ڈاکٹر توصیؔف تبسّم:::::: لگی ذرا نہ طبیعت بہشت میں اپنی :::::: Dr. Tauseef Tabassum

طارق شاہ

محفلین



غزل
لگی ذرا نہ طبیعت بَہِشت میں اپنی
زمِیں کے دُکھ تھے بہت سرنَوِشت میں اپنی

اندھیرے گھر میں یہی روشنی کا رَوزَن ہے
چُنی ہے آنکھ جو دِیوارِ خِشت میں اپنی

اِنہی سِتاروں سے پُھوٹیں گے تِیرَگی کے شَجر
جو آسمان نے بَوئے ہیں کشت میں اپنی

اِسی لِئے تو پڑی اپنے پاؤں میں زنجیر
کہ سرکشی تھی زیادہ سرِشت میں اپنی

طَلَب سُخن کو اُسی حرفِ بے صدا کی ہے
جو آج تک نہیں آیا نَوِشت میں اپنی

ڈاکٹر توصیؔف تبسّم
 
Top