اردو میں لینکس کے ویڈیو ٹیوٹوریل

فاتح

لائبریرین
آج لینکس سیکھنے کے حوالے سے ایک نہایت ہی مفید ویب سائٹ دیکھنے کا اتفاق ہوا۔ سوچا سب کے ساتھ شیئر کرتا چلوں۔
ایک پاکستانی نوجوان محمد کامران عزیز نے اردو میں نہایت آسانی سے لینکس سکھانے کی ویڈیو اپنی ویب سائٹ پر رکھی ہیں اور وہ بھی بالکل مفت ڈاؤن لوڈ کے لیے۔
جن احباب کے پاس تیز رفتار انٹر نیٹ کی سہولت موجود ہے وہ اس سے فائدہ اٹھا سکتے ہیں ورنہ اسلام آباد سے اس کی ڈی وی ڈی نہایت ارزاں داموں خریدی بھی جا سکتی ہے۔
ویب سائٹ کا یو آر ایل درج ذیل ہے:
http://www.wbitt.com
 

نبیل

تکنیکی معاون
شکریہ فاتح۔ یہ انفارمیشن پہلے بھی کسی صاحب (غالباً شاکر عزیز) نے پوسٹ کی تھی۔ مجھے ابھی تک اس سے استفادے کا موقع نہیں ملا ہے۔ لیکن میرے ذہن میں یہ میڈیا فائلز دیکھ کر ایک سوال پیدا ہو رہا ہے کہ کیا انہیں یوٹیوب پر اپلوڈ کرنا بہتر نہیں ہوگا؟ اس طرح ویڈیوز flv فارمیٹ میں کنورٹ ہو جائیں گی اور ان کی سٹریمنگ بھی آسان ہو جائے گی۔
 

فاتح

لائبریرین
شکریہ فاتح۔ یہ انفارمیشن پہلے بھی کسی صاحب (غالباً شاکر عزیز) نے پوسٹ کی تھی۔ مجھے ابھی تک اس سے استفادے کا موقع نہیں ملا ہے۔ لیکن میرے ذہن میں یہ میڈیا فائلز دیکھ کر ایک سوال پیدا ہو رہا ہے کہ کیا انہیں یوٹیوب پر اپلوڈ کرنا بہتر نہیں ہوگا؟ اس طرح ویڈیوز flv فارمیٹ میں کنورٹ ہو جائیں گی اور ان کی سٹریمنگ بھی آسان ہو جائے گی۔

دراصل مجھے آج ہی اس سائٹ کا پتا چلا تھا اور محفل پر بھی اگر کسی نے اس کے متعلق بتایا تھا تو میری نظر سے وہ مرسلہ نہیں گزرا۔
بہت اچھا خیال ہے یوٹیوب پر ڈالنے کا اور یوں بھی محمد عزیز کامران صاحب نے انٹروڈکشن میں اسے بغیر کسی لائسنس کے آگے پھیلانے کی باقاعدہ اجازت دی ہے۔

تو کیا خیال ہے اسے اپلوڈ کرنے کا کام شروع کیا جائے پھر؟

چونکہ کچھ ویڈیو فائلوں کا حجم 600 ایم بی سے بھی زیادہ ہے اور یو ٹیوب پر اتنی بڑی فائل چڑھانا نا مکن ہے تو اس کے لیے ویڈیو کو چھوٹے ٹکڑوں میں تقسیم کرنا پڑے گا اور یہ کوئی مشکل کام نہیں۔ میرا خیال ہے فائلیں بانٹ لیتے ہیں اور شروع کرتے ہیں۔
 

نبیل

تکنیکی معاون
فاتح، میں اس کام میں آپ کا ساتھ دینے کو تیار ہوں لیکن اس سلسلے میں میری تکنیکی معلومات قدرے محدود ہیں۔ مذکورہ بالا سائٹ پر ویڈیو مختلف فارمیٹس میں موجود ہیں۔ پہلے کوئی ایسا طریقہ چاہیے جس کے ذریعے ان ویڈیوز کو مناسب سائز کے حصوں میں slice کیا جا سکے۔ باقی یوٹیوب خود ہی انہیں اپلوڈنگ کے دوران فلیش فائل میں کنورٹ کر لے گا، یا پہلے سے flv فارمیٹ میں کنورٹ کرنے کا بھی فائدہ ہو سکتا ہے۔

میرے ذہن میں خیال آ رہا تھا کہ ایک یوٹیوب ہی واحد ویڈیو ہوسٹ نہیں ہے۔ دوسرے کئی ویڈیو ہوسٹ بھی موجود ہیں جو ایمبیڈنگ کو سپورٹ بھی کرتے ہیں۔ ہو سکتا ہے کہ ان میں سے کچھ یوٹیوب کی نسبت بڑے سائز کی ویڈیو اپلوڈ کرنے کی سہولت بھی مہیا کرتے ہوں۔
 

فاتح

لائبریرین
کوالٹی اور زیادہ سے زیادہ فائل کے حجم کے اعتبار سے مجھے ڈِو ایکس کا سٹیج6 پسند ہے اور ایمبیڈنگ کی بھی سہولت ہے لیکن بڑی فائلیں اپلوڈ کرنے سے مسئلہ تو پھر وہی رہے گا کہ جیسا ہم چاہ رہے ہیں کہ سست رفتار انٹرنیٹ والے دوست بھی اس سے مستفیض ہو سکیں۔

فائلوں کو چھوٹے حصوں میں تقسیم کرنے کے لیے بلا مبالغہ سینکڑوں سافٹویئر مل جائیں گے حتیٰ کہ ونڈوز کا پروپرائیٹری "ونڈوز مووی میکر" بھی کسی حد تک یہ کام کر دیتا ہے لیکن وہ صرف wmv فارمیٹ میں ویڈیو بناتا ہے۔ میرے پاس یولیڈ میڈیا سٹوڈیو موجود ہے اور اس کا ٹرائل ورژن ڈاؤن لوڈ کر کے 30 دن تک بغیر کسی دقت کے استعمال کیا جا سکتا ہے۔
یو ٹیوب خود بخود فائلوں کو flv فارمیٹ میں تبدیل کر دیتا ہے لہٰذا ہمیں اس جھنجھٹ میں پڑنے کا کوئی فائدہ نہیں۔

اب آپ کی کیا رائے ہے ہمیں سٹیج6 پر رکھنی چاہییں یا یو ٹیوب پر؟ یا یوں بھی کیا جا سکتا ہے کہ پہلے سٹیج6 پر مکمل اور بڑی فائلیں رکھ دی جائیں اور اس کے بعد اس کے چھوٹے چھوٹے ٹکڑے بنا کر یو ٹیوب پر بھی رکھ دیں۔
 

نبیل

تکنیکی معاون
فاتح، پہلا مرحلہ ان ویڈیوز کو ڈاؤنلوڈ کرنے کا ہے۔ آپ مجھے بتا دیں کہ آپ کونسی والی ویڈیوز ڈاؤنلوڈ کر رہے ہیں تاکہ باقی ویڈیوز میں ڈاؤنلوڈ کر لوں۔ اس کے بعد اگلے مرحلے کا سوچتے ہیں۔
 

فاتح

لائبریرین
نبیل! سب سے پہلے تو تاخیر سے جواب دینے پر معذرت لیکن باعث تاخیر جان کر آپ کو خوشی ہو گی۔
میں نے کامران عزیز صاحب کے ایک ٹیوٹوریل کو یو ٹیوب، ڈیلی موشن اور میری محبوبہ دلنواز سٹیج6 ;) پر اپلوڈ کرنے کے تجربات کیے اور جو نتیجہ رہا وہ کافی حیران کن تھا:
1- یو ٹیوب اور ڈیلی موشن پر flv میں تبدیل ہونے کے بعد کوالٹی اتنی بری تھی کہ سکرین پر لکھے ہوئے حروف پڑھنا دشوار ہی نہیں بلکہ نا ممکن ہو گیا تھا لہٰذا ان دونوں کا تو قصہ ہی پاک ہوا۔
2- سٹیج6 پر نہ صرف یہ کہ کوالٹی کی عزت پر کوئی حرف نہیں آیا بلکہ انتہائی حیران کن طور پر 50 ایم بی سے بڑی فائل کا حجم بھی ڈو ایکس (DivX) کوڈیک کے باعث گھٹ کر صرف 18 ایم بی رہ گیا جو یو ٹیوب اور ڈیلی موشن کی flv سے کہیں کم تھا۔

اب ذرا سٹیج6 پر جا کر ویڈیو سرچ کے خانے میں مندرجہ ذیل میں سے کوئی بھی لفظ لکھ کر تلاش تو کیجیے:
اردو ویب، اردو، لینکس، کامران، محمد کامران، کامران عظیم، نیٹورک، وغیرہ
اس کے علاوہ انگریزی میں بھی کافی سارے کلیدی الفاظ ہیں جنہیں لکھنے پر یہ ویڈیو نظر آ جائے گی۔

سٹیج6 پر ویڈیو اپلوڈ کرنا بھی کوئی مشکل کام نہیں ہے۔
1- سٹیج6 پر اپنا اکاؤنٹ بنائیں اور ای میل آنے پر اس کی تصدیق کر کے لاگن ہو جائیں۔

2- ڈو ایکس (DivX) فار ونڈوز 6۔6 ڈاؤنلوڈ کر کے انسٹال کر لیجیے۔
3- گو کہ ایک چھوٹا سا کنورٹر اوپر والے پیکج میں پہلے ہی موجود ہے لیکن بہتر ہو گا کہ ذرا بہتر اختیارات والے ڈاکٹر ڈو ایکس (Dr. DivX) صاحب بھی ڈاؤنلوڈ فرما کر انسٹال کر لیے جائیں۔
4- جس وڈیو کو اپلوڈ کرنا مقصود ہو اسے مذکورہ بالا ڈاکٹر صاحب کی مدد سے .divx فارمیٹ میں تبدیل کر لیں۔ (بہتر ویڈیو کوالٹی کے لیے فہرست میں سے ہوم تھیٹر کا چنیں)۔ ایک سے زیادہ وڈیو فائلوں کو ایک ہی وقت میں کنورٹ کرنے کے لیے ڈالا جا سکتا ہے، جس کے لیے "بیچ" کا بٹن دبا کر وڈیو فائلوں کی فہرست چن لیں۔
5- سٹیج6 پر اپنے اکاؤنٹ سے لاگن ہو جائیں اور فائلیں اپلوڈ کرنا شروع کر دیجیے۔ دھیان رہے کہ کی ورڈز اور ٹیگز سوچ سمجھ کر دیجیے کہ یہ تلاش میں مددگار ثابت ہوتے ہیں۔

نبیل! کُل 56 وڈیو فائلوں میں سے شروع کی 28 مَیں لے لیتا ہوں اور آپ آخر کی 28 لے لیں۔ اس کے علاوہ اگر آپ محفل پر سٹیج6 کی ویڈیو کی سپورٹ بھی ڈال دیں تو ان ویڈیوز کو پیغامات میں ایمبیڈ بھی کیا جا سکے گا۔
 

نبیل

تکنیکی معاون
میاں اپنی عمر (87 سال) دیکھیں اور اپنے کام دیکھیں۔۔ :eek:

میں نے ایک کام تو کر دیا ہے کہ اب stage6 کی ویڈیوز پوسٹس میں ایمبیڈ کی جا سکتی ہیں۔ اس کے لیے بھی آٹومیٹک میڈیا ایمبیڈنگ کا سسٹم چلے گا یعنی اس کا یوآرایل پوسٹ کرنا کافی ہے۔ اب آپ اپنے حصے کی ویڈیوز اپلوڈ کریں۔ میں بھی کوشش کرتا ہوں کہ آپ کی فراہم کردہ ہدایات پر عمل پیرا ہو سکوں۔

[ame]http://stage6.divx.com/user/fatehh/video/1604279/Linux-CBT-in-Urdu---Basic-Network-Settings[/ame]
 

فاتح

لائبریرین
سٹیج6 کی سپورٹ ڈالنے کا شکریہ نبیل!
ویسے 87 سال کے بابے کو آپ "میاں" کی بجائے "میاں جی" کہتے تو بہتر ہوتا۔:grin:

چلیے آج رات انشاء اللہ کچھ تو اپلوڈ کرتے ہیں۔ میں نے اس ویڈیو کے لیے مندرجہ ذیل ڈیسکرپشن استعمال کی ہے:

UrduWeb.org publishes Muhammad Kamran Azeem's Urdu Linux CBT (Computer Based Training) in which he describes how to do Basic Network settings in Linux. This video can be downloaded and distributed freely from http://www.wbitt.com/

اردو ویب ڈاٹ آرگ محمد کامران عظیم کی اردو لینکس کمپیوٹر بیسڈ ٹریننگ ویڈیو جس میں بنیادی نیٹورک سیٹنگس سکھائی گئی ہیں کو پبلش کرنے میں خوشی محسوس کرتی ہے۔ یہ ویڈیو مندجہ ذیل ویب سائٹ سے ڈاؤنلوڈ کی جا سکتی ہے:
http://www.wbitt.com/

ہر ویڈیو کے مطابق ان الفاظ میں معمولی سی تبدیلی لا کر باقی الفاظ ایک سے رکھنا زیادہ بہتر ہو گا تا کہ جب تلاش کیا جائے تو تمام ویڈیو سامنے آ جائیں۔
جبکہ 3 ٹیگز استعمال کیے ہیں جن میں سے ہر ویڈیو کی مناسبت سے صرف پہلا ٹیگ تبدیل ہو جائے گا:
basic networking
linux cbt in urdu
urduweb.org
 

فاتح

لائبریرین
[ame=http://stage6.divx.com/user/fatehh/video/1605829/Linux-CBT-in-Urdu---Desktop-Printer]ڈیسک ٹاپ پرنٹر[/ame]

اس سلسلہ کی دوسری ویڈیو ڈیسک ٹاپ پرنٹر بھی میدان میں آ گئی!​
 

فاتح

لائبریرین
[ame=http://stage6.divx.com/user/fatehh/video/1605965/]ڈائنامک ہوسٹ کنفیگریشن - DHCPD[/ame]

تیسری ویڈیو DHCPD . ڈائنامک ہوسٹ کنفیگریشن بھی اپلوڈ ہو گئی!​
 

فاتح

لائبریرین
[ame=http://stage6.divx.com/user/fatehh/video/1606211/]ہاٹ میل کنفیگریشن - Hotmail Configuration[/ame]
چوتھی ویڈیو ہاٹ میل کنفیگریشن بھی اپلوڈ ہو گئی!​
 

نبیل

تکنیکی معاون
فاتح، میں نے دو فائلیں qmail2.avi اور qmail3.avi اینکوڈ کی ہیں لیکن ان اینکوڈڈ فائلوں کا سائز بالترتیب 70 میگابائٹ اور 67 میگابائٹ ہے۔ مجھے معلوم نہیں کہ انہیں اپلوڈ‌ کرنا کتنا سودمند ثابت ہوگا۔ کیا کوئی طریقہ ہے جس سے کوالٹی کے قدرے نقصان کے بدلے اینکوڈڈ فائلوں کا سائز چھوٹا کیا جا سکے؟
 

فاتح

لائبریرین
نبیل! میرے خیال میں تو یہ سائز زیادہ بڑا نہیں کیونکہ سٹریمنگ پس منظر میں آہستہ آہستہ ہوتی رہے گی اور ویڈیو بھی چلتی رہے گی۔ میرا خیال ہے اسی سائز میں اپلوڈ کر دیں۔

"ڈاکٹر ڈِو ایکس" میں ہوم تھیٹر کی بجائے دوسرے آپشن استعمال کر کے ریزولوشن گھٹائی تو جا سکتی ہے اور میں نے ایسا کر کے بھی دیکھا تھا لیکن چونکہ ان ویڈیو ٹیوٹوریلز میں ٹیکسٹ لکھا ہوا ہے اور ماؤس کی حرکت پر بھی نظر رکھنی پڑتی ہے جو ریزولوشن کم ہونے پر کافی دھندلی ہو جاتی ہے۔
 
Top