شمالی عراق میں یزیدیوں پر ظلم و ستم جاری

حاتم راجپوت

لائبریرین
140815074159_iraq_624x351_reuters.jpg

عراق کے حالیہ بحران میں ایک اندازے کے مطابق تقریباً 12 لاکھ عراقیوں کو اپنے گھر بار چھوڑنے پر مجبور ہوئے ہیں۔

شمالی عراق سے ملنے والی اطلاعات کے مطابق جنگجوؤں نے ایک گاؤں میں کم از کم 80 يزیدیوں کو قتل کر دیا ہے اور خواتین و بچوں کو اغوا کر لیا ہے۔

جمعہ کی سہ پہر ریاستِ اسلامیہ مملکت کے جنگجو کوہِ سنجار سے 45 کلومیٹر کے فاصلے پر واقع كوچو گاؤں میں داخل ہوئے اور مبینہ طور پر وہاں کے لوگوں سے کہا کہ اسلام لے آئیں یا مرنے کے لیے تیار ہو جائیں۔
اس علاقے میں غیر سنی مسلمانوں کے خلاف اجتماعی ظلم نے بین الاقوامی برادری کو متحرک کر دیا ہے۔
نیو یارک میں اقوام متحدہ کی سلامتی کونسل نے ریاستِ اسلامیہ کے ارکان پر پابندی لگانے کا اعلان کیا ہے۔
ایک اور پیش رفت میں امریکی فوج نے کہا کہ جمعے کی صبح اس نے کوہِ سنجار کے قریب ریاستِ اسلامیہ کی دو گاڑیوں کو نشاندہی کے بعد ڈرون حملے سے انھیں تباہ کر دیا ہے۔
انھوں نے یہ کارروائی کرد فوج سے موصول ہونے والی اطلاعات کے بعد کی ہے۔
واشنگٹن میں مقیم یزیدی رضاکار کی اطلاعات کے بعد کرد حکام نے بھی کوچو پر حملے کی تصدیق کی ہے۔
کوچو گاؤں کے حوالے سے سینيئر کرد رہنما ہوشیار زیباری نے خبررساں ادارے روئٹرز کو بتایا کہ ’وہ گاڑیوں میں آئے اور انھوں نے سہ پہر کو قتل کرنا شروع کر دیا۔‘
140815031030_kurdish_tanks_624x351__nocredit.jpg

برسلز میں یورپی یونین کے ہنگامی اجلاس میں 28 رکن ممالک کو ذاتی طور پر یہ فیصلہ کرنے کا اختیار دیا گیا ہے کہ آیا وہ شمالی عراق میں ریاستِ اسلامیہ کے خلاف کرد فورسز کو مسلح کرنا چاہتے ہیں یا نہیں۔
اس گاؤں کے نواحی گاؤں کے ایک مقامی نے کہا ریاستِ اسلامیہ کے ایک جنگجو نے انھیں قتل عام کی تفصیل بتائی تھی۔

ان کے مطابق ’انھوں نے مجھ سے کہا کہ ریاستِ اسلامیہ والے پانچ دنوں تک گاؤں والوں کو اسلام قبول کرنے کے لیے راضی کرتے رہے اور اس بارے میں آج ایک لمبی تقریر ہوئی۔
’اس کے بعد اس نے کہا کہ متعدد لوگوں کو یکجا کیا گیا اور گولی مار دی گئی۔‘
امریکہ میں مقیم یزیدی رضاکار ہادی پیر کے مطابق گاؤں والوں کو ایک ڈیڈ لائن دی گئی تھی۔
ان کے مطابق گاؤں والوں کو وہاں کے واحد سکول میں جمع کیا گیا تھا۔ مردوں کو گولی مارنے کے بعد باقی لوگوں کو بس میں بیٹھا کر نامعلوم مقام کے لے جایا گيا ہے۔
140813210926_aircraft_carrier_uss_george_hw_bush_624x351_reuters.jpg

امریکہ کا کہنا ہے کہ جمعے کی صبح اس نے کوہِ سنجار کے قریب ریاستِ اسلامیہ کی دو گاڑیوں کو ڈرون کے ذریعے نشانہ بنایا۔

عراق کی سنی اقلیت کے بعض رہنماؤں نے کہا ہے کہ وہ ریاستِ اسلامیہ کے خلاف عراق کے نئے وزیر اعظم حیدرالعبادی کے ساتھ تعاون کریں گے جنھیں امن و امان بحال کرنے کی ذمہ داری دی گئی ہے۔

نیویارک میں اقوام متحدہ کی سکیورٹی کونسل کے اجلاس میں ریاستِ اسلامیہ اور شام کے النصرہ فرنٹ سے منسلک چھ افراد کے بین الاقوامی سفر پر پابندی لگادی گئی ہے، ان کے اثاثے منجمد کر دیے گئے اور ان پر اسلحہ کی فراہمی کی پابندی لگادی گئی ہے۔

جمعے کو ہی برسلز میں یورپی یونین کے ہنگامی اجلاس میں 28 رکن ممالک کو ذاتی طور پر یہ فیصلہ کرنے کا اختیار دیا گیا ہے کہ آیا وہ شمالی عراق میں ریاستِ اسلامیہ کے خلاف کرد فورسز کو مسلح کرنا چاہتے ہیں یا نہیں کیونکہ شمال میں کرد ہی ریاستِ اسلامیہ کے اہم مخالف ہیں۔

ربط۔
 

حاتم راجپوت

لائبریرین
یزیدی کون ہیں؟؟

140808134720_yazidi01.jpg

صدیوں سے انتقامی کارروائیوں کا نشانہ بننے کے باوجود یزیدی برادری نے اپنا عقیدہ ترک نہیں کیا۔

مشرق وسطیٰ میں دولت اسلامیہ کے جنگجوؤں کی پیش قدمی کے متاثرین میں اقلیتی یزیدی برادری کے 50 ہزار افراد بھی شامل ہیں۔یہ افراد کے عراق کے شمال مشرقی پہاڑی سلسلے میں خوراک اور پانی کے بغیر محصور ہو کر رہ گئے ہیں۔
مصنفہ ڈائنا ڈاک نے اس پراسرار اقلیتی فرقے کے عقائد اور ان کی روزمرہ زندگی کے بارے میں جاننے کی کوشش کی ہے۔
اپنی مشکلات کے سبب اچانک خبروں میں آنے کے بعد بھی یزیدی بین الاقوامی توجہ نہیں چاہتے۔
ان کے غیرمعمولی عقیدے کی وجہ سے اکثر اوقات اس فرقے کو بے جا شیطان کی عبادت کرنے والا گروہ کہا جاتا ہے۔
یہ فرقہ ترکی کے جنوب مشرقی، اور شام اور عراق کے شمالی مغربی علاقوں میں روایتی طور پر چھوٹی چھوٹی آبادیوں میں رہائش پذیر ہیں۔
ان کی کل تعداد کے بارے میں بتانا مشکل ہے تاہم کچھ اندازوں کے مطابق ان کی تعداد 70 ہزار سے پانچ لاکھ کے درمیان ہے اور گذشتہ صدی کے دوران ان کی تعداد میں غیرمعمولی کمی دیکھنے میں آئی ہے۔
اس خطے کے دیگر اقلیتی برادریوں، مثلاً علوی اور دروز کی طرح کوئی شخص یزیدی برادری میں باہر سے شامل نہیں ہو سکتا۔

عراقی شہر موصل کے مغرب میں واقع یزیدی برادری کے مرکزی خطے کوہ سنجار میں اس برادری کے خلاف کارروائیاں جاری ہیں۔ ان کے بارے میں کچھ غلط فہمیاں بھی پائی جاتی ہیں۔ دولت اسلامیہ کے شدت پسندوں کے خیال میں اس برادری کا تعلق امیہ شاہی خاندان کے ہے، جب دوسرے انتہائی غیرمقبول حکمران یزید ان معاویہ سے جوڑتے ہیں۔
جدید تحقیق سے معلوم ہوتا ہے کہ اس فرقے کا یزید ابن معاویہ یا ایران کے شہر یزد کوئی تعلق نہیں ہے۔ تاہم جدید فارسی لفظ ایزد سے ہے جس کا مطلب خدا۔ ایزدیز نام کا عام مطلب خدا کے عبادت کرنے والے ہیں اور یزیدی بھی اپنے فرقے کا نام اسی طرح سے بیان کرتے ہیں۔

یزیدی قرآن اور بائبل کا احترام کرتے ہیں لیکن ان کی اپنی روایات زبانی ہی ہیں۔ رازداری کی وجہ سے یزیدی فرقے کے بارے میں غلط فہمیاں بھی پائی جاتی ہیں کہ اس فرقے کا تعلق پارسی مذہب سے ہے، جس میں یہ روشنی اور تاریکی کے علاوہ سورج تک کی پوجا کرتے ہیں۔

موجودہ تحقیق کے مطابق اگرچہ ان کے عبادت خانے سورج کی تصاویر سے سجائے جاتے ہیں اور ان کی قبروں کا رخ مشرق کی جانب سے طلوع آفتاب کی طرف ہوتا ہے، تاہم ان کے عقیدے میں اسلام اور عیسائیت کے کئی جز شامل ہیں۔
140808134723_yazidi02.jpg

یزیدی فرقے کا مقدس ترین مقام عراقی دارالحکومت بغداد سے 430 کلومیٹر دور لیشن میں واقع ہے۔

شادی کی تقریب میں یزیدی راہب روٹی دو حصوں میں تقسیم کر کے ایک حصہ دلھا اور ایک حصہ دلھن کو دیتا ہے۔ شادی کی تقریب میں دلھن سرخ لباس پہنتی ہے اور چرچ جاتی ہے۔ دسمبر میں یزیدی راہب سے سرخ شراب پینے کے بعد تین دن روزہ رکھتے ہیں۔ 15 سے 20 دسمبر کے دوران یہ موصل کے شمال میں واقع شیخ ادی کے مزار پر جاتے ہیں اور وہاں دریا میں مذہبی رسومات ادا کرتے ہیں جس میں جانوروں کی قربانی بھی شامل ہے۔
اس فرقے کے خدا کو یزدان کہا جاتا ہے اور اس کا اتنا اعلیٰ مقام ہوتا ہے اس کی براہ راست عبادت نہیں کی جا سکتی۔ اسے غیر متحرک طاقت کے مالک سمجھا جاتا ہے، اور وہ زمین کا نگہبان نہیں بلکہ خالق سمجھا جاتا ہے۔
اور اس سے سات عظیم روحانی طاقتیں نکلی ہیں جن میں ایک مور فرشتہ ملک طاؤس ہے اور جو خداوندی احکامات پر عمل درآمد کراتا ہے۔ ملک طاؤس کو خدا کا ہمزاد تصور کیا جاتا ہے۔
یزیدی ملک طاؤس کی دن میں پانچ بار عبادت کرتے ہیں۔ یزیدیوں کے نزدیک ملک طاؤس کا دوسرا نام شیطان ہے، جو عربی میں ابلیس کو کہتے ہیں، اور اسی وجہ سے یزیدی فرقے کو شیطان کی عبادت کرنے والا کہا جاتا ہے۔
یزیدی عقائد کے مطابق روح ایک جسم سے دوسرے میں منتقل ہوتی ہے اور بار بار پیدائش کا عمل روح کو خالص بناتا ہے۔ کسی بھی یزیدی کی بدترین سزا اسے برادری سے خارج کیا جانا ہے اور اس کا مطلب ہوتا ہے اس کی روح کا خالص ہونے کا عمل روک جاتا ہے۔ اسی وجہ سے یزیدیوں کا کسی دوسرا مذہب اختیار کرنے کا سوال ہی پیدا نہیں ہوتا۔

ترکی، عراق اور شام کی سرحد سے متصل دور افتادہ دیہات جو ایک عرصے سے ویران پڑے تھے، اب یزیدیوں سے آباد ہونا شروع ہو گئے ہیں۔ ان لوگوں نے وہاں اپنی مدد آپ کے تحت مکانات کی تعمیر شروع کی ہے۔ جلا وطنی کی زندگی گزارنے والے متعدد یزیدیوں نے واپس آنا شروع کر دیا ہے کیونکہ ترکی کی حکومت نے ان کو تنگ کرنا بند کر دیا ہے۔
صدیوں سے انتقامی کارروائیوں کا نشانہ بننے کے باوجود یزیدی برادری نے اپنا عقیدہ ترک نہیں کیا۔ اگر عراق اور شام کے علاقوں سے دولت اسلامیہ کے شدت پسندوں نے یزیدی برادری کو بے دخل کر دیا تو زیادہ امکان ہے کہ یہ جنوب مشرقی ترکی میں آباد ہو جائیں اور امن سے اپنے عقیدے کے مطابق زندگی گزاریں۔
140808134725_yazidi04.jpg

یزیدی فرقے کی عبادت گاہ کی ایک منظر۔

140808134728_yazidi05.jpg

یزیدی برادری کے بزرگ آج بھی روایتی سفید لباس میں ملبوس ہوتے ہیں۔

140808134730_yazidi06.jpg

عبادت گاہ میں یزیدی برادری کے لڑکے اور لڑکیاں مناجاتیں گاتے ہیں۔

140808134732_yazidi032.jpg

یزیدی فرقے کی عبادت گاہوں پر ملک طاؤس کی تصاویر نظر آتی ہیں۔
 

سید ذیشان

محفلین
دولت اسلامی افغان طالبان کا جدید اور قدرے سفاک ورژن ہے۔ ان کا جلد از جلد سفایا کیا جانا چاہیے۔ سعودیہ اور دیگر ممالک، جو ان کی مالی، افرادی اور اسلحے سے مدد کر رہے ہیں، ان پر بھی بین الاقوامی پابندیاں لگنی چاہیں۔
 
Top