حسان خان
لائبریرین
الوداع اے افتخارِ نوعِ انساں الوداع
بادشاہِ کم سپاہِ اہلِ ایماں الوداع
اے تمنائے دلِ زہرائے بے کس ہے دریغ
اے ستم گشتہ، علی کے خواہشِ جاں الوداع
ہو گئے پانی جگر، حسرت سے جب تو نے کہا
خشک لب اہلِ حرم سے ہو کے گریاں الوداع
یوں چمن کو کس نے دکھلایا ہے آ کے معرکہ
سرخ تھی سب تیرے خوں سے خاکِ میداں الوداع
اے برنگِ خال یکسر داغ تجھ پر صد صلات
وے بسانِ گیسوواں خاطر پریشاں الوداع
مرگِ اصغر میں ہوا ہنگامہ برپا حشر کا
تو نے رو کر جو کہا اے عقلِ ناداں الوداع
کھانے پینے کی رہی کیا قید تجھ پر ہے ستم
اے عزیز اس مجلسِ دوناں کے مہماں الوداع
مر گئے بیٹے بھتیجے سب تری تصویر سے
ہو گیا تو حال میں اپنے ہی حیراں الوداع
نقل اب کیا بے سر و سامانی تیری کیجیے
اے نہ تیرے تن پہ سر، نے سر کو ساماں الوداع
عورتیں بے کس گئیں سو لب پہ ان کے ہائے وائے
کہ گئے آگے ہی سب انصار و اعواں الوداع
پاس پیکر کے کھڑی کلثوم لب پر الفراق
ساتھ سر کے کہتی زینب خاک افشاں الوداع
خاک میں بھی دفن ہونا تیری قسمت میں نہ تھا
اے تمام اندوہ کم انبوہ سلطاں الوداع
تو مسافر ہو گیا دو گام چل کر اے حسین
شہربانو تھی بیاباں در بیاباں الوداع
ایک بیٹا بے کس و بیمار سو کیا کیا کرے
زاری و فریاد، وائے، سوز و افغاں الوداع
مرثیہ تو میر تُو کہتا ہی تھا پر اب کی یہ
کیا کہی ہے ہائے اے نم ناک مژگاں الوداع
(میر تقی میر)
بادشاہِ کم سپاہِ اہلِ ایماں الوداع
اے تمنائے دلِ زہرائے بے کس ہے دریغ
اے ستم گشتہ، علی کے خواہشِ جاں الوداع
ہو گئے پانی جگر، حسرت سے جب تو نے کہا
خشک لب اہلِ حرم سے ہو کے گریاں الوداع
یوں چمن کو کس نے دکھلایا ہے آ کے معرکہ
سرخ تھی سب تیرے خوں سے خاکِ میداں الوداع
اے برنگِ خال یکسر داغ تجھ پر صد صلات
وے بسانِ گیسوواں خاطر پریشاں الوداع
مرگِ اصغر میں ہوا ہنگامہ برپا حشر کا
تو نے رو کر جو کہا اے عقلِ ناداں الوداع
کھانے پینے کی رہی کیا قید تجھ پر ہے ستم
اے عزیز اس مجلسِ دوناں کے مہماں الوداع
مر گئے بیٹے بھتیجے سب تری تصویر سے
ہو گیا تو حال میں اپنے ہی حیراں الوداع
نقل اب کیا بے سر و سامانی تیری کیجیے
اے نہ تیرے تن پہ سر، نے سر کو ساماں الوداع
عورتیں بے کس گئیں سو لب پہ ان کے ہائے وائے
کہ گئے آگے ہی سب انصار و اعواں الوداع
پاس پیکر کے کھڑی کلثوم لب پر الفراق
ساتھ سر کے کہتی زینب خاک افشاں الوداع
خاک میں بھی دفن ہونا تیری قسمت میں نہ تھا
اے تمام اندوہ کم انبوہ سلطاں الوداع
تو مسافر ہو گیا دو گام چل کر اے حسین
شہربانو تھی بیاباں در بیاباں الوداع
ایک بیٹا بے کس و بیمار سو کیا کیا کرے
زاری و فریاد، وائے، سوز و افغاں الوداع
مرثیہ تو میر تُو کہتا ہی تھا پر اب کی یہ
کیا کہی ہے ہائے اے نم ناک مژگاں الوداع
(میر تقی میر)
