آج کا شعر -6

[ساقی۔]

دائم آباد رہے گی دنیا
ہم نہ ہوں گے کوئی ہم سا ہو گا

ناصر کاظمی

 

[ساقی۔]

رشتوں کی دھوپ چھاؤں سے آزاد ہو گئے
اب تو ہمیں بھی سارے سبق یاد ہو گئے

لفظوں کے ہیر پھیر کا دھندھ بھی خوب ہے
جاہل ہمارے شہر میں استاد ہو گئے

 

[سید فصیح احمد]

عدم دل کی بے چینیاں کہہ رہی ہیں
طبعیت کہیں مبتلا ہو چکی ہے

عدم

 

[فرخ منظور]

ساقی نہ پوچھ کس طرح پہنچے ترے حضور
رستے میں اک طویل بیابانِ ہوش تھا

(عدمؔ)​

 

[سیما علی]

میں اس سے جھوٹ بھی بولوں تو مجھ سے سچ بولے
‏مرے مزاج کے سب موسموں کا ساتھی ہو

‏افتخار عارف

 

[گُلِ یاسمیں]

یہ ہوائیں اڑ نہ جائیں لے کے کاغذ کا بدن
دوستو مجھ پر کوئی پتھر ذرا بھاری رکھو

راحت اندوری

 

[سیما علی]

تمھاری بزم بھی کیا بزم ہے آداب ہیں کیسے
وہی مقبول ہوتا ہے جو گستاخانہ آتا ہے
امن لکھنؤی

 

[شمشاد]

دھیما دھیما درد سہانا ہم کو اچھا لگتا تھا
دکھتے جی کو اور دکھانا ہم کو اچھا لگتا تھا
کرشن ادیب

 

[سیما علی]

دھیما دھیما درد سہانا ہم کو اچھا لگتا تھا
دکھتے جی کو اور دکھانا ہم کو اچھا لگتا تھا
کرشن ادیب

واہ کیا کہنے !

 

[سیما علی]

لے دے کے اب یہی ہے نشانِ ضیا قتیل
جب دِل جلے تو اُس کو دیا کہہ لیا کرو

قتیل شفائی

 

[سیما علی]

بڑھا رہی ہیں میرے دکھ، نشانیاں تیری
میں ترے خط، تری تصویر تک جلا دوں گا

محسن نقوی

 

[سیما علی]

دین ہاتھ سے دے کر اگر آزاد ہو ملت۔۔۔
‏ہے ایسی تجارت میں مسلماں کو خسارہ۔۔
‏۔۔
‏ڈاکٹر علامہ محمد اقبال رحمۃ

 

[سیما علی]

عرصے سے اس دیار کی کوئی خبر نہیں
مہلت ملے تو آج کا اخبار دیکھ لیں
آشفتہ

 

[سیما علی]

نظر تھی صورتِ سلماںؓ ادا شناس تری
‏شرابِ دید سے بڑھتی تھی اور پیاس تری
‏.
‏(اقبال رحمۃ اللّٰہ علیہ)

 

[کاشفی]

مسلماں کافروں میں ہوں مسلمانوں میں کافر ہوں
کہ قرآں سر پہ بت آنکھوں میں ہے زنار پہلو میں
(احمد حسین مائل)

 

[گُلِ یاسمیں]

اس طرف نہ جا کہ ادھر راستوں میں ہیں رستے بہت
اس جگہ مت ٹہر کہ یہاں منزلیں خود ہی دیوار ہیں

 

[کاشفی]

منزلیں راہ میں تھیں نقش قدم کی صورت
ہم نے مُڑ کر بھی نہ دیکھا کسی منزل کی طرف
(غلام ربانی تاباں)

 

[گُلِ یاسمیں]

کبھی کبھار ملا کر
دکھ سکھ بانٹ لیا کر
دیواریں دشمن ہیں
خود سے بات کیا کر
( سلیم کوثر)

 

[کاشفی]

بے مقصد محفل سے بہتر تنہائی
بے مطلب باتوں سے اچھی خاموشی
(عین عرفان)

 

[گُلِ یاسمیں]

محسن غریب لوگ تو تنکوں کا ڈھیر ہیں
ملبے میں دب گئے کبھی پانی میں بہہ گئے
( محسن نقوی)