محمد ہمارے بڑی شان والے - صلی اللہ علیہ وسلم

[کاشفی]

صلی علی نبی صلی علی محمد ۔ صلی اللہ علیہ وسلم
صلی علی نبی صلی علی محمد ۔ صلی اللہ علیہ وسلم​

محمد ہمارے بڑی شان والے
وہ نبیوں میں رحمت لقب پانے والے​

خدا جس کے سینے پہ قرآں اتارے​

مدثر کہے اور مزمل پکارے
وہ نورِ خدا دو جہاں کے ُاجالے
محمد ہمارے بڑی شان والے – صلی اللہ علیہ وسلم​

جب آئے زمیں پر محمد ہمارے​

فلک نے زمیں پر بچھائے ستارے
اٹھے سر زمینِ عرب سے یہ نعرے
محمد ہمارے بڑی شان والے – صلی اللہ علیہ وسلم​

نواسے جو روئے تو روئے محمد​

وہ جب تک نہ سوئے نہ سوئے محمد
دو آنکھیں نبی کی تھی دونوں نواسے
محمد ہمارے بڑی شان والے – صلی اللہ علیہ وسلم​

نواسہ مزارے محمد پہ آیا​

کہا پیارے نانا یہ وعدہ ہے میرا
ہے اسلام اب کربلا کے حوالے
محمد ہمارے بڑی شان والے – صلی اللہ علیہ وسلم​

صدا آئی قبرِ محمد سے بیٹا​

دعا گو ہیں نانا، علی اور زہرا
چلے غازی عباس پرچم سنبھالے
محمد ہمارے بڑی شان والے – صلی اللہ علیہ وسلم​

وہ عاشور کا دن محمد کا کنبہ​

جو مقتل میں دین کو لہو دے رہا تھا
یہ کہہ کہہ کے سینوں پہ کھائے ہیں بھالے
محمد ہمارے بڑی شان والے – صلی اللہ علیہ وسلم​

ریحان و علی جی عزادارِ سرور​

غلامانِ حیدر غلامِ پیمبر
صدا اس صدا سے زمانہ ملا لے
محمد ہمارے بڑی شان والے – صلی اللہ علیہ وسلم​

 

[نایاب]

ان گنت درود و سلام آپ جناب نبی پاک صلی اللہ علیہ و آلہ وسلم کی ذات پاک پر ۔۔۔۔۔
بہت دعائیں کاشفی بھائی

 

[کاشفی]

ان گنت درود و سلام آپ جناب نبی پاک صلی اللہ علیہ و آلہ وسلم کی ذات پاک پر ۔۔۔ ۔۔
بہت دعائیں کاشفی بھائی

اللہ رب العزت آپ کو دین و دنیا کی خوشیاں اور کامیابیاں عطا فرمائے۔۔آمین