اردو جملہ کی انسٹالیشن کے مسائل

نبیل نے 'اردو جملہ (Joomla) سپورٹ' کی ذیل میں اس موضوع کا آغاز کیا، ‏جنوری 30, 2007

  1. نبیل

    نبیل محفلین

    مراسلے:
    16,771
    جھنڈا:
    Germany
    موڈ:
    Depressed
    السلام علیکم،
    کچھ دوستوں نے اردو جملہ کی انسٹالیشن میں مشکلات کا ذکر کیا ہے۔ انسٹالیشن میں مشکلات کی کئی وجوہات ہو سکتی ہیں۔ جملہ ‌‌‌[eng:fd8c0cc4a6]1.0.x[/eng:fd8c0cc4a6] ابھی مکمل طور پر utf-8 کمپیٹبل نہیں ہے۔ اس لیے اسے کچھ ڈیٹا ہینڈلینگ میں مسئلہ درپیش آتا ہے۔ اس کے علاوہ جملہ ابھی MySQL 5 کے ساتھ بھی صحیح طرح کام نہیں کرتا۔ اردو ویب کے ویب ہوسٹ پر بھی اب MySQL کا ورژن 5 مہیا ہے اور اس وجہ سے مجھے بھی اردو جملہ انسٹال کرنے میں چند مشکلات کا سامنا کرنا پڑا تھا۔ یہاں میں اردو جملہ انسٹال کرنے کا ایک اور طریقہ بیان کر رہا ہوں جو کہ کم از کم میرے لیے فائدہ مند ثابت ہوا تھا۔ ہو سکتا ہے کہ یہ آپ کے لیے بھی کارآمد ثابت ہو۔

    طریقہ یہ ہے کہ آپ پہلے جملہ کی انسٹالیشن کے لیے ایک ڈیٹابیس بنائیں، جس کی کولیشن utf-8 رکھی گئی ہو۔ اس کے بعد آپ اپنے ویب ہوسٹ پر جملہ کا عام انگریزی ورژن انسٹال کریں۔ یہ عام طور پر بغیر کسی مشکل کے انسٹال ہوجاتا ہے۔ اس بات کا خیال رکھیں کہ انسٹالیشن کے دوران اپنی سائٹ کا نام اردو میں نہ دیں بلکہ انگریزی میں ہی رکھیں بصورت دیگر configuration.php صحیح طرح سیو نہیں ہوگی۔

    اس کے بعد آپ جملہ کی روٹ میں configuration.php فائل کو چھوڑ کر باقی فائلوں کو اردو جملہ پیکج کی فائلوں سے overwrite کر دیں۔ اس پوائنٹ پر آپ کی جملہ انسٹالیشن کی ڈیفالٹ لینگویج انگلش ہوگی اور اس میں انگریزی آرٹیکل نظر آ رہے ہوں گے۔ اب آپ اپنی جملہ انسٹالیشن کے ایڈمن سیکشن میں جائیں اور ڈیفالٹ لینگویج کو اردو پر سیٹ کر دیں۔ اس کے علاوہ آپ جملہ کی ڈیفالٹ ٹمپلیٹ بھی بدل سکتے ہیں۔

    اگر آپ یہاں تک تمام کام کامیابی سے کر لیتے ہیں تو آپ کی جملہ انسٹالیشن کامیابی سے مکمل ہوگئی ہے۔ آپ کو ابھی تک اپنی جملہ انسٹالیشن میں سمپل آرٹیکل انگریزی میں نظر آ رہے ہوں گے۔ آپ انہیں ڈیلیٹ کرکے نئے اردو مضامین شامل کر سکتے ہیں یا آپ انہیں انگریزی مضامین کو ایڈٹ کرکے ان کے عنوانات اور متون میں اردو ڈال سکتے ہیں۔ اس طرح آپ کی اردو جملہ پر مبنی سائٹ تیار ہوجائے گی۔

    نوٹ: اردو ویب پر اردو جملہ کی انسٹالیشن کے بعد مجھے جو پرابلم نظر آئی ہے وہ یہ کہ اس انسٹالیشن میں ماڈیول انسٹالر کام نہیں کر رہا جبکہ کمپوننٹ اور mambot انسٹالر کام کر رہے ہیں۔ فی الحال مجھے اس پرابلم کا حل نہیں معلوم۔ اگر آپ میں سے کسی کو اس کا حل معلوم ہو تو ضرور بتائیں۔
     
  2. مکی

    مکی معطل

    مراسلے:
    939
    بسم اللہ الرحمن الرحیم

    ذرا اس کی وضاحت کریں کہ یہاں کیا لکھنا ہے... :?:

    [​IMG]

    واللہ الموفق
     
  3. نبیل

    نبیل محفلین

    مراسلے:
    16,771
    جھنڈا:
    Germany
    موڈ:
    Depressed
    السلام علیکم،

    مکی آپ configuration.php میں براہ راست کیوں لکھنا چاہ رہے ہیں؟ یہ فائل انسٹالیشن پروگرام خود لکھتا ہے۔
     
  4. مکی

    مکی معطل

    مراسلے:
    939
    بسم اللہ الرحمن الرحیم

    میں کچھ تجربات کر رہا تھا لیکن یہ سمجھ نہیں آرہا تھا کہ یہاں انسٹالیشن پروگرام کیا لکھے گا.. خیر.. لگتا ہے اس کے لئے پہلے انسٹالیشن کرکے دیکھنا پڑے گا..

    واللہ الموفق
     
  5. مہوش علی

    مہوش علی لائبریرین

    مراسلے:
    3,003
    نبیل بھائی،

    میں نے اپنے لوکل ہوسٹ پر آپکے بتائے ہوئے طریقے پر اردو جملہ انسٹال کیا ہے۔

    اس انسٹالیشن کے بعد مجھے ماڈیول انسٹالر میں کوئی پرابلم نہیں ہو رہی ہے۔

    مگر مجھے مسئلہ یہ ہو رہا ہے کہ میرے اردو جملہ کی ڈیفالٹ اینکوڈنگ ویسٹرن ونڈوز ہے اور مجھے ہر دفعہ اسے تبدیل کر کے UTF-8 کرنا پڑتا ہے۔ یہ بتائیں کہ کیا کیا جائے کہ اینکوڈنگ بائی ڈیفالٹ یو ٹی ایف ہو جائے؟

    نیز یہ بتائیں کہ کیا اس ورژن میں آپ اردو ایڈیٹر بھی شامل کریں گے؟ اگر ایسا ہو جائے تو میری نظر میں اردو جملہ مکمل ہو جائے گا اور ہم اس پر اپنے مختلف ویب سائیٹ بنا سکیں گے۔
     
  6. نبیل

    نبیل محفلین

    مراسلے:
    16,771
    جھنڈا:
    Germany
    موڈ:
    Depressed
    السلام علیکم مہوش بہن،

    بہت خوب۔ آپ نے بالآخر اپنے سسٹم پر ویب سرور سیٹ اپ کر ہی لیا۔ :)

    ڈیفالٹ اینکوڈنگ جملہ کی انسٹالیشن کا نہیں بلکہ ویب سرور کی کنفگریشن کا ایشو ہے۔ آپ اپنے سسٹم پر اپاچی (Apache) ویب سرور کی http.conf فائل میں ذیل کی لائن شامل کریں۔ اس سے ویب صفحات کی ڈیفالٹ اینکوڈنگ utf8 ہو جائے گی۔

    کوڈ:
    AddCharset UTF-8       .utf8
     
  7. مہوش علی

    مہوش علی لائبریرین

    مراسلے:
    3,003
    شکریہ نبیل بھائی، اب میں یہ کام مکمل کر لوں گی

    اب واحد چیز رہ گئی ہے اردو ویب پیڈ کی شمولیت۔ اگر یہ ہو جائے تو لائیو جملہ ویب سائیٹ بنائے جا سکتے ہیں۔ کیا آپ نے پہلے اس کی انٹیگریشن کی کوشش کی ہے؟

    وجہ یہ ہے کہ مجھے لگتا ہے کہ جملہ 1٫5 کو آتے آتے کم از کم چھ مزید مہینے لگ جائیں گے۔ لہذا بہتر ہو گا کہ مزید انتظار کیے بغیر ابتدا کر دی جائے۔

    بہرحال، فی الحال آپ روبی کی سمت رواں دواں ہیں، لہذا آپکو ڈسٹرب کرنا بھی مناسب نہیں ہو گا، چنانچہ میں صبر کے ساتھ انتظار کر لیتی ہوں۔ :) [یقینی طور پر روبی والا مسئلہ زیادہ اہم لگ رہا ہے۔ مگر کبھی آپ روبی کی صحبت سے اکتا جائیں اور تھوڑے وقت کے لیے علیحدگی اختیار کریں، تو جملہ کا حال چال بھی پوچھ لیجئے گا :)
     
  8. نبیل

    نبیل محفلین

    مراسلے:
    16,771
    جھنڈا:
    Germany
    موڈ:
    Depressed
    السلام علیکم،

    مہوش، جملہ کی مکمل اردو کسٹمائزیشن کے لیے ابھی کافی کام پڑا ہے۔ بلکہ اس میں شامل کیے جانے والی ہر ایکسٹنیشن اور نئے کمپوننٹ کی لینگویج فائلوں کا اردو ترجمہ اور سٹائل شیٹ کی کسٹمائزیشن کی ضرورت پڑے گی۔ صرف جملہ CMS کو کسٹمائز کرنا کافی نہیں ہے۔ مثال کے طور پر DocMan اور کمیونٹی بلڈر نہایت اہم کمپوننٹ ہیں۔ لیکن انہیں اردو جملہ میں استعمال کرنے کے لیے پہلے ان کا اردو ترجمہ کرنا بہتر ہوگا۔ میں نے اسی لیے مخلتف کونٹینٹ منیجمنٹ سسٹمز کے حوالے سے ذمہ دار افراد کے تعینات کرنے کا ذکر کیا تھا تاکہ کام تقسیم ہو سکے۔

    جملہ [eng:03f0fec13f]1.0.x[/eng:03f0fec13f] میں utf8 اینکوڈنگ کے حوالے سے مسائل باقی رہیں گے۔ لیکن اس کے باوجود اردو جملہ 1.0.12 پر مبنی اچھی اردو ویب تشکیل دینا ممکن ہے۔ اس کا ایک ڈیمو تو اردو ویب پر ہی موجود ہے۔

    جہاں تک اردو جملہ میں ویب پیڈ کی انٹگریشن کا تعلق ہے تو یہ میں صرف عام ٹیکسٹ فیلڈز کی حد تک کرنا چاہوں گا۔ جملہ کی نیوز سبمٹ کرنے کے لیے وزی وگ ایڈیٹر TinyMCE استعمال ہوتا ہے۔ آئیڈیل تو یہی ہوگا کہ اسی میں اردو لکھنا ممکن بنایا جائے۔ میرا منصوبہ کچھ اور ہے۔ میں جملہ میں شامل وزی وگ ایڈیٹر کو تبدیل نہیں کروں گا بلکہ میں JCE ایڈیٹر میں اردو سپورٹ شامل کرنے کا ارادہ رکھتا ہوں۔

    میرا اردو وزی وگ ایڈیٹرز پر کام تقریباً مکمل ہے۔ چند مسائل دور کرنے باقی ہیں، بس انہی کی وجہ سے کئی ہفتے سے یہ ریلیز نہیں کر پایا۔ ایک مرتبہ اردو TinyMCE سٹیبل کام کرنے لگ جائے، اس کے بعد ہی میں JCE میں اردو سپورٹ شامل کرنے کے بارے میں سوچوں گا۔
     
  9. دوست

    دوست محفلین

    مراسلے:
    13,080
    جھنڈا:
    Germany
    موڈ:
    Fine
    یہ ٹنی ایم سی ای کیا ورڈپریس میں بھی چلے گا؟
    میں نے اس کی سائٹ سے اتار کر وپ پلگ انز میں کاپی کیا لیکن یہ تو چلا ہی نہیں۔ شاید اس کو چلانے کے لیے کوئی اورپنگے شنگے بھی کرنے پڑتے ہیں۔ :roll: :roll: ۔
    وہ پردیسی بھائی والا فٹ چل گیا تھا لیکن وہ 2.1 پر آکر بے کار ہوگیا ہے۔
     
  10. نبیل

    نبیل محفلین

    مراسلے:
    16,771
    جھنڈا:
    Germany
    موڈ:
    Depressed
    شاکر، ورڈپریس کا ڈیفالٹ‌ ایڈیٹر TinyMCE ہی ہے۔
     
  11. دوست

    دوست محفلین

    مراسلے:
    13,080
    جھنڈا:
    Germany
    موڈ:
    Fine
    اصلی تے وڈا ٹنی ایم سی ای نہیں یہ تو اس کا بچہ بچونگڑا ہے۔
     
  12. راج

    راج محفلین

    مراسلے:
    457
    جھنڈا:
    SaudiArabia
    موڈ:
    Amused
    نبیل بھائی
    میں نے جملہ اپلوڈ کر لیا انسٹال بھی کیا اور کونفگ فایل کو مینول ایڈٹ کرکے اپلوڈ بھی کر دیا ہوں مگر پھر بھی پیج پر کچھ نہیں بتا رہا ہے- پیج بالکل خالی ہے آپ بھی دیکھ لیں
    میرا جملہ چیک کریں
     
  13. نبیل

    نبیل محفلین

    مراسلے:
    16,771
    جھنڈا:
    Germany
    موڈ:
    Depressed
    راج، آپ کے بتائے ہوئے ربط پر تو کچھ نہیں نظر آ رہا۔ میں اوپر وضاحت کر چکا ہوں کہ کنفگ فائل کو مینولی ایڈٹ نہیں کرنا ہے، یہ فائل انسٹالیشن پروگرام خود لکھے گا۔
     
  14. راج

    راج محفلین

    مراسلے:
    457
    جھنڈا:
    SaudiArabia
    موڈ:
    Amused
    ارے نبیل بھای میں نے پہلے جب اپلوڈ کیا تو انسٹال کا آپشن نہیں آیا پھر میں نے انسٹال کی فولڈر سے انسٹال پی ایچ پی کو استعمال کیا- تب انسٹال پورا ہوا- پھر بھی پیج نوٹ فاونڈ کا میسیج آرہا تھا- تب میں کونفگ کو چھیڑا اور اس میں یوزر نیم اور پاسورڈ ڈال کر اسے اپلوڈ کیا- تب پیج نوٹ فاونڈ کی بجاے خالی پیج دکھانے لگا -
    اس کے لیے کیا حل ہے-
     

اس صفحے کی تشہیر