100 واں یوم ولادت ۔۔۔۔ عبدالحئی ساحر لدھیانوی ۔۔

محمد عبدالرؤوف نے کہا:

تاج محل

تاج تیرے لیے اک مظہرِ الفت ہی سہی
تجھ کو اس وادیِٔ رنگیں سے عقیدت ہی سہی
میری محبوب کہیں اور ملا کر مجھ سے

بزمِ شاہی میں غریبوں کا گزر کیا معنی
ثبت جس راہ میں ہوں سطوتِ شاہی کے نشاں
اس پہ الفت بھری روحوں کا سفر کیا معنی

میری محبوب پسِ پردہ تشہیرِ وفا
تو نے سطوت کے نشانوں کو تو دیکھا ہوتا
مردہ شاہوں کے مقابر سے بہلنے والی
اپنے تاریک مکانوں کو تو دیکھا ہوتا

ان گنت لوگوں نے دنیا میں محبت کی ہے
کون کہتا ہے کہ صادق نہ تھے جذبے ان کے
لیکن ان کے لیے تشہیر کا سامان نہیں
کیونکہ وہ لوگ بھی اپنی ہی طرح مفلس تھے

یہ عمارات و مقابر یہ فصیلیں یہ حصار
مطلق الحکم شہنشاہوں کی عظمت کے ستوں
سینۂِ دہر کے ناسور ہیں کہنہ ناسور
جذب ہے ان میں ترے اور مرے اجداد کا خوں

میری محبوب انہیں بھی تو محبت ہوگی
جن کی صناعی نے بخشی ہے اسے شکلِ جمیل
ان کے پیاروں کے مقابر رہے بے نام و نمود
آج تک ان پہ جلائی نہ کسی نے قندیل

یہ چمن زار یہ جمنا کا کنارہ یہ محل
یہ منقش در و دیوار یہ محراب یہ طاق
اک شہنشاہ نے دولت کا سہارا لے کر
ہم غریبوں کی محبت کا اڑایا ہے مذاق

میری محبوب کہیں اور ملا کر مجھ سے

مزید نمائش کے لیے کلک کریں۔۔۔

فاخر نے کہا:

آج اردو کے عظیم شاعر ساحر لدھیانوی کی 100 ویں یومِ ولادت ہے۔ مجھے ساحر بطور نغمہ نگار اور شاعر پسند بھی ہیں۔ لیکن تاج محل کے متعلق یہ نظم مجھے پسند نہیں ہے۔ تاج محل عشق و محبت کی لازوال نشانی ہے، اسے اس طرح تحقیر اور کم نظری کی نظر سے نہیں دیکھنا چاہیے، یہ عشق کی توہین ہے۔میری نظر میں آپ تاج محل کی تعریف نہیں کرسکتے، نہ کریں، کم سے کم اس طرح اس کی توہین بھی نہ کریں۔ یہ قسمت قسمت کی بات ہے کہ کسی شاہجہاں کو ’’تاج محل‘‘ بنانے کی توفیق مل جاتی ہے، تو کوئی اس توفیق سے تہی دامن رہتا ہے۔

مزید نمائش کے لیے کلک کریں۔۔۔

مومن فرحین نے کہا:

شاعر بے باک کہ جس کے لہجے میں تلخیاں بولتی تھیں پر آج بھی اس کے گیتوں کی مٹھاس لوگوں کے دلوں میں موجود ہے ۔۔۔
100 واں یوم ولادت کے موقع پر ۔۔۔

مانا کہ اس زمیں کو نہ گلزار کر سکے
کچھ خار کم تو کر گئے گزرے جدھر سے ہم

مزید نمائش کے لیے کلک کریں۔۔۔

محمد عبدالرؤوف نے کہا:

اک شہنشاہ نے دولت کا سہارا لے کر
ہم غریبوں کی محبت کا اڑایا ہے مذاق

مزید نمائش کے لیے کلک کریں۔۔۔

محمّد احسن سمیع :راحل: نے کہا:

جاتے جاتے شہنشاہ کا جواب بھی سنتے جائیں
وہ فرماتے ہیں
ہم شہنشاہ ہیں، دولت کا سہارا لیں گے
تیری ’’ہٹتی‘‘ ہے ہٹے، کٹ لے یہاں سے بیٹا

مزید نمائش کے لیے کلک کریں۔۔۔

محمّد احسن سمیع :راحل: نے کہا:

جاتے جاتے شہنشاہ کا جواب بھی سنتے جائیں
وہ فرماتے ہیں
ہم شہنشاہ ہیں، دولت کا سہارا لیں گے
تیری ’’ہٹتی‘‘ ہے ہٹے، کٹ لے یہاں سے بیٹا

مزید نمائش کے لیے کلک کریں۔۔۔

سیما علی نے کہا:

کبھی کبھی

کبھی کبھی مرے دل میں‌یہ خیال آتا ہے

کہ زندگی تری زلفوں کی نرم چھاؤں میں
گزرنے پاتی تو شاداب ہو بھی سکتی تھی
یہ تیری جو مری زیست کا مقدر ہے
تری نظر کی شعاعوں میں کھو بھی سکتی تھی

عجب نہ تھا کہ میں بیگانہ الم رہ کر
ترے جمال کی رعنائیوں میں‌کھو رہتا
ترا گداز بدن، تیری نیم باز آنکھیں
انہی حسین فسانوں‌ میں‌ محو ہو رہتا

پکارتیں مجھے جب تلخیاں زمانے کی!
ترے لبوں‌سے حلاوت کے گھونٹ پی لیتا
حیات چیختی پھرتی برہنہ سر اور میں
گھنیری زلفوں‌کے سائے میں چھپ کے جی لیتا

مگر یہ ہو نہ سکا اور اب یہ عالم ہے
کہ تو نہیں، ترا غم، تیری جستجو بھی نہیں
گزر رہی ہے کچھ اس طرح زندگی جیسے
اسے کسی کے سہارے کی آرزو بھی نہیں

زمانے بھر کے دکھوں‌ کو لگا چکا ہوں‌گلے
گزر رہا ہوں کچھ انجانی راہگزاروں سے
مہیب سائے مری سمت بڑھتے چلے آتے ہیں
حیات و موت کے پر ہول خارزاروں سے

نہ کوئی جادہ، نہ منزل، نہ روشنی کا سراغ
بھٹک رہی ہے خلاؤں میں زندگی میری
انہی خلاؤں میں‌رہ جاؤں گا کبھی کھو کر
میں جانتا ہوں‌مری ہم نفس مگر یونہی

کبھی کبھی مرے دل میں‌ خیال آتا ہے

مزید نمائش کے لیے کلک کریں۔۔۔