غزل: ہے کسی ماں کی طرح نخلِ ثمر دار کا دکھ

امین عاصم

محفلین
غزل
ہے کسی ماں کی طرح نخلِ ثمر دار کا دکھ​
خوشہ چیں کیسے سمجھ سکتے ہیں اشجار کا دکھ​
کون چاہت سے تجھے دے گا ترے فن پر داد​
کس نے محسوس کیا ہے کسی فن کار کا دکھ​
تم کو فرصت ملے دنیا کے مشاغل سے اگر​
کبھی سوچو کسی مفلس، کسی نادار کا دکھ​
مَیں نے پھر بصرہ و بغداد کو جلتے دیکھا​
میں نہ بُھولا تھا ابھی کابُل و قندھار کا دکھ​
کبھی سیلاب، کبھی موسمِ بے آب کا ڈر​
ہم زمیں دار سمجھتے ہیں زمیں دار کا دکھ​
کتنی منہگی تھی وہ اک کانچ کی گڑیا عاصمؔ​
مجھ سے دیکھا نہ گیا طفلِ خریدار کا دکھ​
۔۔۔۔۔۔۔۔۔۔۔۔۔​
امین عاصمؔ​
 

نایاب

لائبریرین
بہت ہی خوب
کبھی سیلاب، کبھی موسمِ بے آب کا ڈر
ہم زمیں دار سمجھتے ہیں زمیں دار کا دکھ
 
غزل
ہے کسی ماں کی طرح نخلِ ثمر دار کا دکھ​
خوشہ چیں کیسے سمجھ سکتے ہیں اشجار کا دکھ​
کون چاہت سے تجھے دے گا ترے فن پر داد​
کس نے محسوس کیا ہے کسی فن کار کا دکھ​
تم کو فرصت ملے دنیا کے مشاغل سے اگر​
کبھی سوچو کسی مفلس، کسی نادار کا دکھ​
مَیں نے پھر بصرہ و بغداد کو جلتے دیکھا​
میں نہ بُھولا تھا ابھی کابُل و قندھار کا دکھ​
کبھی سیلاب، کبھی موسمِ بے آب کا ڈر​
ہم زمیں دار سمجھتے ہیں زمیں دار کا دکھ​
کتنی منہگی تھی وہ اک کانچ کی گڑیا عاصمؔ​
مجھ سے دیکھا نہ گیا طفلِ خریدار کا دکھ​
۔۔۔ ۔۔۔ ۔۔۔ ۔۔۔ ۔​
امین عاصمؔ​
بہت اچھی غزل ہے۔
 
Top