مجذوب اب ہائے کوئی تارِ گریباں نہیں رہا (کشکول مجذوب سے انتخاب)

اب ہائے کوئی تارِ گریباں نہیں رہا
وحشت میں جی بہلنے کا ساماں نہیں رہا

کب میری وحشتوں سے گریزاں نہیں رہا
کب مجھ سے دور دور بیاباں نہیں رہا

وارفتگیٔ شوق کا امکاں نہیں رہا
آ جا کہ دل میں اب کوئی ارماں نہیں رہا

مارا جو ایک ہاتھ گریباں نہیں رہا
کھینچی جو ایک آہ تو زنداں نہیں رہا

فیضِ بہارِ گلشنِ عارض تو دیکھیے
جنگل کو رخ کیا تو بیاباں نہیں رہا

تارِ نفس تو ہے اگر اے پنجۂ جنوں!
کوئی گلے میں تارِ گریباں نہیں رہا

قبروں میں جی کے رہ گئے مردے ارے غضب
کیوں ہوکے قصدِ گور غریباں نہیں رہا

لے چل اب اضطراب مجھے سوئے لامکاں
شایانِ وجد عالمِ امکاں نہیں رہا
​

 

خواجہ عزیز الحسن مجذوب رحمہ اللہ کا مزید کلام یہاں ملاحظہ فرمائیں۔

 

ٹیگ نامہ۔۔۔

 

بہت خوب جناب بہت شکریہ شریک فرمانے کا۔ اللہ خوش رکھے۔

 

شکریہ جناب توجہ فرمائی کا۔

 

بہت خوب جناب
کشکول مجذوب مکمل میں شریک کر چکا ہوں
آپ کی نظر سے گزری ہے؟

 

واہ عمدہ شراکت جناب

 

پسندیدگی کا بہت شکریہ محترم!
جی آپ نے جو کشکول شریک محفل کی ہے اسی میں سے دیکھ کر میں نے اسے ٹائپ کیا ہے۔

 

بہت شکریہ پسند فرمانے کا۔ یہ ”ماہی“ ماہیِ آب والا ہے یا ماہِ فلک والا؟

 

ماہِ فلک

 

بہت خوب جی

 

یعنی آسمان کی چاندنی۔۔

 

بہت شکریہ جناب!