عطا ہو بہر خدا تو کبھی غریب نوازؒ - صادق اندوری

[جیلانی]

منقبت خواجہ غریب نواز رحمت اللہ علیہ

کلام جناب صادق اندوری مرحوم

عطا ہو بہر خدا تو کبھی غریب نوازؒ

دل و نگاہ کو آسودگی غریب نوازؒ



تھکا دیا ہے مجھے حادثات دوراں نے

مٹائیں آپ مری خستگی غریب نوازؒ



ضرور ہے کوئی خامی میری محبت میں

وفا کو مل نہ سکی آگہی غریب نوازؒ



نگاہ بڑھ نہ سکی سرحد تعین سے

الجھ کے رہ گئی حسرت مری غریب نوازؒ



سنوار دیجئے صادقؔ کے بخت خفتہ کو

بصد خلوص یہ ہے بلتی غریب نواز ​