اساں دل نوں مرشد جان لیا

کسے ملیا پیر فقیراں نوں
کسے لبھیا ایتھے ہیرا نوں.....
کسے رو رو سچے رب اگے
لیا معاف کرا تکسیراں نوں....
کوئی نکڑے لگ کے بیٹھہ ریا
پا عشق دیاں زنجیراں نوں....
کسے سسی دا کسے ہونی دا
کوئی عاشق لیلی سوہنی دا....
کوئی طالب چنگی شہرت دا
کوئی سجن بوہتی دولت دا.....
اسی مالک پوٹھے شوقاں دے
اسی ویری سارے لوکاں دے......
سروں لاکے فقراس سوچاں نوں
اُک دل نوں اپنے نال لئیا.......
اسی وکھرے ساڈا سفر وی وکھرا سی
اسی رستہ وکھرا ٹا ل لئیا......
اسی حرص حواص نوں چھڈ دتا
جہرا شوق سی دل وچ نفیاں دا......
اُس شوق نوں دل وچوں کڈ دتا
اسی خوشیاں بدلے سوگ لیے......
ساڈی نکی عمرے ہمت اے
اساں عمروں وڈﮯ ﺭﻭگ لیے.....
اسی نفیاں تے نقصاں چوں
من ﻣﺮضی ﻧﺍل نقصان لئیا......
ساڈے پاگل پن دی حد ویکھو
اسی دل نو مرشد جان لیا....
اسی دل نو مرشد جان لیا
اسی دل ہتھوں مجبور ہوئے
اسی دل دے آگے ہار گئے....
ایں دل دی ساری کرنی اُے
سب یار گئے سب ہار گئے...
اسی اڑلے کنڈے پھرنے آ
ساڈے سجن پرلے پار گئے.....
نا دھپ ویکھی نا چھاں ویکھی
نا ماری چنگی تھاں ویکھی......
ساڈی عقل سیاپاں سو کیتا
اساں عقل دی اک وی نا منی.....
جو دل وچ آیا او کیتا
اسی سر نوں سٹ کے ٹردے رہے.....
صدا دل دے آکھے لگدے رہے
اسی کھوہ جوتے ڈھگے سن.....
اساں اکھیاں میٹ کے وگدے رہے
ساڈے پاگل پن دی حد ویکھو.....
اسی دل نو مرشد جان لیا
اسی دل نو مرشد جان لیا.....
 
Top