اس طرح دھڑکتا ہے کوئی دل مرے دل میں

[یونس رضا]

اس طرح دھڑکتا ہے کوئی دل مرے دل میں
ہو جیسے مرا مدمقابل مرے دل میں

ہاتھوں سے ترے غم کا سرا چھوٹ رہا ہے
یا ڈوب رہا ہے کوئی ساحل مرے دل میں

رہنا تھا مرے دل میں کسی غنچہ دہن کو
اور بس کیا اک شور سلاسل مرے دل میں

لپٹے رہے اک چاند کے دامن سے کنائے
اک درد سے ہوتی رہی جھلمل مرے دل میں

اک عشق تھا اب راکھ ہو خود نگری میں
اب کچھ بھی نہیں‌ہے ترے قابل مرے دل میں

کچھ دن اس مرا حال عجب ہے کہ رفیقو
آنسو بھی ٹہرتا ہے بہ مشکل مرے دل میں​

 

[زینب]

اک عشق تھا اب راکھ ہو خود نگری میں
اب کچھ بھی نہیں‌ہے ترے قابل مرے دل میں

زبردست انتخاب یونس صاحب۔۔۔۔۔۔۔کیا خوب غزل لائے ہیں اپ۔۔۔۔۔۔۔۔۔۔۔۔

 

[محمد وارث]

بہت اچھی غزل شیئر کی آپ نے یونس صاحب، شکریہ۔

اگر شاعر کے نام کا علم ہو سکے تو ضرور مطلع فرمائیے گا، نوازش۔