اردو محفل میں پنجابی
- صاحب لڑی الف عین
- تاریخ ابتداء
- کیفیت
افتخار راجہ
محفلین
معذرت
جناب اعجاز صاحب سب سے پہلے تو میں معذرت چاہوں گا کہ میں بھی اس پنجابی کا ٹکڑا لگانے والی پارٹی میں شامل ہوں۔
کیا کریں پاکستان میں پنجابی واحد لوگ ہیں جو اپنی زبان میں لکھتے پڑھتے نہیں بلکہ اسے صرف بول چال تک محدود کیا ہوا ہے۔
حتیٰ کہ اردو کے بڑے بڑے ادیب وغیرہ بھی پنجابی ہیں مگر پاکستان بنے کے بعد سارے اردو دان ہوگئے ہیں اور پنجابی میں کوئی قابلِ قدر کام نہیں ہوا۔ البتہ مادری زبان ہونے کے نتیجہ میں اس نے اردو میں مداخلت شروع کردی ہے۔ جسکے نتائج آپکے سامنے ہیں-
بہر حال میں آئیندہ حتٰی الامکان اس سے اجتناب برتنے کا وعدہ کرتا ہوں اور امید ہے کہ دیگر احباب بھی اسکا خیال رکھیں گے۔ توجہ دلانے کا شکریہ
جناب اعجاز صاحب سب سے پہلے تو میں معذرت چاہوں گا کہ میں بھی اس پنجابی کا ٹکڑا لگانے والی پارٹی میں شامل ہوں۔
کیا کریں پاکستان میں پنجابی واحد لوگ ہیں جو اپنی زبان میں لکھتے پڑھتے نہیں بلکہ اسے صرف بول چال تک محدود کیا ہوا ہے۔
حتیٰ کہ اردو کے بڑے بڑے ادیب وغیرہ بھی پنجابی ہیں مگر پاکستان بنے کے بعد سارے اردو دان ہوگئے ہیں اور پنجابی میں کوئی قابلِ قدر کام نہیں ہوا۔ البتہ مادری زبان ہونے کے نتیجہ میں اس نے اردو میں مداخلت شروع کردی ہے۔ جسکے نتائج آپکے سامنے ہیں-
بہر حال میں آئیندہ حتٰی الامکان اس سے اجتناب برتنے کا وعدہ کرتا ہوں اور امید ہے کہ دیگر احباب بھی اسکا خیال رکھیں گے۔ توجہ دلانے کا شکریہ
افتخار راجہ
محفلین
جی بہتر ہے کہ اجتناب ہی برتا جائے تو کیوں کہ میرے خیال میں یہ بلکل ایسی صورتِ حال ہے جو اردو اور انگریزی کی ہے اور ہم آئے دن انگریزی کے اردو میں مترادف ڈھونڈتے پھر رہے ہوتے ہیں۔ ویسے میں کوئی دس ہفتے پاکستان میں رہ کر آیا ہوں اور اب تو ہر سطح پر پنجابی کا ٹکڑا لگانا فیشن سمجھا جاتا تھا بلکہ جسطرح دس برس پیشتر انگریزی اور اردوکو ملا کر بولنا فیشن تھا۔ محترم اعجاز صاحب کا سوال درست ہے۔ ہمیں اسکا احساس نہیں ہوتا کہ ہماری مادری زبان ہے اور ہم اسکا حظ خوب اٹھاتے ہیں مگر جو لوگ اسے نہیں سمجھ سکتے ان کےلیے ساری عبارت بے معنی ہوکر رہ جاتی ہے - اسکا جو حل آپ نے بتایا ہے وہ ہی واحد حل ہے مگر کیا ہے کہ اس سے تسلسل ٹوٹ جاکر رہ جاتا ہے 
نبیل
تکنیکی معاون
اگر چہ میں خالص پنجابی نہیں ہوں اور گھر سے میں نے اردو ہی سیکھی ہے، پھر بھی پنجابی، سندھی اور پشتو میرے لیے اہم ہیں۔ جہاں تک پنجابی اور بلوچی کا تعلق ہے تو میری معلومات کے مطابق ان دونوں زبانوں کے لیے اردو کا کی بورڈ ہی کافی ہوتا ہے۔ اسکے علاوہ سندھی اور پشتو کا بندوبست میں اردو اوپن پیڈ میں کر چکا ہوں۔ ابھی تک مجھے اسکے متعلق کسی سندھی یا پشتو سپیکنگ بھائی سے فیڈ بیک نہیں ملی۔ میرا کہنے کا مقصد یہ تھا کہ اگر ان زبانوں سے شغف رکھنے والے اپنی زبان میں فورم سیٹ اپ کرنا چاہیں تو میں ان کے ساتھ تعاون کے لیے تیار ہوں۔
نبیل
تکنیکی معاون
قدیر، جن صاحب کا تم نے ذکر کیا ہے، ان کی سندھی زبان کے لیے کافی گراں قدر خدمات ہیں۔ انہوں نے ایک سندھی فونٹ بنایا ہوا ہے اور ان کے سندھی پیڈ کے بارے میں تم نے ہی مجھے بتایا تھا۔ اگر ماجد صاحب اس محفل میں تشریف لائیں تو یہ ہمارے لیے بہت باعث مسرت ہوگا۔ بائی دا وے پنجابی کے بارے میں تمہارے ریمارکس کو لوگ سیریسلی بھی لے سکتے ہیں، ذرا احتیاط کیا کرو۔
جہانزیب
محفلین
قدیر انتہائی نامعقول بات ہے تم سے پہلے ایک اور صاحب بھی ایسا فرما گئے ہیں جن کا نام مولانا مودودی ہے۔قدیر احمد نے کہا:
تمہیں اس بات پر شرمندگی ہونی چاہیے کہ تمہیں اپنی مادری زبان نہیں آتی ہے الٹا تم ایسی باتیں کر رہے ہو۔۔ پنجابی برصیغر میں واحد زبان ہے جس پر انگریز نے پابندی لگائی تھی۔ ہر جگہ ہر ریاست میں ابتدائی تعلیم اسی زبان میں دی جاتی تھی سرکاری زبان انگریزی تھی مگر پنجاب میں ایسا نہیں تھا۔ تقسیم کے بعد مشرقی پنجاب میں تو تعلیم کو دوبارہ پنجابی میں کر دیا گیا تھا جبکہ پاکستان میں ہم آج بھی ایسا سوچتے ہیں کہ ایسا کرنے سے پاکستان کے آئین سے شاید غداری ہو جائے گی۔ جبکہ باقی سب صوبوں میں انکی مادری زبان پڑھائی جاتی ہے۔
پاکستانی پنجابی سوچتا پنجابی میں ہے، بولتا پنجابی ہے مگر جب اپنے خیالات کو لکھنا ہو تو دوسری زبان کا سہارا لیتا ہے۔ اس سب لکھنے کا مقصد خدانخواستہ کوئی تعصب نہیں ہے بلکہ پنجابی کو اسکا حق نہیں دیا گیا اوپر سے ھر طرح کا الزام پنجابیوں پر لگا دیا جاتا ہے۔
ویسے یہ فورم اردو میں ہے تو اردو ہی میں ہونا چاہیے مگر براہ کرم کسی دوسری زبان کے بارے میں ایسا کہنے سے پرہیز برتنا چاہیے۔ مغلظات ہر زبان میں ہیں اور پنجابی اس سے مستثنی نہیں ہے۔
- کیفیت