تمام تر باتوں سے متفق ہوں۔
اور آپ کی ان باتوں کے تناظر میں مجھے یہ بات تسلیم کرنے میں عار نہیں ہے کہ سرکاری اداروں کی غیر فعالیت (نا اہلی) کی موجودگی میں پرائیویٹ ادارے غنیمت ہیں۔
اگ ایسا ہے تو یہ بہت اچھی بات ہے۔
خود میں نے چھٹی جماعت سے دسویں جماعت تک گورنمنٹ اسکول میں پڑھا۔ اور وہ اُس وقت بہت اچھا اسکول تھا اور مجھے اُس اسکول سے پڑھنے پر کبھی ندامت نہیں ہوئی۔
بہرکیف ہماری گفتگو موضوع سے بالکل ہٹ گئی ہے۔ ایسا نہ ہو کہ منتظمین یہ سوچیں کہ "رکھیں یا پھینکیں"۔
درست!
ابھی میں آپ سے گذارش کرنے کو ہی تھی کہ آپ نے یہ دھاگہ کھول دیا ۔ شکریہ
ہوسکتا ہے کہ آپ کی تمام باتیں درست ہوں کہ ہر شخص کے اپنے اپنے تجربات اس کو ایک مخصوص سوچ تک لے جاتے ہیں ۔ مگر مجھے ایسا کہنے کی اجازت دیجیے کہ اسکولز کے انتخاب میں عموما والدین اپنے بچوں کے مستقبل کو مدنظر رکھتے ہوئے اس زمانے میں جو بھی بہترین میسر ہو دینے کی کوشش کرتے ہیں ۔ آج کل کون اپنے بچوں کو سرکاری اسکولوں میں ڈال سکتا ہے ؟
یہ بات صد فی صد درست ہے مگر یہ حکومت کا ذمہ ہے عوام کیا کر سکتی ہے ۔ صرف سرکاری اداروں ہی سے مستفید ہونے کی پابندی ظاہر ہے حکومت قانونی طور پر ہی لگا سکتی ہے ۔ مگر اس کے لیے حکومت کو اسکولوں کو ٹھیک کرنا ہو گا،قانون سازی کرنا ہو گی، بالفاظ دیگر کام کرنا ہو گا جس کا فی الحال ہمارے صوبے میں تو کوئی امکان نہیں ہے یعنی حکومت کا کوئی ارادہ نہیں ۔ اٹھارویں ترمیم کے باعث۔
جب تک ان اداروں کا حصہ نہ بنا جائے ایسے خیالات آ سکتے ہیں ۔ سفید پوش طبقہ ہونا ایک بات اور احمق ہونا دوسری بات ہے ۔ بچوں کی تعلیم و تربیت میں پیسے کا درست استعمال کرنا کوئی برائی نہیں ۔ ہم لوگ آئے دن باہر کے مہنگے کھانے اور بے جا خریداری پر اپنا پیسا اڑانے کو بالکل غلط نہیں سمجھتے ۔ یہی پیسہ تعلیم پر لگایا جائے تو کیا مضائقہ ہے ۔
جی بنیادی طور یہ کاروباری ادارے ہیں ۔ آپ کی بات درست ہے ۔ پر سرکاری اسکولوں کے اساتذہ سے بھی ملیے اور ان کے سربراہان سے بھی ۔ ان کی قابلیت دیکھیے تو لگ پتہ جائے گا ۔ اسکولوں میں واش روم تک تو نہیں ۔ اساتذہ اول تو آتے نہیں آتے ہیں تو گائڈ بکس وغیرہ سے پڑھا دیتے ہیں ۔ ہماری ماسی کی بچی ساتویں جماعت میں تھی اور صحیح سے اردو تک نہ آتی تھی ۔ اب ماسی نے اسکول سے نکال کر اپنے ساتھ ہی کام پر لگا لیا ہے ۔ اس کا کہنا ہے کہ ٹیچرز آتے ہی نہیں ۔ یہ حال ہے ۔
اب دنیا ایک گلوبل ولیج بن گئی ہے اور حقائق ایک کلک کی نوک پر ہیں ۔ ہم یہاں سے پڑھ کو جب غیر ممالک میں کامیاب زندگی گذار سکتے ہیں، اس ملک کو سمجھ سکتے ہیں ، اپنا کردار ادا کر سکتے ہیں (اپنے بہن بھائی کی بات کر رہی ہوں) تو پاکستان میں کیوں نہیں کر سکتے ۔ایک بڑے لیول کی تحقیق جس میں ایک صحیح سیمپلیگ لی گئی ہو زیادہ حقیقی نتائج دے سکتی ہے ۔ ان اسکولوں کو بند کرنے کا طریقہ صرف یہ ہے کہ ان سے بہتر تعلیمی نظام لایا جائے تو یہ آپ اپنی موت مر جائیں گے ۔ ایک زمانے میں سرکاری اسکولوں کا ہی راج تھا اور لوگ ان میں سے نکل کر ہر بڑے ادارے کے اعلیٰ افسران تھے ۔ مگر اس وقت سرکاری اسکولوں کا ایسا حشر نشر نہیں تھا ۔آپ نے بجا فرمایا کہ یہ ایک طویل بحث ہے ۔
کاش کہ وہ بہتری واقعی فائدہ مند ہوتی بچوں کے لئیے۔۔۔۔۔ پھر تو میں کہتی بھی کہ واقعی یہ جستجو غلط نہیں۔۔۔۔
وضاحت؟
بہت سے پوائنٹس ہیں لیکن فلحال ایک ہی لکھوں گی: پاکستان میں بہت سے نجی سکولوں نے تعلیمی اداروں کا جال بچھایا ہوا ہے (حقیقتاً). ایک سکول جوکہ لاہور کراچی اسلام آباد یا ملک کے کسی بڑے شہر میں ہے وہی سکول ایک چھوٹے قصبے میں بھی ہے۔۔۔۔ جتنی فیس شہر والے لے رہے ہیں، جتنی "کھپ" انہوں نے ڈالی ہوئی والدین کو اتنی ہی دوم ذکر سکول لے رہا ہے کیونکہ انتظامیہ تو ایک ہی ہے (فیس لینے کے معاملے میں)... لیکن جب آپ تعلیمی میعار پر آئیں گے تو انہی دو اداروں کے بچوں کو سائڈ بائے سائڈ کھڑا کرنے پر آپ کو واضح فرق محسوس ہوگا اس تمام "تعلیم" میں جو کنوے کی گئی۔۔۔۔ کیونکہ "تعلیم" کامپرومائزڈ ہے۔۔۔۔۔ فائننشل سسٹم ایک ہی مگر ایجوکیشنل سسٹم میں زمین آسمان کا فرق ہے۔۔۔۔ اور یہ بات میں اپنے تجربے سے کہہ رہی ہوں۔
قانونی طور پر تو شاید نہ ہو تاہم سرمایہ دارانہ نظام کا سماجی فلاح و بہبود کو خاطر میں نہ لاتے ہوئے صرف منافع کی جستجو میں رہنا کم از کم میرے نزدیک تو کسی طرح بھی قابلِ تعریف نہیں ہے۔
جب تک کسی ادارے کی فرسٹ ہینڈ نالج نہ ہو اس وقت تک اس کے بارے میں لوگ ابہام کا شکار ہی رہتے ہیں ۔ سب کچھ اگرچہ اچھا نہیں مگر ایسا غلط بھی نہیں ۔ سوائے اس کے کہ یہ کاروباری اادارے ہیں فلاحی نہیں ۔ ہر پرائیویٹ ادارے میں ایسا ہی ہے کہ وہ منافع کو ترجیع دیتے ہیں ۔ ایک برگر ٹھیلے پر 50 روپے کا دستاب ہے اور فاسٹ فوڈ آؤٹ لیٹ پر 500- 600 تک کا بھی ۔ مگر کس کس چیز کا فرق ہے سب جانتے ہیں ۔ اگر سرکاری ادارے اس نہج تک نہ پہنچ جاتے تو لوگ کیوں اپنے ریسورسز کا بڑا حصہ تعلیم پر لگاتے ۔ اس کا آسان حل یہی ہو سکتا ہے کہ جو جس طرح مطمئن ہو ویسا ہی ادارہ منتخب کر لے اپنے بچوں کے لیے ۔
پھر کیا کیا جائے ؟
آپکی بات اپنی جگہ درست ہے۔۔۔۔ لیکن یہ بھی دیکھیے کہ چھوٹے قصبوں وغیرہ میں یہ صورتحال کتنی خراب ہے کہ والدین "نسبتاً" بہتر ماحول کے لئیے اتنا ہی پے کر رہے ہیں۔۔۔۔۔ یعنی وہ مجبور ہیں ایسی صورتحال میں۔۔۔
پبلک سکولز کا معیار ہی بہتر بنانے کی ضرورت ہے. گلی گلی میں کھلے نجی تعلیمی اداروں کا معیار کچھ اتنا خاص نہیں کہ ان کے حق میں آواز بلند کی جائے. سکولز بڑے پیمانے پر تمام نصابی و غیر نصابی ضروریات کو مدنظر رکھتے ہوئے بنائے جانے چاہیئیں۔ دوسرا یہ کہ انٹرنیٹ کے دور میں خود آموزی یعنی سیلف لرننگ کی طرف زیادہ توجہ دی جانی چاہیے۔
کسی پرائیوٹ سکول کا معیار منافع کی جستجو کی وجہ سے ہی بہتر ہوتا ہے۔
یہ جستجو وہ بھوک ہے جو کبھی ختم نہیں ہوتی۔۔۔۔ اور رہی بات میعار کی تو اللہ کہ نیک بندو موجودہ منافع پر بھی تو کوئی بہتری نظر آئے نا!!! کہ بس جستجو اور منافع کی گیم رہے گی اور میعار محض ایک ایسا گول جو کبھی ایچیو نہ ہو۔۔۔۔۔۔۔
اگر پرائیوٹ سکول کا معیار آپ کو نسبتاً بہتر محسوس نہ ہوتا تو آپ اس کی فیس کیوں ادا کرتیں؟
