ہادیہ
محفلین
کیا حال ہیں محفلین؟؟ صد شکر مجھے یہ موقع ملا آج۔ پہلی بار مبارک باد کا تھریڈ بنا سکوں
19 جنوری 2017ء کا ایک خوبصورت دن تھا ۔ جب ہماری محفل میں ایک نئے رکن کا اضافہ ہوا
۔ انتہائی نفیس طبیعت پر خلوص انسان ہیں۔ان کے اخلاص پر ایک شعر عرض ہےہرسُو پھیلی خلوص کی خوشبو
تیرا لہجہ گلاب جیسا ہے!
یہ ہمارے بھیا اس محفل میں ہر جگہ پائے جاتے ہیں ۔ اور رونقیں بکھیرتے نظر آتے ہیں ۔مجھ سے تقریبا دو سال بعد اس محفل کا حصہ بنے ہیں ۔اور رفتار دیکھیے بھائی صاحب کی۔۔ چار ہزار مراسلے مکمل کرچکے ہیں۔ اس سے ان کا "باتونی" ہونا بھی ثابت ہوتا ہے
پہچانا؟؟ مولا خوش رکھے ۔ انہیں ان کی "صفات" جانے بغیر کوئی نہیں پہچان سکتا۔
ارے !! یہ ہمارے وہی تو بھیا ہیں ۔ جنہیں کچھ دن پہلے ہی مزے مزے کے خطابات سے نوازا گیا۔۔ جیسے "چچا ہرفن مولا" اور " اردو محفل کے مسٹر بین"
محفلین کے خیال میں وہ بہت "سیدھے" ہیں۔ محمد تابش صدیقی بھائی کا خیال ہے انہیں جتنی مرضی بار سمجھا لو اتنے سیدھے ہیں کرتے وہی ہیں جو ان کا دل چاہے
۔ اس کی حالیہ مثال کچھ یوں لے لیجیے کہ آج ان کی اچھی خاصی درگت بنائی گئی ان کی سادگی پر
۔۔ ان کی غلطی بس اتنی سی کہ معصومیت سے "سادہ سے سوال" پوچھ بیٹھے۔اس سادگی پہ کون نا اے خدا مرجائے!!
مزید انتظار نہیں کرواتے ہم آپ کو پیارے ساتھیو! آپ بالکل ٹھیک سمجھے ہیں ۔ یہ ذکرِ خیر ہمارے پیارے سے بھیا محمد عدنان اکبری نقیبی صاحب کا ہے۔ کراچی شہر کے رہائشی اور سلسلہ عالیہ حسنیہ نقیبہ سے تعلق ہے۔
سب سے پہلے ہماری طرف سے یہ پھول قبول کیجیے اس محفل میں آنے اور اس تھریڈ کے خاص مہمان ہونے کی وجہ سے
آپ کے بارے میں اپنی رائے کا اظہار یوں کرنا چاہوں گی
وہ بظاہر جو کچھ نہیں لگتے
اُن سے رشتے بلا کے ہوتے ہیں
تیری خوشبو نہیں ملتی ، تیرا لہجہ نہیں ملتا
ہمیں تو شہر میں کوئی تیرے جیسا نہیں ملتا
محفل میں سب کےدکھ سکھ میں پیش پیش ہوتے ہیں۔ سب پر نظر بھی گہری رکھتے ہیں ۔
ارے نہیں نہیں۔۔ میرے بھیا ایسے نہیں ہیں۔ ۔نظر اس لیے رکھتے ہیں تاکہ جیسے ہی کوئی ساتھی مراسلوں کا ہدف پورا کرے وہ مبارک باد دے سکیں۔
چاہت بھرے وہ لفظ اور ہر لفظ میں دعا
مقروض کردیا ہمیں تیرے خلوص نے
ہر دلعزیز صارف ہیں۔ خوش اخلاق اور محبتیں بانٹنے والے بلا تفریق
ان گلابوں پہ نکھارکا سبب تم ہو
اس چمن (اردو محفل) میں یہ بہار تیرے دم سے
محفل میں ایک سال کی تکمیل بہت بہت مبارک ہو آپ کو بھیا
. 
اس خوبصورت محفل کا حصہ بننے پر ہم آپ کا تہ دل سے شکر گزار ہیں۔ یہ پھولوں کا تحفہ آپ کے لیے
اللہ پاک سے دعا ہے ۔ آپ یونہی ہنستے مسکراتے رہیں۔ محفل میں اسی طرح رونقیں بکھیریں۔ اور دین و دنیا کی کامیابی آپ کا مقدر بنے۔ آمین
تحریر سے ورنہ میری کیا ہو نہیں سکتا
ایک تو ہے جو لفظوں میں ادا ہو نہیں سکتا
دعاؤں کے پھول آپ کے نام
خُدا کرے سلامت رہے کسی دعا کی طرح
اک تُو اور دوسرا مسکرانا تیرا
آمین ثم آمین
آخری تدوین:
