1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

ن م راشد ابو لہب کی شادی - از ن م راشد

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏اکتوبر 2, 2007

  1. فرخ منظور

    فرخ منظور لائبریرین

    مراسلے:
    12,649
    جھنڈا:
    Pakistan
    موڈ:
    Cold
    ابو لہب کی شادی - از ن م راشد

    شب زفافِ ابو لہب تھی، مگر خدایا وہ کیسی شب تھی،
    ابو لہب کی دلھن جب آئی تو سر پہ ایندھن، گلے میں
    سانپوں کے ہار لائی، نہ اس کو مشاطّگی سے مطلب
    نہ مانگ غازہ، نہ رنگ روغن، گلے میں سانپوں
    کے ہار اس کے، تو سر پہ ایندھن!
    خدایا کیسی شب زفافِ ابو لہب تھی!

    یہ دیکھتے ھی ھجوم بپھرا، بھڑک اٹھے یوں غضب
    کے شعلے، کہ جیسے ننگے بدن پہ جابر کے تازیانے!
    جوان لڑکوں کی تالیاں تھیں، نہ صحن میں شوخ
    لڑکیوں کے تھرکتے پاؤں تھرک رھے تھے،
    نہ نغمہ باقی نہ شادیانے !

    ابو لہب نے یہ رنگ دیکھا، لگام تھامی، لگائی
    مہمیز، ابو لہب کی خبر نہ آئی!

    ابو لہب کی خبر جو آئی، تو سالہا سال کا زمانہ
    غبار بن کر بکھر چکا تھا!

    ابو لہب اجنبی زمینوں کے لعل و گوہر سمیٹ کر
    پھر وطن کو لوٹا، ھزار طرّار و تیز آنکھیں، پرانے
    غرفوں سے جھانک اٹھیں، ہجوم، پیر و جواں کا
    گہرا ہجوم، اپنے گھروں سے نکلا، ابو لہب کے جلوس
    کو دیکھنے کو لپکا!

    ابولہب!" اک شب زفاف ابو لہب کا جلا"
    پھپھولا، خیال کی ریت کا بگولا، وہ عشق برباد
    کا ہیولا، ہجوم میں سے پکار اٹھی: "ابو لہب!
    تو وہی ہے جس کی دلہن جب آئی، تو سر پہ ایندھن
    گلے میں سانپوں کے ہار لائی"

    ابو لہب ایک لمحہ ٹھٹکا، لگام تھامی، لگائی
    مہمیز، ابو لہب کی خبر نہ آئی!
     
    • پسندیدہ پسندیدہ × 6
  2. محمد وارث

    محمد وارث لائبریرین

    مراسلے:
    25,289
    جھنڈا:
    Pakistan
    موڈ:
    Depressed
    بہت شکریہ جناب پوسٹ کیلیے، بہت اچھی نظم ہے۔
     
  3. فرخ منظور

    فرخ منظور لائبریرین

    مراسلے:
    12,649
    جھنڈا:
    Pakistan
    موڈ:
    Cold
    بہت شکریہ آپ سب کا!
     
  4. چودھری مصطفی

    چودھری مصطفی محفلین

    مراسلے:
    406
    ن م راشد نے اس کردار کیلئے ابو لہب کا نام کیوں چنا؟
     
    • متفق متفق × 1
  5. ملک عدنان احمد

    ملک عدنان احمد محفلین

    مراسلے:
    373
    جھنڈا:
    Pakistan
    موڈ:
    Psychedelic
    بالکل یہ سوال میرے ذہن میں بھی آیا تھا۔ کیونکہ اس سے ملتے جلتے واقعات ہم اپنے ارد گرد مختلف ناموں اور مختلف عیوب کی بابت سنتے آئے لیکن ابولہب کا نام ہی استعمال کرنا عجیب بات ہے
     
    • متفق متفق × 1
  6. باسط حسن شیخ

    باسط حسن شیخ محفلین

    مراسلے:
    1
    اس کردار کی بیوی کے سر پر ایندھن اور گلے میں سانپوں کا ہار اور پھر کردار کا نام ابو لہب ہونا ۔ ۔ سورہ لہب کی طرف توجہ دلاتا ہے۔ سورہ کی آخری دو آیات کا ترجمہ:

    "اور اس کی بیوی بھی جو ایندھن سر پر اٹھائے پھرتی ہے {4} اس کے گلے میں مونج کی رسّی ہو گی {5}"
     
    • پسندیدہ پسندیدہ × 1
    • معلوماتی معلوماتی × 1
  7. چودھری مصطفی

    چودھری مصطفی محفلین

    مراسلے:
    406
    اگر کوئی اس نظم کی شرح بیان کر دے تو نوازش ہو گی، میری تو کچھ سمجھ میں نہیں آیا
     
    • متفق متفق × 1

اس صفحے کی تشہیر