مظفر وارثی نیندوں کا احتساب ہُوا یا نہیں ہُوا

فرحت کیانی

لائبریرین
نیندوں کا احتساب ہُوا یا نہیں ہُوا
سچا کسی کا خواب ہُوا یا نہیں ہُوا

بے داغ کوئی شکل نظر آئی یا نہیں
آئینہ بے نقاب ہُوا یا نہیں ہُوا

لائی گئیں کٹہرے میں کتنی عدالتیں
قانون لاجواب ہُوا یا نہیں ہُوا

جو آج تک کیا گیا احسان کی طرح
اس ظلم کا حساب ہُوا یا نہیں ہُوا

اُس کے بھی دل میں آگ لگی یا نہیں لگی
پتھر بھی آب آب ہُوا یا نہیں ہُوا

پڑھتی ہے جس کتاب کو صدیوں سے زندگی
ختم اس کا کوئی باب ہُوا یا نہیں ہُوا

قدر اہلِ روشنی کی بڑھی یا نہیں بڑھی
ذرہ بھی آفتاب ہُوا یا نہیں ہُوا

انسانیت سے رابطہ کرنے کے باب میں
انسان کامیاب ہُوا یا نہیں ہُوا


کلام : مظفر وارثی
 

باباجی

محفلین
پسندیدگی کے لیے بہت شکریہ۔
اور یہ تو بہت خوش گوار اتفاق ہو گیا۔ بہت عرصے بعد آپ کی کوئی پوسٹ دیکھی۔ کیسے ہیں فراز؟ گھر میں سب خیریت ہے؟ امی اور بھائی کیسے ہیں؟
یہی بات میں بھی کہوں گا کہ بہت عرصے بعد آپ کی پوسٹ نظر سے گزری ☺️
جی الحمدللہ سب خیر خیریت ہے ۔ آپ سنائیے
 

فرحت کیانی

لائبریرین
یہی بات میں بھی کہوں گا کہ بہت عرصے بعد آپ کی پوسٹ نظر سے گزری ☺️
جی الحمدللہ سب خیر خیریت ہے ۔ آپ سنائیے
آپ درست کہہ رہے ہیں۔ کم کم آنا ہوتا ہے اب محفل پر۔
اللہ کا شکر۔ سب ٹھیک ہے۔ اللہ تعالی سب کو حفظ و امان میں رکھے۔ آمین
 

سیما علی

لائبریرین
قدر اہلِ روشنی کی بڑھی یا نہیں بڑھی
ذرہ بھی آفتاب ہُوا یا نہیں ہُوا

انسانیت سے رابطہ کرنے کے باب میں
انسان کامیاب ہُوا یا نہیں ہُوا
بہت عمدہ کلام
بہترین انتخاب بٹیا جیتی رہیے !!!!
شاد و آباد رہیے آمین
ڈھیر سارا پیار و دعائیں!!!!!!!
 
Top