فہد اشرف
محفلین
کلوپیٹرا
وادئ نیل پہ طاری تھا بہاروں کا سماں
جلوۂ سبزۂ گل سے تھیں فضائیں شاداب
نشۂ بادِ بہاری سے ہوائیں شاداب
محوِ پرواز تھا رنگین ستاروں کا سماں
مائلِ رقص ہو جس طرح شراروں کا سماں
نورِ انجم سے تھیں وادی کی ادائیں شاداب
نکہت و رنگ کی آوارہ گھٹائیں شاداب
چار سو بال فشاں میکدہ زاروں کا سماں
_۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یک بیک شفق اندام ستارہ ٹوٹا
بن کے اک غنچۂ زرّیں گرا وادی میں
اور اک خواب نما پھول کھلا وادی میں
دیکھتے دیکھتے نیرنگِ نظارہ ٹوٹا
جلوۂ فطرتِ رنگیں کی تھی تنویر اس میں
ایک عورت کی پریشان تھی تصویر اس میں
(اختر شیرانی)
شعرستان
وادئ نیل پہ طاری تھا بہاروں کا سماں
جلوۂ سبزۂ گل سے تھیں فضائیں شاداب
نشۂ بادِ بہاری سے ہوائیں شاداب
محوِ پرواز تھا رنگین ستاروں کا سماں
مائلِ رقص ہو جس طرح شراروں کا سماں
نورِ انجم سے تھیں وادی کی ادائیں شاداب
نکہت و رنگ کی آوارہ گھٹائیں شاداب
چار سو بال فشاں میکدہ زاروں کا سماں
_۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یک بیک شفق اندام ستارہ ٹوٹا
بن کے اک غنچۂ زرّیں گرا وادی میں
اور اک خواب نما پھول کھلا وادی میں
دیکھتے دیکھتے نیرنگِ نظارہ ٹوٹا
جلوۂ فطرتِ رنگیں کی تھی تنویر اس میں
ایک عورت کی پریشان تھی تصویر اس میں
(اختر شیرانی)
شعرستان