakistan
    موڈ:
    Hungover
    ضرور جناب کیوں نہیں۔ میرے پاس ضیا محی الدین کی چند کیسٹس تھیں جیسے خطوط غالب وغیرہ لیکن میرے پاکستان چھوڑنے پر وہ تمام ورثہ چھوٹے بھائی کے خزانہ کا حصہ بن گیا۔ اگر ممکن ہو تو آپ اس ذخیرہ کو کیسٹس سے ایم پی 3 شکل میں لائیے۔ احسان ہو گا۔ اور اپنی آواز میں بھی ضرور اپلوڈ کیجیے، ایک بار پھر کہوں گا کہ "نیکی اور پوچھ پوچھ"۔
     
  9. محمد جمیل اختر

    محمد جمیل اختر محفلین

    مراسلے:
    113
    جھنڈا:
    Pakistan
    موڈ:
    Amazed
    نظم : خواب
    شاعر: جمیل اختر
    ۔

    خواب بیچنے نکلے ہیں۔۔۔۔
    ایسے انمول خواب ۔۔۔۔
    کہ انکامول ہونہیں سکتا۔۔۔
    جو , انہیں آنکھوں میں رکھے
    وہ سو نہیں سکتا۔۔۔۔
    ،
    کہ ہم نے آزما کے دیکھا ہے
    رتجگوں کو اٹھا کے دیکھاہے۔۔۔
    انکی خوبیاں عیاں ہیں
    انکی خوبیاں بیاں ہیں ۔۔
    یہ اجلے..........
    ، یہ دلکش،.....
    یہ دلنشیں،.......
    یہ رنگین خواب ۔......
    ،
    یہ پھول.....
    یہ خوشبو......
    ، یہ بادل..........
    یہ گھٹا..............
    یہ حسین خواب ۔.........
    .
    لیکن افسوس۔۔۔۔۔۔۔۔۔
    کوئی ہمارا طرفدار نہیں
    کوئی انکا خریدار نہیں
    ،
    ، کوئی خریدے گا۔۔۔؟؟؟
    پھر آواز لگاتا ہوں۔۔۔
    کوئی خریدے گا؟؟؟؟
    لیکن یہ خواب کون خریدے گا۔۔۔۔۔
    شاید کوئی نہیں۔۔۔۔
    ہاں شاید کوئی نہیں۔۔۔
    کہ یہ دنیا بہت ظلمت پسند ہے۔۔۔۔
    کہ یہ دنیابہت حقیقت پسند ہے۔۔۔۔
     
    • پسندیدہ پسندیدہ × 1

اس صفحے کی تشہیر