وقت برباد میں نہیں کرتا : غزل براہ اصلاح

اشرف علی نے کہا:

اک کمٹمنٹ کر لی تھی ورنہ
اس کو آزاد میں نہیں کرتا

مزید نمائش کے لیے کلک کریں۔۔۔

اشرف علی نے کہا:

ہے نا یہ بھی خوشی کی بات کہ اب
خود کو ناشاد میں نہیں کرتا

مزید نمائش کے لیے کلک کریں۔۔۔

اشرف علی نے کہا:

جب تک اشرف نہ دے توجہ سب
کچھ بھی ارشاد میں نہیں کرتا

مزید نمائش کے لیے کلک کریں۔۔۔

محمّد احسن سمیع :راحل: نے کہا:

بھائی، اگرچہ میں خود ’’اردو شاعری‘‘ میں انگریزی الفاظ ’’گھسیڑنے‘‘ کا مرتکب رہا ہوں ۔۔۔ مگر اب اس عمل سے تقریباً رجوع کر لیا ہے
بہتر یہی ہوگا کہ کمٹمنٹ کی جگہ اردو کا ہی کوئی لفظ لائیں۔


نا بطور کلمۂ اصرار مجھے کسی فقرے کے آخر میں ہی مناسب لگتا ہے۔


پہلے مصرعے میں دے کے بجائے دیں کا محل ہے۔
دوسرے یہ کہ خود اپنے بارے میں ’’ارشاد کرنا‘‘ کہنا تعلّی کے زمرے میں آئے گا، جس کو اچھا اسلوب نہیں سمجھا جاتا۔

باقی کے اشعار مجھے تو ٹھیک لگ رہے ہیں۔

مزید نمائش کے لیے کلک کریں۔۔۔

اشرف علی نے کہا:

بہت بہت شکریہ سر آپ نے اتنی ساری اہم باتیں بتائی _ آئندہ ان باتوں کی روشنی میں شعر کہنے کی کوشش کروں گا _ جزاک اللّٰہ خیراً

ان اشعار کو دیکھ لیں سر اور براہ مہربانی اصلاح فرما دیں ...

یاد اک عہد آ گیا ورنہ
تجھ کو آزاد میں نہیں کرتا

کیا نہیں یہ خوشی کی بات کہ اب
خود کو ناشاد میں نہیں کرتا

حکم اشرف تِرا نہ ہوتا تو
کچھ بھی ارشاد میں نہیں کرتا

مزید نمائش کے لیے کلک کریں۔۔۔

الف عین نے کہا:

پہلے دونوں اشعار تو درست ہو گئے ہیں لیکن مقطع اب بھی۔ روانی بھی اچھی نہیں اور 'ارشاد' تو اب بھی ہے ہی جس پر عزیزی راحل نے اعتراض کیا تھا.( میں ایسی باتوں کو شاعر پر چھوڑ دیتا ہوں)

مزید نمائش کے لیے کلک کریں۔۔۔

الف عین نے کہا:

پہلے دونوں اشعار تو درست ہو گئے ہیں لیکن مقطع اب بھی۔ روانی بھی اچھی نہیں اور 'ارشاد' تو اب بھی ہے ہی جس پر عزیزی راحل نے اعتراض کیا تھا.( میں ایسی باتوں کو شاعر پر چھوڑ دیتا ہوں)

مزید نمائش کے لیے کلک کریں۔۔۔

اشرف علی نے کہا:

اب دیکھیں سر ! ان دونوں میں سے کیا کوئی مقطع ٹھیک ہے ؟

اشرف اس کے خیالوں سے بھی اب
خلوت آباد میں نہیں کرتا

ہے وہ عادل اسی لیے اشرف
داد بیداد میں نہیں کرتا

مزید نمائش کے لیے کلک کریں۔۔۔

الف عین نے کہا:

خلوت آباد پسند آئی ترکیب، لیکن پہلے مصرع میں خیالوں کی 'وں' کا اسقاط اچھا نہیں۔ اس کی بجائے یادوں استعمال کیا جائے۔

مزید نمائش کے لیے کلک کریں۔۔۔

الف عین نے کہا:

مقطع تو ٹھیک ہو گیا لیکن مطلع مجھے پرانا ہی بہتر لگ رہا ہے

مزید نمائش کے لیے کلک کریں۔۔۔

اشرف علی نے کہا:

پھر ٹھیک ہے سر
پرانا مطلع ہی رکھ لیتا ہوں
اصلاح و رہنمائی کے لیے میں تہہِ دل سے آپ کا اور محترم راحل صاحب کا شکر گزار ہوں

غزل (اصلاح کے بعد دوبارا)

وقت برباد میں نہیں کرتا
اب اسے یاد میں نہیں کرتا

تجھ سے ملنے کی تجھ کو پانے کی
کوئی فریاد میں نہیں کرتا

یاد اک عہد آ گیا ورنہ
تجھ کو آزاد میں نہیں کرتا

کیا نہیں یہ خوشی کی بات کہ اب
خود کو ناشاد میں نہیں کرتا

اس کی یادوں سے بھی اب اے اشرف
خلوت آباد میں نہیں کرتا

مزید نمائش کے لیے کلک کریں۔۔۔