تاسف سید علی گیلانی صاحب کا سانحہ رحلت

فلک شیر

محفلین
‏الوداع سید من!

آپ نے جبر کے سامنے ہمیشہ سینہ ہی رکھا، پشت دیکھنے کی اسے حسرت ہی رہی

آپ ہمارے قافلے کے سالاروں میں سے تھے، خود میدان میں استادہ و مقیم سالار

ہر صدی میں آپ جیسی دو چار نشانیاں ایمان والوں کے سینوں میں روشنی پھر سے بھڑکانے کو ربِ ذوالجلال والاکرام عطا فرماتے ہیں

ملا کی اذاں اور، مجاہد کی اذاں اور...یہ مصرعہ وادی کشمیر کے کوچوں بازاروں میں آپ کی دلیل اور جذبہ، دونوں میں گندھی للکار سن کر سمجھ آیا

آپ امید ، سر تا پا امید اور توکل و تیقن کی تجسیم تھے

جبر میں تو یہ تاب تھی ہی نہیں، آپ کے نفسِ گرم کا سامنا منصب و ثروت کے بل پہ کوئی منافق اور نام نہاد "اپنا" بھی نہ کر سکا

لکیریں، دیواریں، سرکاریں، بندوقیں اور غلاموں کی مجبوریاں...کچھ بھی آپ کے نظریہ حیات کی طاقت و صلابت کے سامنے کھڑا نہ رہ پایا

بہت سے لوگ آزادی کے اس کٹھن سفر پہ چلے تھے، کئی تھک گئے، کئی دنیا کی چکاچوند سے ہار گئے اور کئی تاویل کی زلفِ تصنع صفت کے اسیر ہو گئے... پر آپ قدیم چنار کی مانند سیدھے، اونچے اور دراز کھڑے رہے

حق آپ کی زبان پہ جاری تھا اور ہمہ دم اسی کا رعب لاکھوں گنا طاقتور دشمن پہ طاری تھا

پاکستانی آپ تھے، پاکستانی آپ ہیں اور پاکستانی آپ رہیں گے۔ پاکستان آپ کا تھا، پاکستان آپ کا ہے اور پاکستان آپ کا رہے گا۔ آپ کے پیغام کی گونج میں یہ فقیر کہتا ہے کہ ہم کشمیری ہیں اور کشمیر ہمارا ہے، ہم کشمیری ہیں اور کشمیر ہمارا ہے۔ اسلام کی نسبت سے، قرآن کی نسبت سے، سیدِ گیلان کی نسبت سے ہم کشمیری ہیں اور کشمیر ہمارا ہے۔

ڈل کی گہرائی اور جہلم کی تیزی، پیر پنجال کی اونچائی، وادی کے ہر شہداء قبرستان کی وسعت اور آپ کے اس محبوب کشمیر کے چپے چپے پہ فطرت کے انڈیلے حسن سے آپ کے پیغام کی خوشبو پھوٹتی اور صدا گونجتی رہے گی.... کہ یہ خوشبو دار صدا فطرت کی طرح سادہ، سچی اور عدل کی صدا تھی

کتنی خوش نصیب ہے کشمیر کی سرزمین، کہ اسے غلامی میں ایک "مرد آزاد" میسر آیا، رول ماڈل ملا اور پیچھے چلنے کو اس کے جمے ہوئے قدم ملے۔

آپ کا پاکستان آپ کے لیے اداس ہے، بلا تفریق رنگ و نسل، بلا تمیز مسلک و مشرب۔ ہم آپ کے بیٹے بھائی اور ہماری آنکھیں آپ کے لیے پرنم اور دل حزیں ۔

آرام سے سوئیں اب گیلانی صاحب، بہت تھکے ہوں گے آپ اس لمبے سفر سے۔ آپ نے اپنا حق ادا کر دیا، ہم گناہ گار بندے اپنے علم کی حد تک آپ کی بھلی گواہی دیتے ہیں، خالق سے مغفرت و رحمت کی دعا کرتے ہیں۔

بے شماررحمت ہو آپ پر اس پروردگار کی، جس کی رضا کے لیے آپ نے حیات مستعار کا لمحہ لمحہ بسر کیا۔

آمین یا رب العالمین
 
انا للہ و انا الیہ راجعون
آہ زمیں کھا گئی آسماں کیسے کیسے ۔
اللہ تعالیٰ ان کی بخشش فرما کر انہیں جنت الفردوس میں جگہ عنایت فرمائے آمین بجاہ النبی الامین صلی اللہ علیہ وسلم
 

محمد عبدالرؤوف

لائبریرین
انا للہ و انا الیہ راجعون
میں نے بچپن سے آج تک جب بھی گیلانی صاحب کا نام سنا یا ان کا کوئی بیان سنا یا پڑھا کبھی بھی ان کے مقصد سے ہٹ کے نہیں تھا۔ گیلانی صاحب نے اپنی زندگی کشمیر کے لیے وقف کر رکھی تھی جسے انہوں نے اپنی آخری سانس اپنے آخری لفظ تک نبھایا۔
اللہ پاک گیلانی صاحب کی تمام خطاؤں سے درگزر فرمائے اور حسنات کو شرف قبولیت عطاء فرمائے، آمین
 

ہادیہ

محفلین
اناللہ و انا الیہ راجعون۔۔ :(:(:(
آہ۔۔۔۔!!!
اک سورج تھا کہ تاروں کے گھرانے سے اٹھا
آنکھ حیران ہے کیاشخص زمانے سے اٹھا:(:(:(

سوہنا سچا رب انہیں جنت الفردوس میں اعلی مقام عطا فرمائے۔ قبر کو روشن ٹھنڈا ہوا دار بنائے آمین ثم آمین
 

فلک شیر

محفلین
انا للہ و انا الیہ راجعون
میں نے بچپن سے آج تک جب بھی گیلانی صاحب کا نام سنا یا ان کا کوئی بیان سنا یا پڑھا کبھی بھی ان کے مقصد سے ہٹ کے نہیں تھا۔ گیلانی صاحب نے اپنی زندگی کشمیر کے لیے وقف کر رکھی تھی جسے انہوں نے اپنی آخری سانس اپنے آخری لفظ تک نبھایا۔
اللہ پاک گیلانی صاحب کی تمام خطاؤں سے درگزر فرمائے اور حسنات کو شرف قبولیت عطاء فرمائے، آمین
آمین یا رب العالمین
 
Top