مظفر وارثی غزل: ساتھ ہر چند ہمسفر رکھنا

[محمد تابش صدیقی]

ساتھ ہر چند ہمسفر رکھنا
سامنے اپنی رہ گزر رکھنا

زندگی خواب بن کے رہ جائے
زانوئے شب پہ یوں نہ سر رکھنا

برف کی ناؤ میں تو بیٹھے ہو
آگ سی ذہن میں مگر رکھنا

خاک پر بھی اگر بناؤ محل
سنگِ بنیاد عرش پر رکھنا

بن گئے خول اب تو چہرے بھی
احتیاطِ دل و نظر رکھنا

لذّتیں لے چلیں تمھارے حضور
تلخیاں گفتگو میں بھر رکھنا

لو مظفرؔ متاعِ شعر و سخن
اب نہ تم آرزوئے زر رکھنا
٭٭٭
مظفر وارثی​

 

[لاريب اخلاص]

واہ!

 

[محمداحمد]

بہت خوب!

لو مظفرؔ متاعِ شعر و سخن
اب نہ تم آرزوئے زر رکھنا

گزشتہ دنوں یہ شعر کہیں پڑھا یا سنا تھا۔ یاد نہیں کہاں؟

 

[ایس ایس ساگر]

واہ!
عمدہ غزل ہے۔