آپ اگر مل جاتے ہیں۔ ۔ ۔ ۔ ۔

[محمود احمد غزنوی]

آپ اگر مل جاتے ہیں​

آپ اگر مل جاتے ہیں۔ ۔
پھول سبھی کھل جاتے ہیں
یاد سے دل بھرتا ہی نہیں
زخم تو سب بھر جاتے ہیں
بیتا غم پھر بیت رہا ہے۔ ۔ ۔
گذرے دن پھر آتے ہیں۔ ۔ ۔ ۔
آپکی باتیں، لہجے، سانسیں
گیتوں میں ڈھل جاتے ہیں۔ ۔
نظریں جس لمحے ملتی ہیں
وقت سبھی تھم جاتے ہیں۔ ۔
آپ کا غم اک پارس پتھر۔ ۔ ۔
کندن ہم بن جاتے ہیں۔ ۔ ۔ ۔ ۔
روح سے لیکر جسم تلک۔ ۔
آپ سے سارے ناتے ہیں۔ ۔ ۔
جانیں کیوں محمود ابھی تک
اس بت سے گھبراتے ہیں۔ ۔ ۔​

 

[الف عین]

پہلی بات یہ کہ یہ نظم ہے یا غزل؟
غزل ہے تو کچھ مصرعوں کے افاعیل چیک کر لیں۔
فعلن فعلن فعلن فع/فعل
سے تقطیع کر کے۔
جیسے
آپکی باتیں، لہجے، سانسیں
فعلن فعلن فعلن فعلن

 

[سید نصرت بخاری]

الف عین صاحب کی رائے کی تائید کرتا ہوں۔’’کندن ہم بن جاتے ہیں‘‘کی بجائے ہم کندن بن جاتے ہیں‘‘ہونا چاہیے۔’’جانیں‘‘کی بجائے ’’جانے ‘‘ہوگا۔نسرت بخاری