ایم ایس ورڈ 2007 میں بک لے آئوٹ کیسے بنایا جائے ؟

مجھے ایک اسلامک بک کیلئے بک لے آئوٹ بنانا ہے اس طرح کا

کلک ھیئر

اس طرح کے بارڈر وغیرہ کی سیٹنگ ھیڈر میں کس طرح کی جائے اور ہر صفحے کی سائیزنگ کس طرح کی جائے اسی طرح حوالہ جات فوٹر میں رائٹ سائیڈ پر دینے ہیں امید ہے کہ ماہرین رہنمائی فرمائیں گے ۔

یہاں ایک ماہر نعیم سعید صاحب موجود ہیں۔ انکو یہاں بلا لیں یا ذاتی پیغام بھیج دیں۔

بھائی نعیم سعید صاحب کی طرف ذپ نہیں ہورہا ہے پلیز آپ ان کو ذپ کردیں جزاک اللہ خیرا
میں نے جب بھی کسی رکن کو ذپ کرنے کی کوشش کی ہے تو ہمیشہ ارر آجاتا ہے

محترم بشیر احمد صاحب! ابھی کچھ اہم کاموں میں مصروفیت چل رہی ہے، پھر بھی بھرپور کوشش کروں گا آپ کی کچھ نہ کچھ مدد کرسکوں۔
سب سے پہلے تو آپ کو مشورہ دوں گا کہ آفس 2010 پر منتقل ہوجائیں۔ اردو کے استعمال کے لیے یہ زیادہ بہتر ہے۔
جو نمونہ آپ نے دکھایا ہے اس طرح کی بک ورڈ میں بنانا بالکل ممکن ہے۔ اگر آپ کو ان پیج پر بک کمپوزنگ کا تجربہ ہے تو پھر زیادہ مشکل نہیں ہونی چاہئے۔
• ورڈ میں ہیڈر والے حصہ پر ڈبل کلک کرنے سے ماسٹر پیج میں چلے جاتے ہیں وہاں چاہیں ٹیکسٹ لکھ لیں چاہیں کوئی امیج لگا لیں سب ممکن ہے۔ البتہ یہ خیال رہے ورڈ میں کوئی بھی امیج Tif فارمیٹ کی بجائے Jpg فارمیٹ میں تیار کر کے لگائیں۔
• اسکیل کے بیرنی حصہ (یعنی مارجن سے باہر کا حصہ) پر ڈبل کلک کرنے سے پیج سیٹ اپ کا باکس کھل جائے گا۔ اس میں اپنی ضرورت کے مطابق پیج سائز اور مارجن سیٹ کیے جا سکتے ہیں۔
• ورڈ میں حوالہ جات کو حاشیہ (یعنی فٹ نوٹ) کی صورت میں لگانے کا فیچر تو بہت ہی جاندار ہے۔ بڑی سے بڑی کتاب میں بھی کافی بہتر کام کرتا ہے۔ جس لفظ پر حاشیہ لگانا ہو کرسر کو اسی مخصوص جگہ پر رکھتے ہوئے (Ctrl+Alt+F) کی شارٹ کی دبائیں خود بہ خود ہی صفحہ کے نچلے حصہ میں حاشیہ نمبر لگ جائے گا۔ اور آپ اس کے آگے حاشیہ کا متن لکھ لیں۔ اس طرح جتنے بھی حاشیہ لکھتے جائیں گے تمام کے تمام پروگرام خود ہی سیٹ کر لے گا۔ آپ کو ان پيج كي طرح کوئی اضافی محنت نہیں کرنی پڑے گی۔
اس کے علاوہ القلم فورم پر محترم راجہ صاحب نے مائکروسافٹ آفس کا ٹریننگ کورس شروع کیا ہوا ہے جو کہ بہت ہی آسان اور اچھے انداز میں تیار کیا گیا ہے، آپ کو اس سے بھی کافی مدد مل جائے گی۔
لنک: مائیکروسافٹ آفس 2010
ورڈ کے لیے (Lynda) والوں کا وڈیو ٹریننگ کورس بھی ہے جو آسانی سے نیٹ سے مل جاتا ہے۔ مجھے ورڈ سیکھنے میں اس سے کافی مدد ملی تھی۔

نعیم سعید بھائی بہت بہت شکریہ
آپ کی رہنمائی سے قدر کامیابی ہوئی ہے حوالہ جات دیتے وقت ایک مسئلہ ہورہا ہے کہ فوٹر کی لائین لیفٹ میں جارہی ہے تصویر ملاحظہ فرمائیں :

اس لائیں کو رائٹ جانب کیسے لایا جائے

فوٹ نوٹ کی ڈیفالٹ اسٹال میں جا کر اس پیرا گراف ڈائریکشن کو لیفٹ ٹو رائٹ سے رائٹ ٹو لیف کر لیں، اس سے آپ کا یہ مسئلہ حل ہوجائے گا۔ اور نمبر بھی خود ہی انگریزی سے اردو میں تبدیل ہوجائیں گے۔

بھائی جان مجھے یہ آپشن فٹ نوٹ اینڈ اینڈ نوٹ کے ڈائلاگ باکس میں نہیں مل رہا میں ورڈ 2007 ہی یوزکررہاہوں ورڈ 2010 پر منتقلی سسٹم رکوائزمینٹ کی وجہ مشکل ہے ۔ آپشن کی مینول رہنمائی فرمادیں

بھائی جان کس نے کہا ہے کہ فٹ نوٹ اور اینڈ نوٹ میں تلاش کریں، یہ آپشن تو پیرا گراف سیٹنگ میں ملے گا۔ جس کی شارٹ کی (Ctrl+Alt+P) ہے۔ اس ونڈو میں اوپر ہی جہاں (Direction) لکھا ہے اس کے سامنے ہی (Right-to-left) اور (Left-to-right) کی آپشن موجود ہے۔ (Right-to-left) منتخب کرنے سے آپ کا یہ مسئلہ حل ہوجائے گا۔ اور اگر مستقل اس کو حل کرنا چاہتے ہیں تو فٹ نوٹ کی ڈیفالٹ اسٹائل میں جا کر یہی سیٹنگ کردیں

arifkarim نے کہا:

یہاں ایک ماہر نعیم سعید صاحب موجود ہیں۔ انکو یہاں بلا لیں یا ذاتی پیغام بھیج دیں۔

مزید نمائش کے لیے کلک کریں۔۔۔

آپ کو کہاں سے پتا چلا کہ میں ’ماہر‘ ہوں، اس بات کا تو ابھی تک مجھے بھی علم نہیں ہوا۔

بھائی یہاں سے سیٹنگ کی ہے :



لیکن بھائی اس آپشن سے مندرجہ ذیل تصویر میں تبدیلی نمبر 1 ہورہی ہے لیکن مجھے مطلوب تبدیلی نمبر 2 ہے یعنی لائن رائٹ جانب چلی جائے لیکن اس سیٹنگ سے لائن ری پوزیشن نہیں ہورہی ہے ملاحظہ فرماکر مزید رہنمائی فرمائیں :

بھائی جی اس کے لیے …………
• سب سے تو ورڈ کا ویو موڈ (Draft) ہونا ضروری ہے۔ (View) کے ٹیب میں جاکر ڈرافٹ ویو منتخب کریں۔
• ڈرافٹ موڈ میں جانے کے بعد متن میں لگائے گئے فٹ نوٹ نمبر پر ماؤس سے ڈبل کلک کریں۔
• اس طرح اسکرین کے نچلے حصہ میں آپ کو اپنے لگائے ہوئے فٹ نوٹ نظر آئیں گے۔
• اسی نیچے والے پورشن میں بائیں جانب اوپر کی طرف (All Footnotes) لکھا نظر آئے گا۔
• اسی جگہ پر کلک کریں اور (Footnote Separator) کو منتخب کرلیں۔
• منتخب کرتے ہی آپ کو فوٹ نوٹ کی عبارات کی بجائے ایک لائن نظر آئے گی۔
• اسے سلیکٹ کریں اور اس کے ساتھ بھی وہی معاملہ کریں جو فٹ نوٹ ٹیکسٹ کے ساتھ کیا تھا۔ یعنی اس کی ڈائریکشن کو بھی رائٹ ٹو لیف بنا لیں۔
آپ کا مسئلہ حل ہوجائے گا۔

جزاک اللہ خیرا فی الدارین
بھائی جان مسئلہ حل ہوچکا
اللہ تعالی آپ کو خوش رکھے

نعیم سعید نے کہا:

آپ کو کہاں سے پتا چلا کہ میں ’ماہر‘ ہوں، اس بات کا تو ابھی تک مجھے بھی علم نہیں ہوا۔

مزید نمائش کے لیے کلک کریں۔۔۔

اتنے اعلیٰ نوعیت کے جوابات دینے کے بعد بھی یقین نہیں آرہا؟

ماشا اللہ ۔مجھے بھی یہی مسئلہ تھا جو حل ہوگیا ۔ویسے فٹ نوٹ کی لائن کو بڑا کیسے کیا جائے ؟ یعنی پوری لائن کیسے استعمال کی جائے ؟

اس کو سلیکٹ کر کے فانٹ سائز کو چن لیں۔ اگر سوال سے یہی مراد ہے کہ فانٹ سائز کس طرح بڑھایا جائے۔

بہت خوب نعیم صاحب مجھے بھی کافی مدد ملی ہے۔

arifkarim نے کہا:

یہاں ایک ماہر نعیم سعید صاحب موجود ہیں۔ انکو یہاں بلا لیں یا ذاتی پیغام بھیج دیں۔

مزید نمائش کے لیے کلک کریں۔۔۔

یہ ذاتی پیغام کیسے بھیجا جاتا ہے؟

ذاتی پیغام بہت آسانی کے ساتھ بھیجا جاتا ہے۔ آپ اوپر ٹائیٹل بار میں اپنے ان بکس میں کلک کریں ۔ نیچے دیکھیں آپ کو ایک بٹن ملے گا جس پر لکھا ہو گا نئی کفتگو کا آعاز کریں اس پر کلک کریں۔ یہاں آپ شرکا کے خانے میں مطلوبہ شخص کا نام لکھیں جو اس کا یوزر نیم ہے ۔ نیچے والے خانے میں موضوع لکھیں اور اپنا پیغام لکھ کر گفتگو کا آغاز کریں والے بٹن پر کلک کریں ۔ یہ رہا ذاتی پیغام بھیجنے کا طریقہ۔

imsabir نے کہا:

ذاتی پیغام بہت آسانی کے ساتھ بھیجا جاتا ہے۔ آپ اوپر ٹائیٹل بار میں اپنے ان بکس میں کلک کریں ۔ نیچے دیکھیں آپ کو ایک بٹن ملے گا جس پر لکھا ہو گا نئی کفتگو کا آعاز کریں اس پر کلک کریں۔ یہاں آپ شرکا کے خانے میں مطلوبہ شخص کا نام لکھیں جو اس کا یوزر نیم ہے ۔ نیچے والے خانے میں موضوع لکھیں اور اپنا پیغام لکھ کر گفتگو کا آغاز کریں والے بٹن پر کلک کریں ۔ یہ رہا ذاتی پیغام بھیجنے کا طریقہ۔

مزید نمائش کے لیے کلک کریں۔۔۔

میں سمجھتا تھا کہ یہ مکالمہ کوئی اور چیز ہے۔اب پتہ لگا کہ اسے ہی پیغام کہتے ہیں

میری بھی مدد فرمائیں جناب
ایم ایس ورڈ سے ریورس پرنٹ لیا جاسکتا ہے کیا؟
جیسا کورل میں ہوتا ہے؟