کاشفی

محفلین
غزل
(حمایت علی شاعر)
بدن پہ پیرہنِ خاک کے سوا کیا ہے
مرے الاؤ میں اب راکھ کے سوا کیا ہے

یہ شہرِ سجدہ گزاراں دیارِ کم نظراں
یتیم خانہء اداک کے سوا کیا ہے

تمام گنبد و مینار و منبر و محراب
فقیہِ شہر کی املاک کے سوا کیا ہے

کھلے سروں کا مقدر بہ فیض جہلِ خرد
فریب سایہء افلاک کے سوا کیا ہے

یہ میرا دعویٰء خود بینی و جہاں بینی
مری جہالتِ سفاک کے سوا کیا ہے

تمام عمر کا حاصل بہ فضلِ ربِ کریم
متاعِ دیدہء نمناک کے سوا کیا ہے

جہانِ فکر و عمل میں یہ میرا زعمِ وجود
فقط نمائشِ پوشاک کے سوا کیا ہے
 

کاشفی

محفلین
غزل
(حمایت علی شاعر)
بدن پہ پیرہنِ خاک کے سوا کیا ہے
مرے الاؤ میں اب راکھ کے سوا کیا ہے

 

طارق شاہ

محفلین

یہ شہرِِسجدہ گزاراں دیارِ کم نظراں
یتیم خانۂ ادراک کے سوا کیا ہے


کُھلے سروں کا مقدّر بہ فیضِ جہلِ خرد
فریبِ سایۂ افلاک کے سوا کیا ہے


یہ میرا دعوٰئ خود بینی و جہاں بینی
مِری جہالتِ سفّاک کے سوا کیا ہے


تمام عُمر کا حاصل، بہ فضلِ ربِّ کرِیم !
متاعِ دِیدۂ نمناک کے سوا کیا ہے
۔۔۔

سبحان اللہ!
کیا کہنے شاعؔر صاحب کے
تشکّر شئیر کرنے پر :)


 
Top