بابا بلھے شاہ الف اللہ دل رتّا میرا ۔ بلھے شاہ

[فرخ منظور]

الف اللہ دل رتّا میرا
مینوں ‘‘ب‘‘ دی خبر نہ کائی
‘‘ب‘‘ پڑھیاں کجھ سمجھ نہ آوے
لذّت الف دی آئی
‘‘ع‘‘ تے ‘‘غ‘‘ دا فرق نہ جاناں
ایہہ گَل الف سُجھائی
بُلھیا! قول الف دے پورے
جیہڑے دل دی کَرن صفائی

(بلھے شاہ)​

 

[عبدالقیوم چوہدری]

بلھے شاہ رہندا کلام۔ کیا ہی بات ہے۔

 

[رومانہ چوہدری]

بہت عمدہ

 

[نور وجدان]

ودھیا

 

[سیما علی]

بلھیا کی جاناں میں کون ؟ نہ میں مومن وچ مسیتاں نہ میں وچ کفر دیاں ریتاں نہ میں پاکاں وچ پلیتاں نہ میں موسی نہ فرعون بلھیا کی جاناں میں کون ؟ نہ میں وچ پلیتی پاکی نہ میں وچ شادی غمناکی نہ میں آبی نہ میں خاکی نہ میں آتش نہ میں پون بلھیا کی جاناں میں کون ؟ نہ میں بھیت مذہب دا پایا نہ میں آدم ہوا جایا نہ کجھ اپنا نام دھرایا نہ وچ بیٹھن نہ وچ بھون بلھیا کی جاناں میں کون ؟ اوّل آخر آپ نوں جاناں نہ کوئی دوجا ہور پچھانا میتھوں ودھ نہ کوئی سیانا بلھیا او کھڑا ہے کون بلھیا کی جاناں میں کون ؟

 

[لاريب اخلاص]

واہ واہ واہ!
بہت اعلیٰ