محمداحمد

لائبریرین
قلیل الاجزاء تراکیبِ طعام
Recipes of Minimum Ingredients

آج ہم نے ایک سبزی والا دیکھا کہ جس کے پاس کل تین چار چیزیں تھیں۔ یعنی آلو، پیاز ، ٹماٹر اور ہری مرچیں۔

ہم نے سوچا کہ محض ان چار چیزوں سے ہی ایک مزیدار ڈش بن سکتی ہے ۔ بس نمک اور مل جائے تو مزید کسی شے کی ضرورت ہی نہ پڑے۔ اور ہمیں یقین ہے کہ یہ مزیدار ہو گی اگر کوئی اسے بنانے پر راضی ہو جائے۔ :) ہمارا گھر کے کچن میں جانا بھی کم کم ہی ہوتا ہے اور یہاں کچن کارنر میں تو اور بھی کم کم آتے ہیں۔ بلکہ غالباً یہ پہلی لڑی ہوگی جو ہم نے یہاں کھولی ہے۔ :)

بہر کیف اس خیال کے ساتھ ہمیں یہ خیال آیا کہ محفلین سے ایسے کھانوں کی تراکیب پوچھی جائیں جن میں کم سے کم اجزاء صرف ہوں اور وہ کھانے میں بھی خوش ذائقہ ہوں۔ (ورنہ عموماً معروف کھانا پکانے والے لوگ اتنے اجزاء بتاتے ہیں کہ بندہ سوچ سوچ کر پاگل ہو جائے کہ تمام تر اجزاء کیونکر اکھٹے کیے جائیں۔ ) ہمیں یقین ہے کہ محفل میں ایسے سُگھڑ مرد و خواتین موجود ہیں کہ جو یہاں کچھ نہ کچھ اضافہ ضرور فرمائیں گے۔

کھانے پکانے کی شوقین خواتین سے درخواست ہے کہ ہمارے تجویز کردہ اجزاء کے لئے بھی ایک ریسیپی تجویز کریں تاکہ سندر ہے اور بوقت ضرورت کام آئے۔

ویسے مجھے ایسے تمام کھانے اچھے لگتے ہیں کہ جو فوراً تیار ہو جائیں اور اُنہیں کھانے میں بھی لطف آئے۔ :)
 

سید عمران

محفلین
بھیا آسان اور جلدی بنے والی ڈش تو انڈہ فرائی ہے جس میں چند اشیاء کی ہی ضرورت ہوتی ہے ۔انڈہ نمک گھی ۔چند منٹ میں کھانا تیار ۔:)
واہ کیا آسان ترکیب بتائی ہے۔۔۔
اس پر ہمیں اس سے بھی زیادہ آسان ترکیب یاد آئی۔۔۔
انڈہ ابال لیں اور مزے لے لے کر کھائیں!!!
 

محمداحمد

لائبریرین
بھیا آسان اور جلدی بنے والی ڈش تو انڈہ فرائی ہے جس میں چند اشیاء کی ہی ضرورت ہوتی ہے ۔انڈہ نمک گھی ۔چند منٹ میں کھانا تیار ۔:)

واہ کیا آسان ترکیب بتائی ہے۔۔۔
اس پر ہمیں اس سے بھی زیادہ آسان ترکیب یاد آئی۔۔۔
انڈہ ابال لیں اور مزے لے لے کر کھائیں!!!

لیجے دو ڈشیں آگئیں۔ :eek:

اب کوئی یہ نہ کہے کہ دودھ لائیں اور گرم کرکے پی لیں۔ بلکہ وہ بھی نہ کریں بلکہ بازار سے پاکولا ملک خرید کر پی لیں۔ :at-wits-end::D:p
 

فرقان احمد

محفلین
پیاز کو ہلکا سا فرائی کر لیں۔ آلو، ٹماٹر اور ہری مرچوں کو کٹ کٹا کر ان پر ڈال دیں اور نمک بھی شامل کر دیں۔ اک ذرا سی سرخ مرچ پڑوسیوں سے ادھار مانگ لیں اور وہ بھی شامل کر دیں۔ آنچ تیز کریں اور پھر دو تین منٹ تک چمچ ہلائیں۔ اب اسے دَم پر لگا دیں۔ پندرہ بیس منٹ بعد ڈھکن اٹھائیے، اگر رکھا تھا تو! لیجیے، مزیدار ڈش تیار ہے! تندور والے کے ساتھ تو آپ کا یوں بھی اُدھار چلتا ہو گا۔۔۔! :)
 
آخری تدوین:
آلو، پیاز ، ٹماٹر اور ہری مرچیں۔
ان اشیاء سے بھی ہم ایک ڈش تیار کیے دیتے ہیں آلو کو پانی میں ابال کر اس کے چھلکے اتار لیں اور ٹماٹر مرچ کو پیس کر چٹنی بنا لیں اور پیاز کو باریک کاٹ لیں ،اب آلو کے چار پیس کر کے چٹنی اور پیاز کے ساتھ تناول فرمائیں ۔
 

سید عمران

محفلین
ان اشیاء سے بھی ہم ایک ڈش تیار کیے دیتے ہیں آلو کو پانی میں ابال کر اس کے چھلکے اتار لیں اور ٹماٹر مرچ کو پیس کر چٹنی بنا لیں اور پیاز کو باریک کاٹ لیں ،اب آلو کے چار پیس کر کے چٹنی اور پیاز کے ساتھ تناول فرمائیں ۔
بغیر نمک کی ڈش!!!
:eek::eek::eek:
 

محمداحمد

لائبریرین
ہمیں یقین ہے کہ محفل میں ایسے سُگھڑ مرد و خواتین موجود ہیں کہ جو یہاں کچھ نہ کچھ اضافہ ضرور فرمائیں گے۔
ان اشیاء سے بھی ہم ایک ڈش تیار کیے دیتے ہیں آلو کو پانی میں ابال کر اس کے چھلکے اتار لیں اور ٹماٹر مرچ کو پیس کر چٹنی بنا لیں اور پیاز کو باریک کاٹ لیں ،اب آلو کے چار پیس کر کے چٹنی اور پیاز کے ساتھ تناول فرمائیں ۔

واہ واہ! :rockon:

عدنان بھائی! اولین سُگھڑ محفلین کا اعزاز آپ لے اُڑے ہیں :applause::applause::applause:اور اور اور ۔۔۔۔!

'دنیا' دیکھتی رہ گئی۔ ! :hypnotized::idontknow:
 

محمداحمد

لائبریرین
Top