طارق شاہ
محفلین
غزلِ
فانی بدایونی
ہو کاش وفا، وعدۂ فردائے قیامت
آئے گی مگر دیکھئے کب آئے قیامت
الله بچائے غمِ فرقت وہ بَلا ہے !
مُنکر کی نِگاہوں پہ بھی چھا جائے قیامت
سُنتا ہُوں کہ ہنگامۂ دِیدار بھی ہو گا
اِک اور قیامت ہے یہ بالائے قیامت
ہم دل کو اِن الفاظ سے کرتے ہیں مُخاطب
اے جلوہ گہِ انجُمن آرائے محبّت
فانی یہ مگر راہِ محبّت کی زمِیں ہے
ہر ذرّہ میں ہے وسعتِ صحرائے محبّت
فانی بدایونی
آخری تدوین: