محمد تابش صدیقی
منتظم
پردۂ عرفاں نہیں ہے چاک کیا
چشمِ بینا کے لیے ادراک کیا
نور سے خالی نہیں ہے خاکداں
کوئی بے ذرہ ہے اپنی خاک کیا؟
ساقی و میخانہ و مے ایک ہے
ہم نہ سمجھے پاک کیا ناپاک کیا
صیدِ دل کے واسطے ہے دامِ عشق
جب نہ ہو نخچیر تو فتراک کیا
صیقلِ آئینۂ عرفاں بنا
کون جانے ہے یہ مشتِ خاک کیا
موت سے غافل نہ ہونا چاہیے
دیکھو اس صیاد کی ہے تاک کیا
شوق ہو تو منزلِ مقصود پر
دونوں پہنچیں، سست کیا چالاک کیا
ہے عجب دردِ محبت میں مزا
خاطرِ آزردہ و غمناک کیا
پائے استقلال ثابت چاہیے
کر سکے گی گردشِ افلاک کیا
رہنما دشوار رستے لے چلا
بچ رہے گا دشتِ وحشت ناک کیا
موجِ طوفاں خیز و صرصر تند و تیز
کر سکے اس جوش میں تیراک کیا
نیک ہوں اعمال تو پھر دیکھیے
بندھ گئی اسلام کی پھر دھاک کیا
غور سے اے داغؔ دیکھیں منکرین
ہے جنابِ صاحبِ لولاک کیا
٭٭٭
داغؔ دہلوی
نخچیر: جنگلی جانورچشمِ بینا کے لیے ادراک کیا
نور سے خالی نہیں ہے خاکداں
کوئی بے ذرہ ہے اپنی خاک کیا؟
ساقی و میخانہ و مے ایک ہے
ہم نہ سمجھے پاک کیا ناپاک کیا
صیدِ دل کے واسطے ہے دامِ عشق
جب نہ ہو نخچیر تو فتراک کیا
صیقلِ آئینۂ عرفاں بنا
کون جانے ہے یہ مشتِ خاک کیا
موت سے غافل نہ ہونا چاہیے
دیکھو اس صیاد کی ہے تاک کیا
شوق ہو تو منزلِ مقصود پر
دونوں پہنچیں، سست کیا چالاک کیا
ہے عجب دردِ محبت میں مزا
خاطرِ آزردہ و غمناک کیا
پائے استقلال ثابت چاہیے
کر سکے گی گردشِ افلاک کیا
رہنما دشوار رستے لے چلا
بچ رہے گا دشتِ وحشت ناک کیا
موجِ طوفاں خیز و صرصر تند و تیز
کر سکے اس جوش میں تیراک کیا
نیک ہوں اعمال تو پھر دیکھیے
بندھ گئی اسلام کی پھر دھاک کیا
غور سے اے داغؔ دیکھیں منکرین
ہے جنابِ صاحبِ لولاک کیا
٭٭٭
داغؔ دہلوی
فتراک: شکار بند
صیقل: آب، تاب، چمک