میرے پسندیدہ اشعار

[امامہ ارشاد]

نام تک بھول گیا ہوں میں جنوں میں تیرا
اب تو رہ گیا ہے ہونٹوں پہ جاناں جاناں

 

[امامہ ارشاد]

وہ تیرے نصیب کی بارشیں کسی اور چھت پہ برس گیئں
دل بے خبر میری بات سن اسے بھول جا اسے بھول جا
جو بساط جاں ہی الٹ گیا وہ جو راستے سے پلٹ گیا
اسے روکنے سے حصول کیا اسے مت بلا اسے بھول جا

 

[شمشاد]

ہم سے بڑھی مسافت دشت وفا کہ ہم
خود ہی بھٹک گئے جو کبھی راستہ ملا
(زہرہ نگاہ)

 

[امامہ ارشاد]

منزل کی جستجو میں بڑی بھول ہو گئ
وہ شخص راہزن تھا جسے راہبر کیا

 

[شمشاد]

آنکھ رہزن نہیں تو پھر کیا ہے
لوٹ لیتی ہے قافلہ دل کا
جلیل مانک پوری

 

[امامہ ارشاد]

کسی بے وفا کی خاطر یہ جنوں فراز کب تک
جو تمہیں بھلا چکا ہے اسے تم بھی بھول جاؤ

 

[شمشاد]

لوٹ کر لے گیا مجھ سے وہ مرا اپنا وجود
اب تو اپنا سا لگے راہ کا رہزن رہزن
ریشمہ ناہید ریشم

 

[امامہ ارشاد]

اس ایک چہرے میں آباد تھے کئ چہرے
اس ایک شخص میں کس کس کو دیکھتا تھا میں

 

[شمشاد]

دشمنی جم کر کرو لیکن یہ گنجائش رہے
جب کبھی ہم دوست ہو جائیں تو شرمندہ نہ ہوں
بشیر بدر

 

[امامہ ارشاد]

وقت لفظوں کی بنائ ہوئ چادر جیسا
اوڑھ لیتا ہوں تو سب خواب ہنر لگتا ہے

 

[شمشاد]

دوستی جب کسی سے کی جائے
دشمنوں کی بھی رائے لی جائے
راحت اندوری

 

[امامہ ارشاد]

وہ عکس بن کر میری چشم تر میں رہتا ہے
عجیب شخص ہے پانی کے گھر میں رہتا ہے

 

[مومن فرحین]

بڑا غرور ہے خود پر اب احتیاط اے دوست
نبھا نہ پاؤگے میری نگاہ ناز سے عشق
یہ اختلاف ہی جھگڑے کا بن گیا باعث
مجھے پسند تھا محسن اسے فراز سے عشق

 

[امامہ ارشاد]

صدائیں دیتے ہوئے اور خاک اڑاتے ہوئے
میں اپنے آپ سے گزرا ہوں تجھ تک آتے ہوئے
پھر اس کے بعد زمانے نے روند ڈالا مجھے
میں گر پڑا تھا کسی اور کو اٹھاتے ہوئے
کہانی ختم ہوئ اور ایسے ختم ہوئ
کہ لوگ رونے لگے تالیاں بجاتے ہوئے

 

[شمشاد]

جھگڑا تھا جو دل پہ اس کو چھوڑا
کچھ سوچ کے صلح کر گئے ہم
قلق میرٹھی

 

[امامہ ارشاد]

جھگڑا تھا جو دل پہ اس کو چھوڑا
کچھ سوچ کے صلح کر گئے ہم
قلق میرٹھی

بہت خوب

 

[شمشاد]

امامہ ارشاد آپ نے اپنا تعارف نہیں دیا۔

یہ رہا تعارف کا زمرہ۔ یہاں آئیں اور اپنا تعارف تو دیں تاکہ اراکین اردو محفل آپ کے متعلق جان سکیں۔

 

[مومن فرحین]

جھگڑا تھا جو دل پہ اس کو چھوڑا
کچھ سوچ کے صلح کر گئے ہم
قلق میرٹھی

ارے یہ صرف بہانہ ہے بات کرنے کا
میری مجال میں جھگڑا کروں جناب کے ساتھ

 

[شمشاد]

انکار بھی کرنے کا بہانہ نہیں ملتا
اقرار بھی کرنے کا مزا دیکھ رہے ہیں
تالیف حیدر

 

[مومن فرحین]

غم دوراں نے بھی سکھے غم جاناں کے چلن
وہی سوچی ہوئی چالیں وہی بے ساختہ پن
وہی اقرار میں انکار کے لاکھوں پہلو
وہی ہونٹوں پہ تبسم وہی ابرو پہ شکن

پروین شاکر