طارق شاہ
محفلین
غزلِ
اپنا چمَن نہیں تو خِزاں کیا، بہار کیا
بُلبُل ہو نغمہ سنج سرِشاخسار کیا
مِنّت پذیرِ شوق، نہ مانوُس اِضطراب
تجھ کو قرار آئے دِلِ بیقرار کیا
غفلت کا ہے یہ حال، کہ اب تک خبر نہیں
اِس انجُمن میں کیا ہے نہاں، آشکار کیا
ناآشنائے راز ہیں سرگشتگانِ ہوش
پُوچھے کوئی خِزاں سے الگ ہے بہار کیا
اِک محویّت ہے سِلسِلہ پرواز محویّت
اِس سے زیادہ کوئی کرے اِنتظار کیا
دَوڑا دے نبضِ خاک میں بھی رُوحِ زندگی
کیسی نِشاط اور غمِ روزگار کیا ؟
دِل اِنتظار کُشتہ و جاں صرفِ اِضطراب
کِس وقت آئے، تم پہ کریں اب نِثار کیا
وہ دِل کہاں کہ ناز تھا جس کو شکیب پر
ٹوُٹا پڑا ہے، آئنۂ اعتبار کیا
برپا ہو ایک حشر، جو سُن لے کوئی اثر
تم کہہ رہے ہو شوق میں یہ بار بار کیا
اثرلکھنوی
اپنا چمَن نہیں تو خِزاں کیا، بہار کیا
بُلبُل ہو نغمہ سنج سرِشاخسار کیا
مِنّت پذیرِ شوق، نہ مانوُس اِضطراب
تجھ کو قرار آئے دِلِ بیقرار کیا
غفلت کا ہے یہ حال، کہ اب تک خبر نہیں
اِس انجُمن میں کیا ہے نہاں، آشکار کیا
ناآشنائے راز ہیں سرگشتگانِ ہوش
پُوچھے کوئی خِزاں سے الگ ہے بہار کیا
اِک محویّت ہے سِلسِلہ پرواز محویّت
اِس سے زیادہ کوئی کرے اِنتظار کیا
دَوڑا دے نبضِ خاک میں بھی رُوحِ زندگی
کیسی نِشاط اور غمِ روزگار کیا ؟
دِل اِنتظار کُشتہ و جاں صرفِ اِضطراب
کِس وقت آئے، تم پہ کریں اب نِثار کیا
وہ دِل کہاں کہ ناز تھا جس کو شکیب پر
ٹوُٹا پڑا ہے، آئنۂ اعتبار کیا
برپا ہو ایک حشر، جو سُن لے کوئی اثر
تم کہہ رہے ہو شوق میں یہ بار بار کیا
اثرلکھنوی