مصطفیٰ زیدی اعتراف ۔ مصطفیٰ زیدی

[فرخ منظور]

اعتراف

ترے کرم نے مجهے کر لیا قبول مگر
مرے جنوں سے محبت کا حق اَدا نہ ہوا

ترے غموں نے مرے ہر نشاط کو سمجھا
مرا نشاط ترے غم سے آشنا نہ ہوا

کہاں کہاں نہ میرے پاؤں لڑ کهڑائے مگر
ترا ثبات عجب تها کہ حادثہ نہ ہوا

ہزار دشنہ و خنجر تهے میرے لہجے میں
تری زباں پہ کبهی حرفِ ناروا نہ ہوا

ترا کرم جو گهٹا بهی تو بے پناہ رہا
مرا سلوک بڑها بهی تو منصفانہ ہوا

ترے دُکهوں نے پُکارا تو میں قریب نہ تها
مرے غموں نے صدا دی تو فاصلہ نہ ہوا

ترے مجاز میں اُس کے لیے پرستش تهی
خدا کا نام لئے جس کو اِک زمانہ ہوا

ہزار شمعوں کا بنتا رہا میں پروانہ
کسی کا گهر، ترے دل میں ، مرے سِوا نہ ہوا

مری سیاہیِ دامن کو دیکهنے پر بهی
ترے سفید دوپٹوں کا دل بُرا نہ ہوا

خزف کی جیب میں کیا تھا سوائے گم نامی
بس ایک گوہرِ نایاب سے خزانہ ہوا

(مصطفیٰ زیدی)



​

 

[آوازِ دوست]

واہ!!!تیرا کرم جو گھٹا بھی تو بے پناہ رہا۔ ۔ ۔ میرا سلوک بڑھا بھی تو منصفانہ ہوا