بحث برائے بحث اور تنقید برائے تنقید اب بس کرو

فاروق سرور خان نے کہا:

سلام طالوت،
میری معلومات کے مطابق، آپ ان کی اردو اور انگریزی کتب کا سیٹ‌پاکستان میں بھی حاصل کرسکتے ہیں۔ انہوں نے 30 کے قریب کتب تصنیف کی ہیں۔ جس میں‌ احادیث سے ایک انتخاب بھی شامل ہے۔ میرے پسندیدہ مصنفین میں‌سے ایک ہیں۔ ان کی دو کتب متنازعہ ہیں۔ ایک "اسلام کے مجرم" اور دوسری کربلا سے تعلق رکھتی ہے۔مترجم القرآن ہیں، جس کو ایک سے زائد یونیورسٹیز نے ریویو کیا ہے۔اسی ویب سائٹ‌پر ان کے فورم میں‌ان سے رابطہ قائم کیاجاسکتا ہے۔ میرا خیال ہے کہ ان کی کتب پاکستان میں‌بھی دستیاب ہیں۔
والسلام

مزید نمائش کے لیے کلک کریں۔۔۔

طالوت نے کہا:

دراصل اس وقت میں سعودی عرب میں ہوں اور سال بھر بعد ہی جانا نصیب ہو گا۔۔۔ میں نے 95/96 میں ان کی ایک کتاب کہکشاں ہی تھی غالبا پڑھی تھی اور مجھے وہ کتاب ان کے عزیز یا غالبا اچھے دوست (بخشن ولیج-گزری۔کراچی) سے ملی تھی اس کے بعد ایک آدھ خبر سن سکا میں ان کے بارے میں ان دونوں متنازعہ کتابوں کے حوالے سے۔۔ ان کی متنازعہ حثیت پر تو پڑھنے کے بعد ہی کوئی رائے قائم کی جا سکتی ہے ۔۔ اسی ویب پر ان سے کیسے رابطہ قائم کروں کوئی لنک دے دیں ذرا سست آدمی ہوں ڈھونڈ چکا لیکن ملا نہیں۔۔۔وسلام

مزید نمائش کے لیے کلک کریں۔۔۔

عبداللہ حیدر نے کہا:

فاروق صاحب! حافظ نذر محمد صاحب نے ایک ترجمہ قرآن شائع کیا تھا جس کے درست ہونے پر سب مکاتب فکر بریلوی، دیوبندی، اہل حدیث اور شیعہ وغیرہ کا اتفاق ہے۔

مزید نمائش کے لیے کلک کریں۔۔۔

ایم بلال نے کہا:

السلام علیکم!
اس دھاگے میں حصہ لینے والے دوستوں نے شائد اس دھاگے کی پہلی پوسٹ نہیں پڑھی۔۔۔ میں‌نے اُس میں تفصیل سے یہاں بات کرنے کا طریقہ سمجھایا تھا۔ اس کے علاوہ ہم نے سب سے پہلے محترم فاروق بھائی کو دعوت دی تھی۔ جہاں تک مجھے لگا تھا کہ فاروق بھائی نے اپنا نقطہ نظر واضع کر دیا تھا۔۔۔ دوستوں اس دھاگے کا مقصد یہ نہیں کہ آپ ایک دوسرے کو دلائل دو بحث کرو بلکہ یہ تھا کہ آپ کو اگر کسی دوست کے بارے میں‌غلط فہمی ہوئی ہے یا اس کے نظریات کو جاننا چاہتے ہیں تو آپ سوال کر سکتے ہیں۔۔۔ بس۔۔۔ اس کے بعد اس شخص کے نظریات سنیں اور چپ ہو جائیں اس سے آپ کو پتہ چل گیا ہے کہ فلاں شخص کیا نظریات رکھتا ہے۔۔۔ اور آئندہ جب بھی بات ہو تو اس کے نظریات کے حوالے سے ہی جواب دیں۔۔۔ تاکہ ہم بھی دیکھیں آپ کتنا علم رکھتے ہیں۔ بس خاص فرقہ کے چند الفاظ رٹ لینے سے نہ تو علم حاصل ہوتا ہے نہ کوئی عالم بنتا ہے۔۔۔ جب میں محفل پر آیا تو میری بھی کئی بار فاروق بھائی سے بحث ہوئی لیکن اب نہیں ہوتی کیونکہ میں جانتا ہوں وہ کس طرح اور کیوں سوچتے ہیں۔۔۔ میں فاروق بھائی کے نظریات سے اتفاق نہیں کرتا بلکہ کئی باتوں پر نظریاتی مخالفت کر سکتا ہوں اور اس کا حق آپ سب بھی رکھتے ہیں۔۔۔ لیکن یہ سب اس طرح نہیں ہونی چاہئے جیسے باقی زیادہ تر لوگ کر رہے ہیں۔۔۔بلکہ ایک بندہ اپنے دلائل پیش کرے اور دوسرا جواب دے باقی پڑھنے والوں پر چھوڑ دیں۔۔۔ یہ بھی ہو سکتا ہے کہ دلائل دیتے دیتے بات لمبی ہو جائے۔۔۔ لیکن موضوع سے ہٹ جانا، ذاتی حملے کرنا، ایک دوسرے کو کافر قرار دینا۔۔۔ کیا یہ سب ٹھیک ہے؟؟؟ مزے کی بات تو یہ ہے اس سے پڑھنے والے جان جاتے ہیں کہ بحث کرنے والے خود جاہل ہیں جو موضوع تک پر نہیں رہ سکتے وہ تعمیری بحث کیسے کریں گے۔۔۔
فاروق بھائی کے نظریات کے بارے میں سب جان چکے ہیں۔ مجھے بہت افسوس ہو رہا ہے کہ میں نے یہ دھاگہ کھولا کیونکہ کچھ احباب نے اسے بھی جنگ کا میدان بنا ڈالا۔۔۔ خدا کے لئے ہم مسلمانوں پر رحم کھاؤ۔۔۔ ہمیں جینے دو۔۔۔ ہمیں مزید فرقہ واریت نہیں‌چاہیئے۔۔۔
جتنی بحثیں ایک دوسرے پر کیچڑ اچھالنے اور اپنے نظریات ایک دوسرے پر لاگوں کرنے میں کیں۔ کاش امن و امان، بھائی چارے، سائنس، ٹیکنالوجی اور اُن حقوق العباد اور حقوق اللہ جن پر تمام مسلمان متفق ہیں کیں ہوتیں تو آج یہ بم دھماکے، فرقہ واریت کی جنگ، بے روزگاری اور نہ جانے کیا کیا ختم ہو جاتا۔۔۔ لیکن یہاں‌ہر ایک امام ہے، مفتی ہے، یعنی ہر کوئی سمجھ رہا ہے کہ اس نے جو چند باتیں سنی یا پڑھی ہیں‌بس وہی ٹھیک ہے اور باقی دنیا غلط۔۔۔۔۔۔ دوستوں ہم کیسے مسلمان ہیں؟؟؟؟؟؟؟ اسلام ایسا مذہب ہے جو دنیا کے ہر مذہب کے ساتھ رہنا سیکھاتا ہے لیکن ہم کیا کر رہے ہیں ہم تو آپس میں رہنے کو تیار نہیں پھر باقی مذاہب سے کیسے رہیں گے؟؟؟ ایک بات یاد رکھو نظریات اور سوچوں کو اسلامی مخالفت کا رنگ نہ دو۔۔۔ خدا کے لئے دوسرے مسلمانوں پر رحم کھاؤ اور یہ بحثیں بند کرو اور کوئی تعمیری کام کرو۔۔۔
اللہ تعالٰی ہم سب کو اسلام کی صحیح سمجھ عطا کرے اور سیدھے راستے پر چلائے۔۔۔آمین

مزید نمائش کے لیے کلک کریں۔۔۔

عبداللہ حیدر نے کہا:

فاروق صاحب! حافظ نذر محمد صاحب نے ایک ترجمہ قرآن شائع کیا تھا جس کے درست ہونے پر سب مکاتب فکر بریلوی، دیوبندی، اہل حدیث اور شیعہ وغیرہ کا اتفاق ہے۔ ترجمہ قرآن کے شروع میں ان علماء اور مدوسوں کی تفصیل دی گئی ہے جنہوں نے اسے درست قراد دیا۔ حکومت پاکستان نے جب سکولوں میں قرآن کریم ترجمے کے ساتھ پڑھانے کا حکم جاری کیا تو درسی کتب کی تیاری میں‌حافظ صاحب کے ترجمے کو اختیار کیا گیا۔ شاید ابھی تک کسی نے اسے یونی کوڈ میں منتقل نہیں کیا۔ ایسا ہو جائے تو ان شاء اللہ بہت فائدے کی بات ہو گی۔ آپ اوپن برہان پر معیاری ترجمے کے لیے اسے اختیار کریں تو امید ہے سب مکاتب فکر اس کی تائید کریں گے۔
ترجمے کے لیے گروہی کام (ٹیم ورک اپنی نوعیت کا انوکھا منصوبہ ہے۔ ابھی تک ایسا کوئی ٹیم ورک سامنے نہیں آیا البتہ دار السلام والوں کا نیا ترجمہ ان کے کہنے کے مطابق دو افراد صلاح الدین یوسف اور محمد عبدالجبار صاحبان کی ٹیم نے کیا ہے۔ نمونے کے چند اوراق یہاں http://www.dar-us-salam.com/inside/u76-ahsanulkalam-large.pdfسے اتارے جا سکتے ہیں۔
قرآن فہمی کے لیے دارالسلام کی ایک اور کتاب "اطلس القرآن" اپنے موضوع پر لاجواب کتاب ہے۔ اس میں ان مقامات، شخصیات اور اقوام کا تفصیلی تعارف کرایا گیا ہے جن کا تذکرہ قرآن کریم میں آیا ہے۔ بات دوسری طرف نکل گئی ہے لیکن دارالسلام کا ذکر آیا تو میں نے مناسب خیال کیا کہ اس کتاب کا تعارف بھی کرا دوں، ہو سکتا ہے کسی کو اس سے قرآن سمجھنے میں مزید آسانی ہو۔
قرآنی ترجمے کی ٹیم میں کام کرنے کے لیے جس پائے کے علم اور مہارت کی ضرورت ہے میں اپنے آپ کو اس سے تہی دامن پاتا ہوں۔ ترجمہ قرآن کے لیے عربی زبان سے واقفیت کے علاوہ کئی دوسری صلاحیتوں کی بھی ضرورت ہے جو مجھ میں عنقا ہیں۔ اپنے مراسلات میں عموما دار السلام کا مذکورہ بالا ترجمہ استعمال کرتا ہوں، یا دوسرے علماء میں سے جس کے ترجمے کو زیادہ بہتر خیال کروں اس کا حوالہ دیتا ہوں۔
بلال بھائی! آپ کے مراسلے نے مجھے حیران کر دیا ہے۔ یہاں بڑے ٹھنڈے انداز میں علمی گفتگو چل رہی ہے۔ فاروق صاحب اور عادل صاحب کے مراسلات کا علمی انداز بڑا متاثر کن ہے۔ کسی نے کفر کے فتوے لگائے ہیں نہ برا بھلا کہا ہے۔ سابقہ مراسلات کو بغور دیکھنے سے معلوم ہو گا کہ ایک دوسرے کا نقطہ نظر جاننے کی کوشش بڑے احسن انداز میں جاری ہے۔ آپ سے اور انتظامیہ سے میری گزارش ہے کہ اس سلسلے کو چلنے دیا جائے تا کہ غلط فہمیاں دلوں میں جگہ نہ بنا سکیں۔ ایک گزارش قارئین سے بھی ہے کہ وہ اس گفتگو میں بلا ضرورت مداخلت نہ کریں تو پڑھنے والوں کو آسانی ہو گی ان شاء اللہ۔ جیسا اوپر طے ہو چکا ہے کہ ایک ایک نکتے کو لے کر ایکدوسرے کی بات سمجھنے کی کوشش کی جائے گی، بلا ضرورت مراسلات سے اصل گفتگو کا سر رشتہ ہاتھ سے نکل جاتا ہے۔

مزید نمائش کے لیے کلک کریں۔۔۔

فاروق سرور خان نے کہا:

بھائی آپ کی تحقیق یہ کہتی ہے ‌کہ پہلے احادیث‌کا لکھنا منع تھا پھر رسول اللہ نے اس کی اجازت دے دی۔
یہ دونوں احادیث باذوق بھائی پہلے پیش کرچکے ہیں۔ منطقی طور پر یہ بات بالکل درست لگتی ہے کہ پہلے اجازت نہیں‌تھی پھر اجازت دے دی۔ ایسا جب ہی ممکن ہے جبکہ کہا جائے کہ پہلی باررسول اللہ کی سنت لکھنے کی ممانعت تھی اور صرف زبان سے سکھائے جانے کی اجازت تھی۔ کیا ایسا ہے؟‌

مزید نمائش کے لیے کلک کریں۔۔۔

السلام علیکم و رحمۃُ اللہ و برکاتہ ، معذرتاً گذارش ہے فاروق بھائی کہ یہ مندرجہ بالا بات ایک مفروضہ ہی ہے ، اور اس مفروضے کی وجہ آپ کا یہ فرمانا ہے کہ """ ایسا جب ہی ممکن ہے جبکہ کہا جائے کہ پہلی باررسول اللہ کی سنت لکھنے کی ممانعت تھی اور صرف زبان سے سکھائے جانے کی اجازت تھی۔ کیا ایسا ہے؟
بھائی ، صرف منطقی طور پر ہی نہیں پرکھ حدیث کی کسوٹیوں کے مطابق بھی یہ درست ہے ، اور حکمت کے مطابق بھی کہ پہلے حدیث لکھنے سے منع فرمایا گیا اور پھر اجازت عطا فرما دی گئی ،
اور فاروق بھائی ، زبان کس کو سکھانی تھی !!! جو لوگ رسول اللہ صلی اللہ علیہ و علی آلہ وسلم کے ارد گرد تھے ، جو ایمان لاتے اور جو نہ لاتے سب کے سب ہی اسی عربی زبان کے جاننے والے تھے ، کیسی عجیب بات کہی آپ نے بڑے بھائی ،

فاروق سرور خان نے کہا:

نہیں۔ رسول اکرم نے اپنی حدیث مبارکہ کو لکھنے سے نہیں‌ منع فرمایا۔

مزید نمائش کے لیے کلک کریں۔۔۔

ہائیں ، تو پھر کس چیز سے منع فرمایا ؟؟؟ """ غیر القران """ کیا تھا ؟؟؟

فاروق سرور خان نے کہا:

نہیں۔ رسول اکرم نے اپنی حدیث مبارکہ کو لکھنے سے نہیں‌ منع فرمایا۔ غیر القرآن کا مطلب قطاً یہ نہیں‌ہوتا کہ ایک قران ہے اور دوسری حدیث ہے۔ قرآن لکھ لو اور حدیث (‌غیر القرآن )‌ نہ لکھو۔

مزید نمائش کے لیے کلک کریں۔۔۔

فاروق بھائی ، اس کا مطلب ہوا کہ رسول اللہ صلی اللہ علیہ وعلی آلہ وسلم کا ہر فرمان قران ہے پس جو حدیث ہے وہ بھی قران ہے ، اور دونوں ایک ہی کلام ہیں ، پس حدیث غیر القران نہیں ، تو پھر قران کیا ہے کہ وہ حدیث میں نہیں !!! کیوں کہ حدیث ہے ہی نہیں جو ہے وہ قران ہی ہے ؟؟؟
چلیے فلسفہ چھوڑ کر کوئی علمی بات کرتے ہیں ، فاروق بھائی ،اب آپ سے مودبانہ گذارش ہے کہ یہاں سے آگے جو کچھ میں عرض کرنے جا رہا ہوں اُسے بڑے آرام سے تحمل اور وقت لے لے کر پڑہیے گا ، اور پھر اس کا جواب عنایت فرمایے گا ،
فاروق بھائی ، اب اگر آپ لغت کے مطابق """ لا تکتبوا عنی غیر القران """ کو سمجھیے تو پتہ چلے گا کہ """ ہر وہ بات جو قران نہیں وہ غیر القران ہے """ اور وہ بات جب رسول اللہ صلی اللہ علیہ وعلی آلہ وسلم کی ہو تو حدیث ہے ، اگر دونوں میں الفاظ و کلام کی حیثیت سے فرق نہیں ، متکلم کی نسبت کا فرق نہیں ، تو پھر """ لا تکتبوا عنی غیر القران """ فرمانے کی بجائے """ لا تکتبوا عنی """ ہی کافی ہوتا ،
اور مزید عرض ہے کہ """ لا تکتبوا عنی غیر القران """ اس بات کی دلیل بھی ہے کہ رسول اللہ صلی اللہ علیہ وعلی آلہ وسلم اپنی بات مبارک اور اللہ کی بات مبارک کو الفاظ و کلام کی حیثیت سے اور نسبت متکلم کی حیثیت سے الگ الگ جانتے تھے اور صحابہ رضی اللہ عنہم بھی یہ جانتے تھے کہ رسول اللہ صلی اللہ علیہ وعلی آلہ وسلم جو کچھ فرماتے ہیں وہ سب کچھ قران نہیں اسی لیے رسول اللہ صلی اللہ علیہ وعلی آلہ وسلم نے صرف اتنا ہی فرمایا """ لا تکتبوا عنی غیر القران """

فاروق سرور خان نے کہا:

ایسا کب ممکن ہے جب حدیث کو غیر القرآن سمجھا جائے؟
ایسا جب ممکن ہے جب ہم یہ ماننے سے انکار کردیں کہ رسول اللہ کی حدیث مبارکہ کو کسی طور غیر قرآنی تصور کیا جاتا ہے۔ جیسے کہ بہت سے منکر الحدیث ، قول و سنت رسول اللہ صلی اللہ علیہ وسلم کو قرآن کے علاوہ یا غیر القرآن یا غیر قرآنی تصور کرتے ہیں۔ اگر ہم یہ مان لیتے ہیں‌کہ رسول اللہ کی احادیث مبارکہ عیر ال قرآن یعنی غیر قرآنی تھیں‌ تو پھر یہ مشہور آیات درست نہیں رہتی ہیں:
سورۃ النجم:53 , آیت:3 [arabic]وَمَا يَنطِقُ عَنِ الْهَوَى [/arabic]
سورۃ النجم:53 , آیت:4[arabic] إِنْ هُوَ إِلَّا وَحْيٌ يُوحَى[/arabic]
Tahir ul Qadri اور وہ (اپنی) خواہش سے کلام نہیں کرتے اُن کا ارشاد سَراسَر وحی ہوتا ہے جو انہیں کی جاتی ہے

یعنی رسول اکرم نے کبھی غیر قرآنی، غیر وحی شدہ، یا ایسی بات نہیں کی جو اللہ تعالی نے ان ( صلعم ) کووحی نہیں کی۔ کیوں ؟ کہ تمام قرآن ان (صلعم )‌کے قلب پر لیلۃ‌القدر میں ہی نازل کیا جاچکا تھا۔

سورۃ القدر:97 , آیت:1 [arabic]إِنَّا أَنزَلْنَاهُ فِي لَيْلَةِ الْقَدْرِ[/arabic]

مزید نمائش کے لیے کلک کریں۔۔۔

فاروق بھائی ، رسول اللہ صلی اللہ علیہ وعلی آلہ وسلم کی حدیث مبارک اس لحاظ سے غیر قرانی نہیں کہ اس میں کہیں قران کی کوئی مخالفت نہیں ، یہ میں پہلے بھی عرض کر چکا ہوں کہ ہر وہ سُنّت قولی ، فعلی یا تقریری جو صحت حدیث کے قوانین کے مطابق صحیح ہے ہر گز مخالف قران نہیں ہو سکتی ، بلکہ ساری کی ساری سُنّت قران کا بیان ہے ، تشریح ہے ، تفسیر ہے ،
رہا معاملہ الفاظ و حیثیت کلام کا ، اور نسبت متکلم کا تو احادیث اللہ کا کلام نہیں ہیں ، اس لحاظ وہ غیر قرانی ہیں ، اور یہی وہ بات ہے جو رسول اللہ صلی اللہ علیہ وعلی آلہ وسلم """ لا تکتبوا عنی غیر القران """ میں بتائی اور صحابہ رضی اللہ عنہم اجمعین نے بالکل اسی طرح سمجھ لی ، اور یہ ایک اور دلیل ہے صحابہ رضی اللہ عنہم اجمعین کے فہم کی فوقیت و حجت کی ،
میں پہلے بھی عرض کر چکا ہوں کہ ((( و ما ینطق عن الھویٰ ، ان ھو الا وحی یوحیٰ ::: اور رسول (صلی اللہ علیہ وعلی آلہ وسلم ) اپنی خواہشات کی طرف سے نہیں بات فرماتے ، ان کی بات سوائے وحی کے اور کچھ نہیں ))) آپ کے خلاف حجت ہے ، اس میں یہ قید کہاں ہے کہ رسول اللہ صلی اللہ علیہ وعلی آلہ وسلم پر صرف وہی کچھ وحی ہوتا تھا جو قران میں ہے ؟؟؟ اس کا جواب ضرور عنایت فرمایے گا ،
اور جب ان آیات میں رسول اللہ صلی اللہ علیہ و علی آلہ وسلم کی زبان مبارک سے ادا ہونے والی ہر بات کو وحی قرار دیا گیا ہے تو پھر یقینا ان میں کچھ الفاظ اللہ کا اپنے فرمائے ہوئے ہیں جو قران ہیں ، اور جو احادیث قدسیہ میں ہیں ، اور کچھ الفاظ رسول اللہ صلی اللہ علیہ وعلی آلہ وسلم کے فرمائے ہوئے ہیں جو قران نہیں ہیں اور انہیں ہی حدیث کہا جاتا ہے ،اور بلا شک و شبہہ یہ اللہ کی طرف سے کی گئی وحی کی بنیاد پر ہیں ، پس آیات میں کسی قسم کے شک یا اشکال کی گنجائش نہیں رہتی ،
فاروق بھائی ، بات صرف یہ ہے کہ آپ کے ہاں الفاظ """ غیر القران """ اور """ غیر الوحی """ کے سمجھنے اور فرق کرنے میں گڈ مڈ ہو رہا ہے ،
مذکورہ بالا دو آیات کو پھر پڑہیے اور غور سے پڑہیے ، رسول اللہ صلی اللہ علیہ وعلی آلہ وسلم کے ہر فرمان کو وحی قرار دیا گیا ، اور ہر کوئی جانتا ہے کہ رسول اللہ صلی اللہ علیہ وعلی آلہ وسلم کا ہر فرمان اللہ کا کلام یعنی قران نہیں ، پس پھر دہراتا ہوں ، قران وہ ہے جو کلام اللہ کا ہے ، اللہ کے اپنے فرمائے ہوئے حروف و الفاظ ، اور حدیث وہ ہے جو رسول اللہ صلی اللہ علیہ وسلم کے فرمائے ہوئے حروف و الفاظ ہیں ، اور دونوں کا رسول اللہ صلی اللہ علیہ وعلی آلہ وسلم کی زبان مبارک سے ادا ہونا اللہ کی طرف سے کی گئی وحی کے ذریعے ہے ،

فاروق سرور خان نے کہا:

یعنی رسول اکرم نے کبھی غیر قرآنی، غیر وحی شدہ، یا ایسی بات نہیں کی جو اللہ تعالی نے ان ( صلعم ) کووحی نہیں کی۔ کیوں ؟ کہ تمام قرآن ان (صلعم )‌کے قلب پر لیلۃ‌القدر میں ہی نازل کیا جاچکا تھا۔

سورۃ القدر:97 , آیت:1 [arabic]إِنَّا أَنزَلْنَاهُ فِي لَيْلَةِ الْقَدْرِ[/arabic]

مزید نمائش کے لیے کلک کریں۔۔۔

فاروق بھائی ، قران رسول اللہ صلی اللہ علیہ و علی آلہ وسلم کے قلب مبارک و طاہر ہر لیلۃ القدر میں اور ایک ہی بار میں نازل کر دیا گیا تھا ، اس کی کوئی دلیل قران و صحیح حدیث سے عنایت فرمایے ، یقینا یہ میرے لیے ایک نیا علم ہو گا ، آج تک میں نے جتنی تفاسیر پڑہی ہیں ان میں تو کچھ اور ہی لکھا ہوا ہے ، اور اگر آپ اس کو کسی اور وقت کے لیے چھڑ دیں تو بھی ان شاء اللہ کوئی حرج نہیں ، تا کہ ہم اپنے موضوع سے باہر نہ جائیں

فاروق سرور خان نے کہا:

تو پھر یہ غیر القرآن یا غیر قرآنی ہے کیا؟

مزید نمائش کے لیے کلک کریں۔۔۔

آپ کی اس بات کا جواب ابھی ابھی دے چکا ہوں ، اور پھر اپنی مودبانہ گذارش دہراتا ہوں کہ بڑے آرام اور تحمل سے وقت لے کر میری گذارشات پر غور فرمایے ، جن کا خلاصہ یہ کہ """ غیر القران """ اور """ غیر الوحی """ دو الگ باتیں ، دو الگ چیزیں ہیں ۔ اور اسی کے فہم میں گڈ مڈ ہو رہا ہے ، جیسا کہ آپ کی با توں سے پتہ چلتا ہے کہ آپ دونوں کو ایک سمجھ رہے ہیں ،

فاروق سرور خان نے کہا:

بھائی میری ناقص عقل یہ کہتی ہے کہ رسول اللہ سے بہت کچھ منسوب کیا گیا ہے۔ یہ انتساب شدہ مواد ضروری نہیں ہے کہ درست ہی ہو۔ آپ نے بھی لکھا کہ ساری کی ساری کتب قابل اعتبار نہیں ہیں بلکہ ہر روایت کو الگ الگ دیکھا جائے گا۔
میں‌یہ سمجھتا ہوں‌کہ کسی بھی صحابہ نے بھی کوئی بات غیر القرآن یا غیر قرآنی رسول اللہ سے منسوب نہیں‌کی ورنہ اللہ تعالی یہ نہ فرماتے کہ وہ ان سے راضی ہے۔

سورۃ المجادلۃ:58 , آیت:22 [arabic]لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ أُوْلَئِكَ كَتَبَ فِي قُلُوبِهِمُ الْإِيْمَانَ وَأَيَّدَهُم بِرُوحٍ مِّنْهُ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا رَضِيَ اللَّهُ عَنْهُمْ وَرَضُوا عَنْهُ أُوْلَئِكَ حِزْبُ اللَّهِ أَلَا إِنَّ حِزْبَ اللَّهِ هُمُ الْمُفْلِحُونَ [/arabic]
آپ اُن لوگوں کو جو اللہ پر اور یومِ آخرت پر ایمان رکھتے ہیں کبھی اس شخص سے دوستی کرتے ہوئے نہ پائیں گے جو اللہ اور اُس کے رسول (صلی اللہ علیہ وآلہ وسلم) سے دشمنی رکھتا ہے خواہ وہ اُن کے باپ (اور دادا) ہوں یا بیٹے (اور پوتے) ہوں یا اُن کے بھائی ہوں یا اُن کے قریبی رشتہ دار ہوں۔ یہی وہ لوگ ہیں جن کے دلوں میں اُس (اللہ) نے ایمان ثبت فرما دیا ہے اور انہیں اپنی روح (یعنی فیضِ خاص) سے تقویت بخشی ہے، اور انہیں (ایسی) جنتوں میں داخل فرمائے گا جن کے نیچے سے نہریں بہہ رہی ہیں، وہ اُن میں ہمیشہ رہنے والے ہیں، اللہ اُن سے راضی ہو گیا ہے اور وہ اللہ سے راضی ہو گئے ہیں، یہی اﷲ (والوں) کی جماعت ہے، یاد رکھو! بیشک اﷲ (والوں) کی جماعت ہی مراد پانے والی ہے

مزید نمائش کے لیے کلک کریں۔۔۔

جی ہاں فاروق بھائی ، آپ کی بات درست ہے رسول اللہ صلی اللہ علیہ و علی آلہ وسلم سے بہت کچھ منسوب کیا گیا ، کیا جاتا ہے ، اور اللہ ہی جانے کب تک یہ سلسلہ رہے گا ، لیکن ہر دور میں اللہ اس امت کو اپنے ایسے بندے ضرور مہیا کرتا ہے جو صحیح اور کمزور احادیث کو قوانین و قواعد کی روشنی میں الگ الگ کرتے ہیں ، اور امت کو بتاتے ہیں کہ کیا رسول اللہ صلی اللہ علیہ و علی آلہ وسلم کے بارے میں ثابت ہے اور کیا نہیں ، و الحمد للہ علی ذلک ،
آپ کا یہ سمجھنا بھی درست ہے کسی بھی صحابی رضی اللہ عنہ نے (کسی بھی صحابہ نے نہیں) ، یقینا رسول اللہ صلی اللہ علیہ و علی آلہ وسلم سے کبھی کوئی ایسی بات منسوب نہ کی جو انہوں نےنہ فرمائی ہو ، لیکن صحابہ رضی اللہ عنہم اجمعین """ غیر القران """ اور """ غیر الوحی """ کا فرق جانتے تھے ، پس قران میں سے کچھ ذکر کرتے تو اللہ تعالی کی نسبت سے اور حدیث کو رسول اللہ صلی اللہ علیہ و علی آلہ وسلم سے منسوب کر کے ، اور اس کی """ کتب احادیث و تاریخ و تفسیر """ میں ان گنت مثالیں میسر ہیں ،

فاروق سرور خان نے کہا:

اگر ہم ہر روایت کو قرآن کو کسوٹی بنا کر دیکھ لیں تو یقیناً یہ ایک ایسی احتیاط ہے جس کی ہدایت رسوال اللہ نے ایک سے زائید بار کی ہے تو پھر اس بات کا امکان کم رہ جاتا ہے کہ دشمنان اسلام کی جعل سازی کامیاب ہو۔ دیکھئے قول رسول:

"اذا روی عنی حدیث فاعر ضوہ علی کتاب اللہ فان وافق فاقبلوہ و الا تذروہ "

مزید نمائش کے لیے کلک کریں۔۔۔

بہت اچھی بات ہے اور بڑی اچھی احتیاط ہے ، لیکن یہاں دو سوال میرے ذہن میں آ رہے ہیں ، (۱) کسوٹی تو آپ نے بتا دی ، اور بارہا بتا دی ، یہ بھی تو بتایے فاروق بھائی کہ اس کو استعمال کیسے کرنا ہے ؟ احادیث کو کس طرح اس کسوٹی پر پرکھنا ہے ؟ کوئی مثال دے کر سمجھایے،
اور دوسرا سوال وہی ہے جو میں پہلے کر چکا ہوں ، بھائی جی ، قطع نظر اس کے کہ اس حدیث کا درجہ کیا ہے ، آپ نے اس ""' روایت """ کو قبول کر لیا ، یعنی ، صحیح اور غیر صحیح رویات حدیث آپ کے لیے فرق نہیں رکھتی ، بہر حال ، یہ وضاحت فرما دیجیے کہ (۲) اس حدیث کو آپ قران کی کون سے آیت کی روشنی میں قبول فرماتے ہیں ؟
ایک اور بات پوچھنا چاہتا ہوں کہ آپ نے مذکورہ بالا حدیث سے پہلے لکھا کہ """ یقیناً یہ ایک ایسی احتیاط ہے جس کی ہدایت رسوال اللہ نے ایک سے زائید بار کی ہے""" میں حیرت زدہ ہوں ، بھائی جان براہ مہربانی مجھے ضرور بتایے کہ کہاں اور کیسے ایک سے زائد بار یہ فرمایا گیا ہے ،ہو سکتا ہے اس حدیث کی ایک اکیلی کمزور روایت کی علت کسی دوسری روایت کی اسناد میں سے دور ہو جائے اور یہ اکیلی روایت صحیح قرار پا جائے ، اللہ آپ کا بھلا فرمائے ،

فاروق سرور خان نے کہا:

یہ روایت جناب بن باز‌ نے ایک خط میں جو کہ ڈاکٹر شبیر احمد کی کتاب میں ‌بھی شائع ہوا ہے لکھی تھی۔ جس کو جناب باذوق جعلی قرار دیتے ہیں (یہ طنز ی ااعتراض نہیں ۔ پرکھنا اچھا عمل ہے۔ یہ تذکرۃً ہے) ۔ کیونکہ یہ روایت ان 4 یا 6 کتب میں‌موجود نہیں جو ان کے نزدیک زیادہ قابل اعتماد ہیں۔ میں اس کو اعتراض کے باعث مزید احادیث پیش کرتا ہوں اور یقین ہے کہ خود جناب باذوق یا آُ بھی پیش کرسکیں گے ۔ بہرحال یہ روایت ایک دوسری کتاب میں موجود ہے۔ اس کا مکمل حوالہ میرے پاس یہاں‌نہیں ہے۔ بعد میں دیتا ہوں۔ یہ درست ہو یا نا ہو۔ آپ کو دوسری روایات اور قران کی آیات اس ضمن میں‌مل جائیں گی جو غیر القران باطل قرار دیتی ہیں۔
http://www.urduweb.org/mehfil/showpost.php?p=298667&postcount=1

مزید نمائش کے لیے کلک کریں۔۔۔

مجھے شیخ بن باز علیہ رحمۃ اللہ والے معاملے کا کوئی علم نہیں فاروق بھائی ،
علی کل حال یہ روایت نقد الحدیث کی کسوٹیوں پر پوری نہیں اترتی ، ضعیف ہے ،
آپ دوسری روایات مہیا فرما کر مجھے شکریہ کا موقع عنا یت فرمایے ، اور قران کی آیات بھی جو """غیر القران """ اور """غیر الوحی """ کو ایک ہی ثابت کریں اور پھر اس ایک کو باطل قرار دیا جائے ،

فاروق سرور خان نے کہا:

میں‌سمجھتا ہوں کہ آپ اس اصول سے متفق ہیں کہ صحیح‌سنت غیر القرآن یا غیر قرآنی ہوہی نہیں‌سکتی۔

مزید نمائش کے لیے کلک کریں۔۔۔

جی فاروق بھائی ، کوئی صحیح سنت (قولی فعلی یا تقریری ) """ غیر الوحی """ نہیں ہو سکتی اور قران کے مخالف نہیں ہو سکتی ،

فاروق سرور خان نے کہا:

اب سوال پیدا ہوتا ہے اس اصول کو مختلف روایات پر استعمال کرکے درست یا غلط ثابت کرنے کا کہ کونسی روایت درست ہے اور کونسی نہیں ۔ میں اور آپ دونوں جانتے ہیں‌کہ بہت سی روایات، عقائد اور قصے کہانیاں اس اصول کی وجہ سے باطل ہو جاتی ہیں۔ ان سب کا کیا کیا جائے؟

مزید نمائش کے لیے کلک کریں۔۔۔

فاروق بھائی کونسا اصول ؟ مذکورہ بالا کمزور حدیث سے اخذ کیا گیا اصول !!! عجیب !!! ایک طرف تو صحیح احادیث بھی رد کی جائیں کہ قران کے خلاف ہیں ، جبکہ حقیقت میں ایسا نہیں ، اور دوسری طرف ایک کمزور ناقابل حجت روایت سے اصول اخذ کیے جائے ،

فاروق سرور خان نے کہا:

کیا یہ مقلد یا علماء غلط تھے جو یہ پڑھاتے رہے؟ بھائی اللہ ہی بہتر جانتا ہے۔ لیکن لڑکیوں کو لکھنا نہ سکھایا جائے اور سورۃ‌ ء نور یا سورۃء یوسف یا سورۃ ء مریم کی تعلیم نہ دی جائے (‌مختلف کتب میں مختلف روایت پائی جاتی ہے)‌۔ کیا منطقی یا قرآن اور سنت کے مسلمہ اصولوں‌پر پوری ‌اترتی نظر آتی ہے؟ ۔
(‌یہ صرف مثال ہے، رضا صاحب اس پر بہت سے دلائل دے چکے ہیں ۔ یہاں صرف مثال کے لئے لکھا ہے ۔ یہاں‌ اس پر بحث‌نہ کریں، جواب مطلوب نہیں ۔ صرف توجہ دلانا مطلوب ہے)

تو میں ان باظل ہو جانے والی روایات کے سلسلے میں اپنے لئے یہ رائے رکھتا ہوں کہ کہ حق اللہ کی طرف سے ہے جس کا دل چاہے یقین کرے اور جو چاہے اس پر ایمان نہ لائے، پر ہدایت حاصل کرنے کی کوشش کرتا رہے۔

18:29 [arabic]وَقُلِ الْحَقُّ مِن رَّبِّكُمْ فَمَن شَاءَ فَلْيُؤْمِن وَمَن شَاءَ فَلْيَكْفُرْ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِن يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءَتْ مُرْتَفَقًا[/arabic]

کہ سب نے اپنا اپنا حساب دینا ہے۔ قانون جزا ایک سچی حقیقت ہے۔
سورۃ البقرۃ:2 , آیت:123 [arabic] وَاتَّقُواْ يَوْماً لاَّ تَجْزِي نَفْسٌ عَن نَّفْسٍ شَيْئاً وَلاَ يُقْبَلُ مِنْهَا عَدْلٌ وَلاَ تَنفَعُهَا شَفَاعَةٌ وَلاَ هُمْ يُنصَرُون[/arabic]َ

امید ہے کہ آپ اس کو دردمندی کے ساتھ دیکھیں اور سوچیں گے۔ میری استدعا یہ ہے کہ آپ اس پر فوری جواب نہ دیجئے بلکہ کم از کم 24 گھنٹے سوچئیے پھر اپنی قیمتی رائے سے نوازئیے۔

مزید نمائش کے لیے کلک کریں۔۔۔

جزاک اللہ خیرا ، فاروق بھائی ، آپ اپنے لیے ایک رائے رکھتے ہیں اور اس رائے کی بنا پر صحیح اور غیر صحیح کا فرق روا رکھے بغیر احادیث کو """ باطل """ قرار دے لیتے ہیں ، بے شک اللہ کا قول سب سے سچا ہے ، ((( و قل الحق من ربکم فمن شاء فلیؤمن و من شاء فلیکفر )))
اللہ تعالی ہم سب کو حق پہچاننے ، اپنانے ، اس پر عمل کرنے اور اس کو نشر کرنے کی توفیق عطا فرمائے اور اسی پر ہمارے خاتمے فرمائے ،
ایک خصوصی گذارش ::: ہم دونوں اپنی باتوں کو جتنا مختصر رکھ سکیں بہتر ہے اور ایک دوسرے کے سوالات کے جوابات بھی مختصر طور پر پیش کریں ، اللہ دلوں کے حال جانتا ہے ، میں بحث ضرور کرتا ہوں لیکن کسی بھی شخصیت کو نیچا دکھانے یا بحث برائے بحث نہیں ، ایسا کرنا ہوں تو بہت سی جگہوں میں اس مشغلے کو اچھا سمجھ کر خوب داد میسر ہے ،
میں نے آپ کی تمام باتوں پر دردمندی کے ساتھ ہی نہیں درد کے ساتھ غور کر کر کے اپنی گذارشات پیش کی ہیں ، اور اسی درد کے ساتھ گذارش کرتا ہوں میرے بھائی ، کہ جو حدیث آپ کے خیالات کے مطابق آپ کو قابل قبول نہ ہو آپ اسے """ اپنے خیالات کی روشنی میں نا منظور """ کہہ لیا کیجیے ، لیکن """ باطل """ مت کہا کیجیے ، فاروق بھائی ایک تو یہ کہ ""' علم مصطلح الحدیث """ میں """ باطل """ کمزور """ روایات """ کا ایک درجہ ہے اور ظاہری سی بات ہے کسی ""'روایت """ کی چھان بین کر کے اس کی صحت کا درجہ مقرر کرنا اسی علم کے ماہر ترین لوگوں کا کام ہے ، اور دوسرے یہ کہ لفظ """ باطل """ بہت خوفناک معنی رکھتا ہے ، اور اگر آپ اپنی سوچ کی بنا پر کسی صحیح ثابت شدہ حدیث کو """ باطل """ کہیں تو یہ بہت ظکرے والی بات ہے ، آپ کی ذکر کردہ آخری آیت کی روشنی میں میری اس درد مندانہ اور برادرانہ گذارش پر غور فرمایے ، اللہ ہم سب کے ظاہر و باطن کی اصلاح فرمائے ۔ والسلام علیکم ۔

فاروق سرور خان نے کہا:

[arabic]حدثنا محمد بن كَثِيرٍ أخبرنا سُفْيَانُ عن الْأَعْمَشِ عن إبراهيم التَّيْمِيِّ عن أبيه عن عَلِيٍّ رضي الله عنه قال ما كَتَبْنَا عن النبي صلی اللہ علیہ وعلی آلہ وسلم إلا الْقُرْآنَ وما في هذه الصَّحِيفَةِ قال النبي صلی اللہ علیہ وعلی آلہ وسلم((( الْمَدِينَةُ حَرَامٌ ما بين عَائِرٍ إلى كَذَا فَمَنْ أَحْدَثَ حَدَثًا أو آوَى مُحْدِثًا فَعَلَيْهِ لَعْنَةُ اللَّهِ وَالْمَلَائِكَةِ وَالنَّاسِ أَجْمَعِينَ لَا يُقْبَلُ منه عَدْلٌ ولا صَرْفٌ وَذِمَّةُ الْمُسْلِمِينَ وَاحِدَةٌ يَسْعَى بها أَدْنَاهُمْ فَمَنْ أَخْفَرَ مُسْلِمًا فَعَلَيْهِ لَعْنَةُ اللَّهِ وَالْمَلَائِكَةِ وَالنَّاسِ أَجْمَعِينَ لَا يُقْبَلُ منه صَرْفٌ ولا عَدْلٌ وَمَنْ والي قَوْمًا بِغَيْرِ إِذْنِ مَوَالِيهِ فَعَلَيْهِ لَعْنَةُ اللَّهِ وَالْمَلَائِكَةِ وَالنَّاسِ أَجْمَعِينَ لَا يُقْبَلُ منه صَرْفٌ ولا عَدْلٌ )))[/arabic][arabic]
صحیح البخاری ، ابواب جزیۃ و الموادعۃ ، باب 17 بَاب إِثْمِ من عَاهَدَ ثُمَّ غَدَرَ وقوله الَّذِينَ عَاهَدْتَ منهم ثُمَّ يَنْقُضُونَ عَهْدَهُمْ في كل مَرَّةٍ وَهُمْ لَا يَتَّقُونَ ، سنن ابی داود ، کتاب المناسک، باب 97 بَاب في تَحْرِيمِ الْمَدِينَة[/arabic]

علی رضی اللہ عنہ کا فرمان ہے ((( ہم نے نبی صلی اللہ علیہ وعلی آلہ وسلم کی طرف سے ( کہی گئی ) کوئی بات نہیں لکھی سوائے قران کے اور جو کچھ اس صحیفہ میں ہے ))) اور فرمایا ((( نبی صلی اللہ علیہ و علی آلہ وسلم نے فرمایا ،، اور پھر اس صحیفہ میں جو کچھ لکھا ہواتھا اسے نبی صلی اللہ علیہ وسلم کے قول کے طور پر پڑھ کر سنایا )))

کیا خیال ہے معاذ اللہ علی رضی اللہ عنہ نے نبی صلی اللہ علیہ و علی آلہ وسلم کے حکم کی نافرمانی کی یا انہیں وہ سمجھ نہیں آئی ،جو آپ کو آ چکی ہے
جواب: میں ‌یہ اس کو ایک غلط فہمی سمجھتا ہوں کہ آج کی کتب روایات میں جو بھی درج ہے وہ 100 فی صد وہی روایات ہیں جو اس سند کے ساتھ حضرت علی سے روایت ہیں۔ میں‌ سمجھتا ہوں کہ اس میں بعد میں‌بھی منسوب شدہ روایات ہیں۔ جن میں غیر القرآن با آسانی شناخت کی جاسکتی ہیں [/color]

مزید نمائش کے لیے کلک کریں۔۔۔

فاروق سرور خان نے کہا:

[arabic][arabic]حدثنا مُسَدَّدٌ وأبو بَكْرِ بن أبي شَيْبَةَ قالا ثنا يحيى عن عُبَيْدِ اللَّهِ بن الْأَخْنَسِ عن الْوَلِيدِ بن عبد اللَّهِ بن أبي مُغِيثٍ عن يُوسُفَ بن مَاهَكَ عن عبد اللَّهِ بن عَمْرٍو قال كنت أَكْتُبُ كُلَّ شَيْءٍ أَسْمَعُهُ من رسول اللَّهِ صلی اللہ علیہ و علی آلہ وسلم أُرِيدُ حفظة فَنَهَتْنِي قُرَيْشٌ وَقَالُوا أَتَكْتُبُ كُلَّ شَيْءٍ تَسْمَعُهُ وَرَسُولُ اللَّهِ صلی اللہ علیہ و علی آلہ وسلم بَشَرٌ يَتَكَلَّمُ في الْغَضَبِ وَالرِّضَا فَأَمْسَكْتُ عن الْكِتَابِ فَذَكَرْتُ ذلك لِرَسُولِ اللَّهِ صلی اللہ علیہ و علی آلہ وسلم ((( فَأَوْمَأَ بِأُصْبُعِهِ إلى فيه ))) فقال ((( أكتب فَوَالَّذِي نَفْسِي بيده ما يَخْرُجُ منه إلا حَقٌّ )))[/arabic]
عبداللہ ابن عَمرو رضی اللہ عنہما کا کہنا ہے """ میں جو کچھ رسول اللہ صلی اللہ علیہ و علی آلہ وسلم سے سنتا لکھ لیا کرتا کیونکہ میں اسے محفوظ رکھنا چاہتا تھا ، قریش نے مجھے منع کیا اور کہا تم جو جچھ سنتے ہو لکھ لیتے ہو اور رسول صلی اللہ علیہ و علی آلہ وسلم انسان ہیں غصے اور راضی دونوں حالت میں بات کرتے ہیں ، تو (یہ سن کر ) مین نے لکھنا بند کردیا اور رسول اللہ صلی اللہ علیہ و علی آلہ وسلم سے اس بات کا ذکر کیا ، تو رسول اللہ صلی اللہ علیہ و علی آلہ وسلم نے ((( اپنی انگلی مبارک سے اپنے منہ مبارک کی طرف اشارہ فرماتے ہوئے ))) ارشاد فرمایا ((( لکھو ، اس کی قسم جس کے ہاتھ میں میری جان ہے اس (یعنی منہ مبارک ) میں سے سوائے حق کے اور کچھ نہیں نکلتا ))) سنن ابی داود ، کتاب الأقضیۃ ، ۲۰ اول کتاب العلم ، باب۳ بَاب في كِتَابِ الْعِلْمِ ، المستدرک الحاکم ، حدیث ۳۵۹ ، و سنن الدارمی باب 43 بَاب من رخص فی کتابۃ العلم ،

یہ حدیث‌ یہ کہہ رہی ہے کہ رسول اللہ کی زبان سے جو نکلا وہ حق ہے، یہ ان کی حدیث مبارک کو غیر القرآن قرار نہیں‌ دے رہی۔

مزید نمائش کے لیے کلک کریں۔۔۔

فاروق سرور خان نے کہا:

[arabic]سوال روایات کو " رسول کی طرف سے"‌ غیر القران یا غیر قرانی طور پر منسوب کرنے کا ہے۔

مزید نمائش کے لیے کلک کریں۔۔۔

فاروق سرور خان نے کہا:

[arabic]دیکھئے پہلی روایت کے صرف اس حصے کو دیکھتے ہیں:

[arabic] ‏لا تكتبوا عني ومن كتب عني غير القرآن فليمحه [/arabic]

رسول اللہ فرما رہے ہیں کہ "نہیں تم لکھو میر طرف سے"
کیا ہم اس کو اس طرح کہہ سکتے ہیں " تم مجھ سے منسوب کرکے نہیں لکھو"

غور کیجئے کہ وہ کسی کو فرما رہے ہیں کہ تم ایسا منسوب نہیں کرو۔
وہ کیا ہے کہ " جس کسی نے میری طرف سے غیر قراںی لکھا"
یعنی " جس کسی نے مچھ سے منسوب کرکے غیر قرآنی لکھا"

مزید نمائش کے لیے کلک کریں۔۔۔

دوست نے کہا:

اختلاف تب پیدا ہوتا ہے جب ایک چیز قرآن میں نہیں ہے اور حدیث رسول ﷺ میں موجود ہے اور علم الحدیث کی رو سے صحیح یا حسن ہے یعنی اس پر اعتماد کیا جاسکتا ہے اور وہ وضاحت یا حکم یا بات موجودہ زمانے یا عقلی لحاظ سے درست نہیں لگتی۔ بس یہاں فاروق سرور خان اور ان جیسے مسلمانوں اور روایتی علماء کے راستے الگ ہوجاتے ہیں۔

مزید نمائش کے لیے کلک کریں۔۔۔

دوست نے کہا:

اول الذکر کتب احادیث کو کتب روایات کا نام دیتے ہیں اور ان پر مذکورہ بالا اعتراضات کرتے ہیں اور موخر الذکر ان کا دفاع کرتے ہیں، ایمان کا حصہ کہتے ہیں اور آخر میں منکر حدیث کا لیبل لگا دیتے ہیں۔

مزید نمائش کے لیے کلک کریں۔۔۔

دوست نے کہا:

میری تو سمجھ میں اس بات کا کوئی حل نہیں کہ اس مسئلے کا کیا حل ہو۔۔

مزید نمائش کے لیے کلک کریں۔۔۔

دوست نے کہا:

میری تو سمجھ میں اس بات کا کوئی حل نہیں کہ اس مسئلے کا کیا حل ہو۔۔

مزید نمائش کے لیے کلک کریں۔۔۔

گرائیں نے کہا:

مکمل تو نہ پڑھ سکا ، مگر جتنا بھی ہو سکا میں نے پڑھا اور مجھے فاروق سرور صاحب نے بہت متا ءثر کیا۔ وقت کی کمی آ ڑے آ رہی ہے، مجھے امید ہے ایک دن میں ان سب پوسٹس کے مطالعے کے بعد ایک رائے دینے کے قابل ہو جاؤں گا۔

فاروق سرور صاحب : خدا کرے زور قلم زیادہ۔

مجھے اتنا لگ رہا ہے کہ ہمارے اذہان میں بچپن سے جو تصورات پختہ ہو چکے ہیں ان اوثان کو اس عمر میں توڑنا بہت مشکل ہے۔

مزید نمائش کے لیے کلک کریں۔۔۔

طالوت نے کہا:

سائیلین یا تو سمجھنا نہیں چاہ رہے یا پھر فاروق سمجھا نہیں پا رہے اور میں اس بحث میں کودنا نہیں چاہ رہا۔۔۔۔۔

مزید نمائش کے لیے کلک کریں۔۔۔