برائے اصلاح: شام سے پہلے

محترم الف عین صاحب
محترم محمّد احسن سمیع :راحل: صاحب
اور دیگر اساتذہ کرام سے اصلاح کی التماس ہے

تری یادیں سجاتا ہوں سرورِ شام سے پہلے
پھراُن میں ڈوب جاتا ہوں میں پہلے جام سے پہلے

مرے بھی نام کو شاید کوئی توقیر مل جائے
تمہارا نام جب آئے گا میرے نام سے پہلے

میں قاصر ہوں سمجھنے سے کہ محوِ گفتگو ہو تم
یا میرے روبرو ہے چاند کوئی شام سے پہلے

ہے جاری کر دیا مُلّا نے مجھ پر شرک کا فتویٰ
کہ تیرا نام لیتا ہوں میں ہر اک کام سے پہلے

میں اس سے اب نہیں ملتا کہ آخر چھوڑ جائے گا
میں روزے رکھ رہا ہوں آمدِ صیام سے پہلے

اندھیرے گھیر لیں گے ہجر وغم کی رات آنے تک
کھڑا ہوں گرد میں ، میں گردشِ ایام سے پہلے

تمہارے عشق میں ڈوبا تو پھر ملزم وُہ کہلایا
ہمارے شہر کا قاضی تھا جو ،الزام سے پہلے

مجھے کیا کر سکے گا قید وُہ، عیار دُنیا میں
یہاں تو سَو بچھے ہیں دام اس کے دام سے پہلے

اڑا کر لے گئی مقبول سب تقدیر کی آندھی
الٹ کر رہ گئیں تدبیریں سب انجام سے پہلے

تری یادیں سجاتا ہوں سرورِ شام سے پہلے
پھراُن میں ڈوب جاتا ہوں میں پہلے جام سے پہلے
.. درست، اگرچہ یادیں سجانے کا مے نوشی سے تعلق نہیں بنا

مرے بھی نام کو شاید کوئی توقیر مل جائے
تمہارا نام جب آئے گا میرے نام سے پہلے
... پہلا مصرع تمنائی ہے، دوسرا بھی اسی صیغے میں رکھو
تمہارا نام آ جائے جو میرے..
تمہارا نام جب آ جائے میرے..

میں قاصر ہوں سمجھنے سے کہ محوِ گفتگو ہو تم
یا میرے روبرو ہے چاند کوئی شام سے پہلے
... دوسرا مصرع 'یا' کی الف کے اسقاط کی وجہ سے روانی متاثر لگتی ہے۔ 'کہ' کیسا رہے گا؟ رو برو یا سامنے، دونوں الفاظ کی روانی پر بھی غور کرو

ہے جاری کر دیا مُلّا نے مجھ پر شرک کا فتویٰ
کہ تیرا نام لیتا ہوں میں ہر اک کام سے پہلے
.. ہے کر دیا اچھا نہیں، کچھ الفاظ بدلو
اک کام میں بھی تنافر ہے، محض 'ہر کام' لانے کی کوشش کرو

میں اس سے اب نہیں ملتا کہ آخر چھوڑ جائے گا
میں روزے رکھ رہا ہوں آمدِ صیام سے پہلے
... صیام کا تلفظ بحر میں نہیں آتا

اندھیرے گھیر لیں گے ہجر وغم کی رات آنے تک
کھڑا ہوں گرد میں ، میں گردشِ ایام سے پہلے
... واضح نہیں ہوا، میں میں بھی بکری کی آواز لگتی ہے

تمہارے عشق میں ڈوبا تو پھر ملزم وُہ کہلایا
ہمارے شہر کا قاضی تھا جو ،الزام سے پہلے
.. درست

مجھے کیا کر سکے گا قید وُہ، عیار دُنیا میں
یہاں تو سَو بچھے ہیں دام اس کے دام سے پہلے
... ٹھیک

اڑا کر لے گئی مقبول سب تقدیر کی آندھی
الٹ کر رہ گئیں تدبیریں سب انجام سے پہلے
.. واضح نہیں ہوا

محترم الف عین صاحب

بہت شُکریہ

الف عین نے کہا:

تری یادیں سجاتا ہوں سرورِ شام سے پہلے
پھراُن میں ڈوب جاتا ہوں میں پہلے جام سے پہلے
.. درست، اگرچہ یادیں سجانے کا مے نوشی سے تعلق نہیں بنا

مزید نمائش کے لیے کلک کریں۔۔۔

سر، ڈوبنا تو شراب میں تھا لیکن یادیں شراب سے بھی زیادہ نشہ آور ثابت ہوئیں۔ شراب کی میز سجانا وغیرہ بھی کہا جاتا ہے شاید۔

الف عین نے کہا:

مرے بھی نام کو شاید کوئی توقیر مل جائے
تمہارا نام جب آئے گا میرے نام سے پہلے
... پہلا مصرع تمنائی ہے، دوسرا بھی اسی صیغے میں رکھو
تمہارا نام آ جائے جو میرے..
تمہارا نام جب آ جائے میرے..

مزید نمائش کے لیے کلک کریں۔۔۔

“تمہارا نام آ جائے جو۔۔۔۔” کر دیا ہے

الف عین نے کہا:

میں قاصر ہوں سمجھنے سے کہ محوِ گفتگو ہو تم
یا میرے روبرو ہے چاند کوئی شام سے پہلے
... دوسرا مصرع 'یا' کی الف کے اسقاط کی وجہ سے روانی متاثر لگتی ہے۔ 'کہ' کیسا رہے گا؟ رو برو یا سامنے، دونوں الفاظ کی روانی پر بھی غور کرو

مزید نمائش کے لیے کلک کریں۔۔۔

سر، پہلے مصرعے میں “یہ” اور دوسرے میں “کہ” کر دیا ہے

میں قاصر ہوںںسمجھنے سے یہ محوِ گفتگو ہو تم
لہ میرے سامنے ہے چاند کوئی شام سے پہلے

الف عین نے کہا:

ہے جاری کر دیا مُلّا نے مجھ پر شرک کا فتویٰ
کہ تیرا نام لیتا ہوں میں ہر اک کام سے پہلے
.. ہے کر دیا اچھا نہیں، کچھ الفاظ بدلو
اک کام میں بھی تنافر ہے، محض 'ہر کام' لانے کی کوشش کرو

مزید نمائش کے لیے کلک کریں۔۔۔

یہ دیکھیے
لگایا کہہ کے یہ مُلّا نے مجھ پر شرک کا فتویٰ
کہ میں کیوں نام لیتا ہوں تِرا ہر کام سے پہلے

الف عین نے کہا:

میں اس سے اب نہیں ملتا کہ آخر چھوڑ جائے گا
میں روزے رکھ رہا ہوں آمدِ صیام سے پہلے
... صیام کا تلفظ بحر میں نہیں آتا

مزید نمائش کے لیے کلک کریں۔۔۔

شعر بدل دیا ہے
میں اس کےساتھ چلناچاہتا تھا دن قیامت تک
وُہ جس نے چھوڑ جانا تھا مجھے دو گام سے پہلے

الف عین نے کہا:

اندھیرے گھیر لیں گے ہجر وغم کی رات آنے تک
کھڑا ہوں گرد میں ، میں گردشِ ایام سے پہلے
... واضح نہیں ہوا، میں میں بھی بکری کی آواز لگتی ہے

مزید نمائش کے لیے کلک کریں۔۔۔

ہا ہا ہا ہا۔ سر، میرے جیسا بندہ مشکل میں بکری ہو جاتا ہے

اب دیکھیے

مجھے ماریں گےاندیشے شبِ ہجراں کے آنے تک
میں مقتل میں کھڑا ہوں گردشِ ایام سے پہلے

الف عین نے کہا:

اڑا کر لے گئی مقبول سب تقدیر کی آندھی
الٹ کر رہ گئیں تدبیریں سب انجام سے پہلے
.. واضح نہیں ہوا

مزید نمائش کے لیے کلک کریں۔۔۔

یہ دیکھیے

اڑا کر لے گئی مقبول سب تقدیر کی آندھی
مرے منصوبے اپنے منطقی انجام سے پہلے

باقی تو درست ہو گئے ہیں

میں اس کےساتھ چلناچاہتا تھا دن قیامت تک
وُہ جس نے چھوڑ جانا تھا م، جھے دو گام سے پہلے
محض قافیہ پیمائی لگتا ہے، 'جس کو چھوڑ جانا تگا' اردو محاورہ ہے۔ 'دن قیامت' بے معنی ترکیب ہے
اڑا کر لے گئی مقبول سب تقدیر کی آندھی
مرے منصوبے اپنے منطقی انجام سے پہلے
منطقی انجام کچھ زیادہ ہی منطقی اور فلسفیانہ ہو گیا، کچھ اور کہہ سکو یہ مصرع تو بہتر ہے

محترم الف عین صاحب

سر، اب دیکھیے

ہوا برباد میں اس بار بھی تقدیر کے ہاتھوں
کسی کا ہو گیا کوئی مرے پیغام سے پہلے

میں اس کے ساتھ چلنا چاہتا تھا عمر بھرمقبول
وُہ جس کو چھوڑ جانا تھا مجھے دو گام سے پہلے

یہ مقطع میں نے ذاتی مشاہدہ کی بنیاد پر کہا ہے۔ کافی لوگ اس صورتِ حال سے دو چار ہوتے دیکھے ہیں، خاص طور پر یونیورسٹیز کے سٹوڈنٹس

مقبول نے کہا:

یہ مقطع میں نے ذاتی مشاہدہ کی بنیاد پر کہا ہے۔ کافی لوگ اس صورتِ حال سے دو چار ہوتے دیکھے ہیں، خاص طور پر یونیورسٹیز کے سٹوڈنٹس

مزید نمائش کے لیے کلک کریں۔۔۔

منصوبوں والا؟ یا پھر دوگام والا؟؟؟

محمّد احسن سمیع :راحل: نے کہا:

منصوبوں والا؟ یا پھر دوگام والا؟؟؟

مزید نمائش کے لیے کلک کریں۔۔۔

جناب محمّد احسن سمیع :راحل: صاحب

دوگام والا یونیورسٹی سٹوڈنٹس کے لیے
منصوبوں والا ہر خاص و عام کے لیے (پتہ نہیں رونے والا ایموجی یہی ہے یا کوئی اور)

آپ نے سوال پوچھا ہے لیکن اصلاح نہیں فرمائی

مقبول نے کہا:

محترم الف عین صاحب

سر، اب دیکھیے

ہوا برباد میں اس بار بھی تقدیر کے ہاتھوں
کسی کا ہو گیا کوئی مرے پیغام سے پہلے

میں اس کے ساتھ چلنا چاہتا تھا عمر بھرمقبول
وُہ جس کو چھوڑ جانا تھا مجھے دو گام سے پہلے

یہ مقطع میں نے ذاتی مشاہدہ کی بنیاد پر کہا ہے۔ کافی لوگ اس صورتِ حال سے دو چار ہوتے دیکھے ہیں، خاص طور پر یونیورسٹیز کے سٹوڈنٹس

مزید نمائش کے لیے کلک کریں۔۔۔

محترم الف عین صاحب

سر، یہ دو اشعار آپ کی توجہ کے منتظر ہیں۔ شُکریہ

مقطع قبول کیا جا سکتا ہے اگرچہ مکمل واضح نہیں۔ لیکن دوسرا شعر بہت مبہم ہے۔ تمہاری گفتگو کے بعد میں تو سمجھ چکا ہوں کہ پیغام سے مراد شادی کا پیام ہے۔ لیکن اور کوئی بغیر سیاق و سباق کے پہنچ نہیں سکے گا، اور معلوم نہیں کہ میں بھی درست ابلاغ کر سکا ہوں؟

الف عین نے کہا:

مقطع قبول کیا جا سکتا ہے اگرچہ مکمل واضح نہیں۔ لیکن دوسرا شعر بہت مبہم ہے۔ تمہاری گفتگو کے بعد میں تو سمجھ چکا ہوں کہ پیغام سے مراد شادی کا پیام ہے۔ لیکن اور کوئی بغیر سیاق و سباق کے پہنچ نہیں سکے گا، اور معلوم نہیں کہ میں بھی درست ابلاغ کر سکا ہوں؟

مزید نمائش کے لیے کلک کریں۔۔۔

محترم الف عین صاحب

سر، پہلا شعر بدل دیا ہے اور مقطع کا پہلا مصرعہ بھی بہتر کرنے کی کوشش کی ہے۔ یہ دیکھیے

مجھے بھی سوچناہے میں کروں گا کیا جدا ہو کر
کرو گے تم بھی کیا یہ سوچ لو آرام سے پہلے

میں سمجھا زندگی بھر کا مرا ہمراہی تھا مقبول
وُہ جس کو چھوڑ جانا تھا مجھے دو گام سے پہلے

اصل میں دو گام ہی حلق سے اترنے میں مشکل ہو رہی ہے
پھر ہمراہی کی ی کا اسقاط گوارا نہیں، اس سے بہتر تو یوں کہو
میں سمجھا تھا کہ میرا ساتھ دے گا عمر بھر مقبول

الف عین نے کہا:

اصل میں دو گام ہی حلق سے اترنے میں مشکل ہو رہی ہے
پھر ہمراہی کی ی کا اسقاط گوارا نہیں، اس سے بہتر تو یوں کہو
میں سمجھا تھا کہ میرا ساتھ دے گا عمر بھر مقبول

مزید نمائش کے لیے کلک کریں۔۔۔

محترم الف عین صاحب

سر، دو گام کو مطلب دو قدم نہیں ہے کیا؟

اگر آپ کہتے ہیں تو مقطع تبدیل کرنے کی کوشش کرتا ہوں۔

حکم کیجیے

دو گام تو درست ہے، دو گام سے پہلے؟

الف عین نے کہا:

دو گام تو درست ہے، دو گام سے پہلے؟

مزید نمائش کے لیے کلک کریں۔۔۔

محترم الف عین صاحب
جی، سر۔ اگر دوگام کو لفظی معنوں میں لیا جائے اور دو قدم کو حقیقی دو قدم سمجھا جائے تو “دو گام سے پہلے” کی اتنی سینس نہیں بنتی۔
میرے ذہین میں آ رہا ہے (ہو سکتا ہے میں غلط ہوں) کہ دو قدم کو کم فاصلے کے اظہار کے لیے محاورتاً بھی شاید استعمال کیا جاتا ہے ۔ مثلاً؛

۱- قریب کے سکول کے لیے کہا جا سکتا ہے کہ “فلاں سکول ہمارے گھر سے دو قدم پر ہے”
۲- اگر مختصر سیر کرنی ہو تو کہا جاتا ہے “ دو قدم چل لیتے ہیں”

تو اس لحاظ سے “دو گام سے پہلے” کو کیا بہت کم فاصلے کے طور پر لیا جا سکتا ہے؟ آپ کا کیا خیال ہے؟ اگر آپ سمجھتے ہیں کہ ایسا نہیں ہے تو پھر اس شعر کو نکال دیں گے

مقطع کا ایک اور متبادل دیکھیے لیکن اس سے شام کے قافیہ والے تین اشعار ہو جائیں گے

وُہ سورج ہے جلانے پر بھی قادر ہے مگر مقبول
سوا نیزے سے ہٹنا ہے اسے بھی شام سے پہلے

دو گام والا شعر بھی قبول کیا جا سکتا ہے لیکن ابہام بہر حال رہے گا،
شام والا نیا شعر اچھا ہے، اسے رکھو۔ غزل میں زیادہ اشعار ہوں تو ایک ہی قافیے کے دو تین اشعار بھی چل سکتے ہیں۔ مگر درمیان میں فاصلہ دینا ضروری ہے۔

الف عین نے کہا:

دو گام والا شعر بھی قبول کیا جا سکتا ہے لیکن ابہام بہر حال رہے گا،
شام والا نیا شعر اچھا ہے، اسے رکھو۔ غزل میں زیادہ اشعار ہوں تو ایک ہی قافیے کے دو تین اشعار بھی چل سکتے ہیں۔ مگر درمیان میں فاصلہ دینا ضروری ہے۔

مزید نمائش کے لیے کلک کریں۔۔۔

محترم الف عین صاحب
جی، بہتر

بہت بہت شکریہ