بیوی دے تھلے لگا

ارم

محفلین


ہتھ وچ مندر، لمبی دھوتی ، کھلا جھگا
لوکی مینوں کہہ دیندے نیں ایہہ بڈی دے تھلے لگا

تے تھلے لگن والا بھلا کم ہے کیہڑا
اوہ کر دی آہ ہانڈی روٹی میں دھو لینا واں ویہڑا
تے پانی دے وچ ایداں پھرنا جیویں راوی دے وچ کھگا
تے لوکی مینوں کہہ دیندے نیں ایہہ بڈی دے تھلے لگا

بڈی وی تے آخر رب دا جی اے
ایہدے نال کرائیے کم تے ہندا کی ایہہ
اوہ شاپنگ لئی جاندی جدوں بازار اے
میں ہندا واں گھر نئیں جاندا بار اے
تے بھر کے فیڈر دے دیندا واں جے رووے کوئی منی بگا
تے لوکی مینوں کہہ دیندے نیں ایہہ بڈی دے تھلے لگا

تے گھر وچ کرنا پامش جتی ، اوہ ہندی آ لاگے ستی
اوہنوں نئیں میں کدے اٹھائوندا اپنی چاہ میں آپ بنائوندا
آپی پیواں اک پیالی اوہنوں دیواں بھر کے مگا
تے لوکی مینوں کہہ دیندے نیں ایہہ بڈی دے تھلے لگا

اسی تے گھر وچ راضی بازی رہیدا
پر ماپیاں نوں نئیں بڈی اگے بولن دئیدا
زلفی ایویں بندا کھد پڑوا لے گھر وچ بن کے جگا
تے لوکی مینوں کہہ دیندے نیں ایہہ بڈی دے تھلے لگا

 
Top