اردو محفل ایوارڈز 2008 کا اجراء

[ماوراء]

السلام علیکم اہلِ محفل،

جیسا کہ آپ سب کو معلوم ہی ہے کہ اردو محفل کی سالگرہ کے موقع پر ہم نے ایوارڈز 2008 کا انعقاد کیا تھا۔ ایوارڈز کی نامزدگیاں بیس جون تک مکمل ہوئیں اور اکیس جون کو ووٹنگ کا آغاز کیا گیا۔ ووٹنگ کے لیے آپ کو دس دن دئیے گئے تھے۔ جس میں آپ سب نے نہ صرف بھرپور شرکت کی بلکہ ایوارڈز کی فہرست بنانے سے ووٹنگ تک کے تمام مراحل کو خوش اسلوبی سے چلانے میں مدد بھی کی۔
میں محمد کاشف مجید اور ابو شامل (فہد) کی تہہ دل سے شکرگزار ہوں، جنہوں نے اپنا وقت نکال کر نہایت ہی خوبصورت ڈیزائنز میں ایوارڈز گرافکس بنائی ہیں۔ اس کے ساتھ ساتھ میں نبیل بھائی کا بھی بے حد شکریہ جنہوں نے مصروفیت کے باجوود ان گرافکس پر کام کیا۔ اور ایک بات جو میں شروع سے کہتی آ رہی ہوں کہ آپ سب کی آراء ، تجاویز و شکایت کی ہر پل ضرورت رہتی ہے، ہم اسی طرح ہر کام میں آپ کی خواہش کے مطابق مزید نکھار لا سکتے ہیں۔

زیادہ تر ایوارڈز کا فیصلہ عام رائے شماری کے ذریعے سے کیا گیا ہے، جبکہ شاعری سے متعلقہ ایوارڈز کا فیصلہ ماہرین پر مشتمل پینل نے مشاورت سے کیا۔ اسی طرح لائبریری ایوارڈز کا فیصلہ بھی مشاورت سے کیا جائے گا جو کہ امید ہے جلد ہی ہو جائے گا۔

ایوارڈز 2008 کے نتائج تو آپ سب کے علم میں ہوں گے ہی۔ آج باقاعدہ یہ ایوارڈز اراکین کو جاری کیے جا رہے ہیں۔ کچھ ارکان کو تو ایوارڈ ملنے کی زیادہ ہی جلدی تھی، تولیجئے آپ سب کا انتظار ختم ہوا۔

میری طرف سے ایک بار پھر آپ سب کو مبارک باد۔​

اردو محفل ایوارڈز ٢٠٠٨

شمشاد

تعبیر

م م مغل

شمشاد

محسن حجازی

ماوراء

نبیل

الف عین

ماوراء

مہوش علی

خاور چودھری

م م مغل

سخنور

زیک

نبیل

شاکر القادری

شاکر القادری

نبیل

محمد کاشف مجید

محسن حجازی

زیک

ایم بلال

 

[arifkarim]

سب دوستوں کو بہت بہت بارک باد!

 

[ابن سعید]

بہت مبارک ہو!

اور ایوارڈ کے گرافکس کی خوبصورتی میں کوئی کلام نہیں۔ ڈیزائنرس کا بھی بہت بہت شکریہ۔ اللہ ان کے فن کو نکھارے۔

 

[نبیل]

شکریہ ماوراء۔
میں یہاں ابوشامل کا ایک مرتبہ پھر شکریہ ادا کرنا چاہوں گا جن کی فراہم کردہ ٹیمپلیٹس کے باعث اتنی خوبصورت ایوارڈز گرافکس کی تیاری ممکن ہوئی۔
لائبریری ایوارڈز کا اعلان علیحدہ سے کیا جائے گا جو کہ شگفتہ کی ذمہ داری ہے۔ لائبریری ایوارڈز کے لیے گرافکس محمد کاشف مجید نے فراہم کی ہیں۔

 

[مکی]

گرافکس واقعی انتہائی خوبصورت ہیں، ابو شامل صاحب کی صلاحیتوں کا میں پہلے سے ہی معترف ہوں، انہوں نے اردو سلیکس کے لیے جو وال پیپر فراہم کیے تھے وہ ان کے فن کا منہ بولتا ثبوت تھے..

تمام ایوارڈ یافتگان کو میری طرف سے ڈھیروں مبارک باد...

 

[بلال]

جن جن دوستوں کو ایوارڈ ملے ہیں اُن کو میری طرف سے بہت بہت مبارک ہو۔۔۔ تمام دوستوں کا بہت شکریہ جنہوں نے اس کام کو کرنے میں اپنا کردار ادا کیا۔۔۔
اگر گستاخی معاف ہو تو کیا میں پوچھ سکتا ہوں کہ ایک ایوارڈ مجھے بھی دیا گیا ہے اور وہ کونسا موضوع ہے جس میں میں نے ایسا کارنامہ کیا کہ مجھے یہ ایوارڈ مل گیا؟؟؟
ایک بار پھر آپ سب دوستوں کا بہت بہت شکریہ۔۔۔
اللہ تعالٰی آپ سب کو خوش رکھے۔۔۔آمین۔۔۔

 

[ماوراء]

بلال، کیا آپ نے ایوارڈ ووٹنگ میں حصہ نہیں لیا؟
آپ کا شروع کیا ہوا دھاگہ "اردو محفل کا تعارف" "پسندیدہ موضوع" کے لیے نامزد ہوا تھا۔

 

[بلال]

بلال، کیا آپ نے ایوارڈ ووٹنگ میں حصہ نہیں لیا؟
آپ کا شروع کیا ہوا دھاگہ "اردو محفل کا تعارف" "پسندیدہ موضوع" کے لیے نامزد ہوا تھا۔

جی ووٹنگ میں حصہ لیا تھا جبکہ میرا دھاگہ اصل میں "اردو محفل (میری نظر میں)" اس نام سے تھا۔۔۔ میں سمجھ رہا تھا کہ جو موضوع ووٹنگ کے لئے تھا وہ شائد اردو محفل آپ کی نظر میں یا اس سے ملتا جلتا کوئی اور نام تھا۔۔۔ اس لئے مجھے لگا کہ شائد غلطی سے ایوارڈ مجھے مل رہا ہے۔۔۔ ویسے آپ ایک بار پھر چیک کر لیں ہو سکتا ہے آپ سے غلطی ہو رہی ہو۔۔۔ اگر سب ٹھیک ہے تو تمام دوستوں کا ایک بار پھر بہت بہت شکریہ کہ انہوں نے میری ایک چھوٹی سی کاوش کا اتنا پسند کیا ہے۔۔۔

 

[ماوراء]

نہیں بلال ، یہی دھاگہ تھا۔ ووٹنگ میں واقعی کچھ نام بدل دیا تھا۔اس کے لیے معذرت۔

 

[خرم شہزاد خرم]

بہت خوب سب کو ایک دفعہ پھر سے مبارک ہو ۔ لائبریری والوں کو ایوارڈز کب ملے گے

 

[ابوشامل]

تیار کردہ ایوارڈز کو عملی صورت میں یہاں ساتھیوں کے سینوں پر جگمگاتا دیکھ کر دلی خوشی حاصل ہوئی ہے اور تمام ساتھیوں خصوصاً نبیل بھائی کی محبتوں پر ان کا مشکور ہوں۔
ایک رائے دینا چاہوں گا کہ ہر ایوارڈ یافتہ رکن کے نام کے نیچے جو تمغوں کی پٹی آ رہی ہے اس میں نئے ایوارڈ کچھ بڑے سائز میں دکھائی دے رہے ہیں جبکہ پرانے ایوارڈ اس کے مقابلے میں بہت چھوٹے ہیں اس لیے کچھ نظروں کو جچ نہیں رہا کیا ایسا نہیں ہو سکتا کہ پرانے ایوارڈز کو بھی اسی سائز کا کر دیا جائے؟

 

[عمار ابن ضیا]

تمام انعام یافتگان کو بہت بہت مبارک ہو۔
ایوارڈز ڈیزائنرز اتنی اچھی ڈیزائننگ پر واقعی داد کے مستحق ہیں۔

 

[نبیل]

تیار کردہ ایوارڈز کو عملی صورت میں یہاں ساتھیوں کے سینوں پر جگمگاتا دیکھ کر دلی خوشی حاصل ہوئی ہے اور تمام ساتھیوں خصوصاً نبیل بھائی کی محبتوں پر ان کا مشکور ہوں۔
ایک رائے دینا چاہوں گا کہ ہر ایوارڈ یافتہ رکن کے نام کے نیچے جو تمغوں کی پٹی آ رہی ہے اس میں نئے ایوارڈ کچھ بڑے سائز میں دکھائی دے رہے ہیں جبکہ پرانے ایوارڈ اس کے مقابلے میں بہت چھوٹے ہیں اس لیے کچھ نظروں کو جچ نہیں رہا کیا ایسا نہیں ہو سکتا کہ پرانے ایوارڈز کو بھی اسی سائز کا کر دیا جائے؟

فہد، پرانے ایوارڈز ویسے ہی نئے ایوارڈز کے سامنے کچھ اچھے نہیں لگ رہے۔
میں وقت ملنے پر پرانے ایوارڈز کی miniature گرافکس کا سائز نئی گرافکس کے سائز کے برابر کرنے کی کوشش کروں گا۔

 

[نصیر مغل]

السلام علیکم،

تمام ایوارڈز حاصل کرنے والے حضرات کو مبارکباد۔ اور تمام گرافکس بہت خوبصورت ہیں

 

[اردو]

مبارک صد مبارک

میری طرف سے بھی آپ کو مبارک ہو واقعی آپ سب نے بہت اچھا کام کیا ۔ کام سب کے مختلف تھے لیکن مقصد ایک۔ یعنی اردو زبان کی خدمت اور ترقی ۔ اللہ تعالی آپ سب کو بلکہ ہم سب کو پہلے سے بڑھ کر اردو زبان کی خدمت اور ترقی کے لئے کام کرنے کی توفیق عطا فرمائے۔ آمین۔

 

[آبی ٹوکول]

میری طرفسے بھی تمام ان احباب کو کہ جن کو ایوارڈز ملے بہت بہت مبارک ہو اور جن کو نہیں ملے وہ بالکل بھی مایوس نہ ہوں کہ انکا کام بھی بلاشبہ محفل کی پہچان ہے شکریہ

 

[مغزل]

بہت شکریہ جناب ۔۔
یہ محض اللہ کا کرم اور آپ احباب کی محبتیں ہیں
وگرنہ بندہ اس قابل کہاں۔۔ مجھے تو ابھی شاعر والا
قضیہ معلوم تھا ۔۔ یہ انٹری والا حملہ بھی خوب ہے۔
مجھے تو معلوم ہی نہیں تھا۔
ایک بار پھر شکریہ
والسلام

 

[خرم]

ایک دفعہ پھر تمام برادران و خواہران کو مبارک۔
اب پارٹی پہلے کون کھلا رہا ہے؟

 

[خاورچودھری]

خوب ہے جناب۔ شکریہ

 

[خاورچودھری]

مبارک دینے والوں‌کا شکریہ اور مبارک وصول کر نے والے میری طرف سے بھی مبارک باد کا پیغام قبول کریں۔
ایوارڈ میں‌نے ابھی دیکھے ہیں۔ جن حضرات نے ان کی تخلیق میں‌حصہ لیا وہ قابل داد ہیں۔