ن م راشد "آپ" کے چہرے -- از ن م راشد

فرخ منظور نے 'پسندیدہ کلام' کی ذیل میں اس موضوع کا آغاز کیا، ‏ستمبر 30, 2007

  1. فرخ منظور

    فرخ منظور لائبریرین

    مراسلے:
    12,661
    جھنڈا:
    Pakistan
    موڈ:
    Cold

    "آپ" کے چہرے

    "آپ" ہم جس کے قصیدہ خواں ہیں
    وصل البتّہ و لیکن کے سوا
    اور نہیں
    "آپ" ہم مرثیہ خواں ہیں جس کے
    ہجر البتّہ و لیکن کے سوا اور نہیں
    "آپ" دو چہروں کی ناگن کے سوا اور نہیں!

    روز "البتّہ" مرے ساتھ
    پرندوں کی سحر جاگتے ارمانوں
    کے بستر سے اٹھا
    سیر کی، غسل کیا
    اور مرے ساتھ ہی صبحانہ کیا،
    بے سرے گیت بھی گائے ۔۔۔۔۔۔۔۔

    یونہی "لیکن" بھی مرے ساتھ
    کسی بوڑھے جہاں گرد کے مانند
    لڑھکتا رہا، لنگڑاتا رہا ۔۔۔۔۔۔
    شام ہوتے ہی وہ ان خوف کے پتلوں کی طرح
    جو زمانے سے، کسی شہر میں مدفون چلے آتے ہوں
    ناگہاں نیندوں کی الماری میں پھر ڈھیر ہوئے
    ان کے خرّانٹوں نے شب بھی مجھے سونے نہ دیا ۔۔۔
    "آپ" البتّہ و لیکن کے سوا اور نہیں

    بارہا ایک ہی وہ چہرہ ۔۔۔۔ وہ "البتّہ"
    جسے جانتے ہو
    دن کی بیہودہ تگ و تاز میں،
    یا شور کے ہنگام من و توئی میں
    نوحہ گر ہوتا ہے "لیکن" پہ کہ موجود نہیں

    بارہا ایک ہی وہ چہرہ ۔۔۔۔۔ وہ "لیکن"
    جسے پہچانتے ہو
    اپنے سنّاٹے کے بالینوں پر
    اپنی تنہائی کے آئینوں میں
    آپ ہی جھولتا ہے
    قہقہے چیختا ہے
    اپنے البتہ کی حالت پہ کہ موجود نہیں ۔۔۔۔۔۔

    آؤ، البتّہ و لیکن کو
    کہیں ڈھونڈ نکالیں پھر سے
    ان کے بستر پہ نئے پھول بچھائیں
    جب وہ وصل پہ آمادہ نظر آئیں
    تو (ہم آپ) کسی گوشے میں چپ چاپ سرک جائیں!

     
    • پسندیدہ پسندیدہ × 2
  2. فاتح

    فاتح لائبریرین

    مراسلے:
    15,751
    جھنڈا:
    Pakistan
    موڈ:
    Hungover
    بہت شکریہ جناب۔ انتہائی خوبصورت۔
     
    • پسندیدہ پسندیدہ × 1
  3. محمد وارث

    محمد وارث لائبریرین

    مراسلے:
    25,445
    جھنڈا:
    Pakistan
    موڈ:
    Depressed
    شکریہ جناب شیئر کرنے کیلیے۔
     
    • پسندیدہ پسندیدہ × 1
  4. الف عین

    الف عین لائبریرین

    مراسلے:
    33,738
    جھنڈا:
    India
    موڈ:
    Psychedelic
    ن م راشد کی ایک ای بک کے لئے تیار ہو جائیں۔۔۔ یہاں مواد جمع ہوتا جا رہا ہے۔
    وارث، فاتح۔۔۔ کیا خیال ہے؟؟
     
    • پسندیدہ پسندیدہ × 1
  5. محمد وارث

    محمد وارث لائبریرین

    مراسلے:
    25,445
    جھنڈا:
    Pakistan
    موڈ:
    Depressed
    شکریہ اعجاز صاحب، آپ صحیح کہہ رہے ہیں، ن م راشد اردو شاعری کا ایک بہت بڑا نام ہیں۔ میرے پاس کلیاتِ راشد موجو ہے اور مقدور بھر کام بھی کر سکتا ہوں۔

    لیکن جتنی محبت فرخ صاحب کو راشد صاحب سے ہے مجھے لگتا ہے وہ یہ کام تنِ تنہا بھی انجام دے سکتے ہیں :)

    ویسے احباب کی اطلاع کیلیے عرض کردوں کہ "ون اردو" سائٹ پر فرخ صاحب، ن م راشد بورڈ کے موڈریٹر ہیں اور کافی کلام پوسٹ کر چکے ہیں۔

    ۔
     
    • پسندیدہ پسندیدہ × 1
  6. فاتح

    فاتح لائبریرین

    مراسلے:
    15,751
    جھنڈا:
    Pakistan
    موڈ:
    Hungover
    کیوں نہیں جناب! ضرور بنائی جا سکتی ہے اور بنائی جانی چاہیے۔ میرے پاس وارث صاحب اور فرخ صاحب کی طرح ن م راشد کی کتب تو موجود نہیں لیکن اگر سکین کیا ہوا کچھ حصہ مل جائے تو میں بھی حصہ دار بن سکتا ہوں اس کار خیر میں۔

    وارث صاحب! اگر پوری کلیات کی بجائے ایک ایک کتاب برقیائی جائے تو یہ عمل نسبتاً سہل نہ ہو گا۔ یا خوبصورت ترین کلام کو "انتخاب" کا نام دے کر کاپی رائٹ کے جھنجھٹوں سے بھی چھٹکارا پایا جا سکتا ہے کہ مجھے آپ کی ہی ایک پوسٹ سے کاپی رائٹ کے ایک قانون کا علم ہوا تھا کہ مصنف کی وفات کے 50 برس بعد ہی اس کا کلام کاپی رائٹ سے آزاد ہوتا ہے۔
     
    • پسندیدہ پسندیدہ × 1
  7. محمد وارث

    محمد وارث لائبریرین

    مراسلے:
    25,445
    جھنڈا:
    Pakistan
    موڈ:
    Depressed
    دلچسپی کیلیے شکریہ فاتح بھائی۔

    نہیں بھائی مجھ میں اتنی سکت نہیں ہے کہ مکمل کلیاتِ راشد کے بارے میں سوچوں بھی، اور پھر وہ ہیں بھی کاپی رائٹ پروٹیکٹڈ۔ ہاں انتخاب سے کام چل جائے گا۔

    اور اس سلسلے میں بھی عرض کی تھی کہ شاید فرخ صاحب خود ہی یہ حق ادا کردیں کہ انہوں نے پہلے ہی سے کافی کام کر رکھا ہے۔ لیکن وہ تو ابھی تک ادھر متوجہ ہی نہیں ہوئے۔ :rolleyes:

    ۔
     
    • پسندیدہ پسندیدہ × 1
  8. فرخ منظور

    فرخ منظور لائبریرین

    مراسلے:
    12,661
    جھنڈا:
    Pakistan
    موڈ:
    Cold
    جناب حضرات بہت شکریہ آپ کی پسندیدگی کا! ن۔ م۔ راشد کی کچھ نظمیں ایسی ہیں جو متنازعہ کہی جا سکتی ہیں مجھے ذاتی طور پر تو بہت پسند ہیں لیکن شائد عوامی سطح ان نظموں کی متحمل نہ ہو سکے- لہٰذا میں کوشش کروں گا صرف وہی نظمیں پوسٹ کروں جن میں کوئی متنازعہ عنصر نہ ہو ورنہ شائد کچھ الگ بکھیڑے نبیڑنے پڑیں-
     
    • پسندیدہ پسندیدہ × 1
  9. فاتح

    فاتح لائبریرین

    مراسلے:
    15,751
    جھنڈا:
    Pakistan
    موڈ:
    Hungover
    اگر ایسی کچھ نظمیں ہیں تو وہ سب سے پہلے برقیائی جانی چاہییں;)
     
    • پسندیدہ پسندیدہ × 1
  10. محمد وارث

    محمد وارث لائبریرین

    مراسلے:
    25,445
    جھنڈا:
    Pakistan
    موڈ:
    Depressed
    میرا بھی یہی خیال ہے فرخ صاحب، جن نظموں کے بارے میں آپ سمجھتے ہیں کہ وہ متنازعہ ہیں تو سب سے پہلے انہی کو پوسٹ کریں۔ ویسے آپ بتا سکتے ہین کہ یہ نظمیں کس حوالے سے متنازعہ تھیں یا ہیں۔

    ۔
     
    • پسندیدہ پسندیدہ × 1
  11. الف عین

    الف عین لائبریرین

    مراسلے:
    33,738
    جھنڈا:
    India
    موڈ:
    Psychedelic
    یار وہ نظم کسی کو یاد ہے جس میں ن م راشد نے لکھا ہے

    وہ۔۔۔۔ ہوں جس کی دو بیویاں ہیں
    اور پھر یہ تو دیکھو
    کہ اک۔۔۔ کو دوسری کی خبر تک نہیں ہے!!!!
    بڑی دل چسپ اور اچھوتی نظم تھی، کچھ متنازعہ۔
     
    • پسندیدہ پسندیدہ × 1
  12. محمد وارث

    محمد وارث لائبریرین

    مراسلے:
    25,445
    جھنڈا:
    Pakistan
    موڈ:
    Depressed
    اب آپ اس نظم کی تعریف کر رہیں اعجاز صاحب تو ڈھونڈنی ہی پڑے گی، نظم میرا مطلب ہے۔ :) کرتا ہوں ورق گردانی کچھ وقت نکال کر، یا ہو سکتا ہے فرخ صاحب کو یاد ہو۔
     
    • پسندیدہ پسندیدہ × 1
  13. فرخ منظور

    فرخ منظور لائبریرین

    مراسلے:
    12,661
    جھنڈا:
    Pakistan
    موڈ:
    Cold
    متنازعہ ہیں نہیں ان میں متنازعہ عنصر ہے جیسے جنس یا الہاد اور یہ دونوں عناصر بعض نظموں میں بہت زیادہ ہیں - اب آپ ہی فرمائیے کیا مجھے ایسی نظمیں عوامی فورم پر پوسٹ کرنی چاہئےِ؟
     
    • پسندیدہ پسندیدہ × 1
  14. الف عین

    الف عین لائبریرین

    مراسلے:
    33,738
    جھنڈا:
    India
    موڈ:
    Psychedelic
    میں تو کوئ حرج نہی سمجھتا۔ آخر کتاب بھی چھپی ہی ہے، اور اس پر کوئ مقدمہ بھی نہیں چلا!!
     
    • پسندیدہ پسندیدہ × 1
  15. فاتح

    فاتح لائبریرین

    مراسلے:
    15,751
    جھنڈا:
    Pakistan
    موڈ:
    Hungover
    فرخ صاحب! میں بھی اعجاز صاحب کا موید ہوں۔
     
    • پسندیدہ پسندیدہ × 1
  16. فرخ منظور

    فرخ منظور لائبریرین

    مراسلے:
    12,661
    جھنڈا:
    Pakistan
    موڈ:
    Cold
    ٹھیک ہے حضرات- آپ سب کی ادب سے محبّت دیکھ کر میں بھی قائل ہو گیا- جلد آپ کی خواہش پوری کروں گا- شکریہ - آپ سب لوگ واقعی ادب سے محبّت کرنے والے ہیں۔ مجھے بڑی خوشی ہوئی-
     
    • پسندیدہ پسندیدہ × 1
  17. محمد وارث

    محمد وارث لائبریرین

    مراسلے:
    25,445
    جھنڈا:
    Pakistan
    موڈ:
    Depressed
    بہت شکریہ جناب آپ کا، پوسٹ کرتے رہیئے، اسطرح ن م راشد کی ایک ای بُک تیار ہو جائے گی۔
     
    • پسندیدہ پسندیدہ × 2

اس صفحے کی تشہیر