برائے اصلاح : توڑ کر حلقۂ زنجیرِ گماں بولیں گے

ریحان احمد ریحانؔ نے کہا:

سرِ بزمِ بتاں

مزید نمائش کے لیے کلک کریں۔۔۔

سید عاطف علی نے کہا:

مانند کا تلفظ اس طرح ٹھیک نہیں ۔ اسے مفعول کے برابر باندھا جائے ۔

مجھے ایسا لگا کہ بتاں کی جگہ سرِ بزمِ شہاں ہونا چاہیئے ۔

مزید نمائش کے لیے کلک کریں۔۔۔

ریحان احمد ریحانؔ نے کہا:

اے ستم گر تری بیداد گری کا قصہ
ہم اگر چپ بھی رہیں اشکِ رواں بولیں گے

مزید نمائش کے لیے کلک کریں۔۔۔

محمد عبدالرؤوف نے کہا:

یہاں پر "رہے" زیادہ مناسب نہ لگے گا؟

مزید نمائش کے لیے کلک کریں۔۔۔

ریحان احمد ریحانؔ نے کہا:

توڑ کر حلقۂ زنجیرِ گماں بولیں گے
اب یہ دیوانے سرِ بزمِ بتاں بولیں گے
تم سخن فہم ہو سمجھو گے ہمارے دکھ کو
ہم یہاں بھی نہیں بولے تو کہاں بولیں گے!
پیشِ جابر نہ ہو سر خم نہ زباں ہو خاموش
مانند قافلۂ تشنہ لباں بولیں گے
اے ستم گر تری بیداد گری کا قصہ
ہم اگر چپ بھی رہیں اشکِ رواں بولیں گے
ہے یہی رسمِ وفا سنتِ اسلاف بھی ہے
وقت پڑنے پہ سرِ نوکِ سناں بولیں گے
نوعِ انساں کے غموں کا جو مداوا نہ کرے
لوگ اس فن کو فقط کارِ زیاں بولیں گے

شکریہ۔۔
​

مزید نمائش کے لیے کلک کریں۔۔۔

یاسر شاہ نے کہا:

السلام علیکم ریحان بھائی

توڑ کر حلقۂ زنجیرِ گماں بولیں گے
اب یہ دیوانے سرِ بزمِ بتاں بولیں گے
خوب ہے۔
ویسے آپ ہم جیسے مارے شرم کے بزم بتاں میں بھی مشکل ہی سے بولتے ہیں جیسے بزم شہاں میں بول رہے ہوں ۔ہیں نا۔

تم سخن فہم ہو سمجھو گے ہمارے دکھ کو
ہم یہاں بھی نہیں بولے تو کہاں بولیں گے!

واہ ۔

پیشِ جابر نہ ہو سر خم نہ زباں ہو خاموش
مانند قافلۂ تشنہ لباں بولیں گے

مانند کی جگہ "صورت _" کر بھی دیں تو "قافلہ تشنہ لباں "کا شعر میں آگے پیچھے کوئی جواز نہیں مل رہا۔

اے ستم گر تری بیداد گری کا قصہ
ہم اگر چپ بھی رہیں اشکِ رواں بولیں گے

میری نظر میں تو "رہیں" اور "رہے" دونوں درست ہیں البتہ "رہے" زیادہ بہتر ہے کہ زمانے کا ایک تسلسل ہے اس میں جبکہ "رہیں" میں ابھی کی بات ہے بس۔

"قصہ بولیں گے" غیر فصیح ہے۔

ہے یہی رسمِ وفا سنتِ اسلاف بھی ہے
وقت پڑنے پہ سرِ نوکِ سناں بولیں گے
بہت خوب۔

نوعِ انساں کے غموں کا جو مداوا نہ کرے
لوگ اس فن کو فقط کارِ زیاں بولیں گے

بہت اچھا۔ما شاء اللہ

مزید نمائش کے لیے کلک کریں۔۔۔

زوجہ اظہر نے کہا:

بہت خوب

مزید نمائش کے لیے کلک کریں۔۔۔