مصطفیٰ زیدی آج بھی ۔ مصطفیٰ زیدی

فرخ منظور

لائبریرین
آج بھی

پھیلی ہوئی ہے شام کراں تا کراں مگر
کون و مکاں میں ساعتِ زنداں ہے آج بھی

اس فلسفے کی سوزنِ پنہاں کے باوجود
چاک جگر حقیقتِ عریاں ہے آج بھی

اس نوجوان عصرِ ترقی پسند میں
اک کہنہ یاد وقتِ بداماں ہے آج بھی

کیا کیا نگارِ مثلِ بہاراں گذر گئے
ضرب المثال یوسفِ کنعاں ہے آج بھی

اس عہدِ رنگ و نور کی عبرت فروز یاد
اک شمعِ سوگوار فروزاں ہے آج بھی

ممکن ہو اے صبا تو رمیدہ غزال سے
کہنا کہ ایک روح غزل خواں ہے آج بھی

(مصطفیٰ زیدی)

روشنی
 
Top