لائبریری کے لیے اعزازت

نبیل

تکنیکی معاون
السلام علیکم،
کئی روز سے اس دھاگے میں شراکت کا ارادہ تھا لیکن اس میں مصروفیت کے باعث تاخیر ہوتی رہی۔ شمشاد بھائی بھی یاد دہانی کراتے رہے۔

اردو لائبریری پراجیکٹ کے بارے میں میں کئی بار عرج کر چکا ہوں کہ یہ صرف اردو ویب یا اردو محفل ہی نہیں بلکہ تمام اردو کمیونٹی کے لیے ایک تاریخی اہمیت کا پراجیکٹ ہے۔ آج شاید اس پراجیکٹ کو اتنی شہرت نہیں ملی جتنا اس کا حق ہے، لیکن آنے والے دور میں لوگ یقینا اس پراجیکٹ کو شروع کرنے اور اسے جاری رکھنے والوں کے احسان مند ہوں گے۔

اردو لائبریری پراجیکٹ اگرچہ کافی جذبے کے ساتھ شروع کیا گیا تھا لیکن اس کے آغاز سے ہی اندازہ ہوگیا تھا کہ اس پراجیکٹ کے ورک فلو کو منظم کرنے کے لیے آن لائن فورم سے علیحدہ اور بہتر نظام کی ضرورت ہے۔ یہ صورتحال بھی اس پراجیکٹ کے لیے ایک چیلنج رہی ہے۔ لائبریری پراجیکٹ کی کارکردگی اور رفتار کا انحصار اب تک اس کے شرکاء کی رضاکارانہ محنت پر رہا ہے۔ کچھ احباب تو اس کے لیے اپنی جیب سے پیسے بھی خرچ کرتے رہے ہیں۔ میری دانست میں لائبریری پراجیکٹ کی طویل المیعاد کامیابی کے لیے ضروری ہے کہ اس کے لیے سپانسرشپ ڈھونڈی جائے۔ ایک پروفیشنل ٹائپسٹ ہماری نسبت کئی گنا رفتار سے ٹائپنگ کا کام ختم کرسکتا ہے۔ آئیڈیل تو یہی ہوگا کہ اس پراجیکٹ کو حکومتی سطح کی سرپرستی میسر آئے، لیکن یہ قدرے دقت طلب کام ہے۔ اگر لائبریری پراجیکٹ کی بہتر تشہیر کی جائے اور اس کی پراگریس کو اجاگر کیا جائے تو اس کے لیے سپورٹ اکٹھی کرنے کا امکان بھی زیادہ ہو سکتا ہے۔

حالیہ عرصے میں انفارمیشن ٹیکنالوجی کی پیشرفت کے آثار اردو کمپیوٹنگ پر بھی ظاہرہوئے ہیں۔ گوگل کلاؤڈاے پی آئی کے ذریعے اردو او سی آر اور اردو سپیچ ریکگنیشن کسی حد تک ممکن ہو گئے ہیں۔ اردو لائبریری پراجیکٹ کے ضمن میں اس ٹیکنالوجی کو مؤثر انداز میں زیراستعمال لایا جا سکتا ہے۔ ان اے پی آئی کی افادیت جاننے کے لیے کچھ تجربات کی ضرورت ہوگی۔ اگر اس وقت ان کی فیچرز محدود بھی ہوں گی تو یہ وقت کے ساتھ یقینا بہتر ہوتی جائیں گی۔کلاؤڈ اے پی آئی کا استعمال فری نہیں ہے اور اس کے استعمال کے اعتبار سے اس کا بل چارج کیا جاتا ہے۔ لیکن اس صورتحال کو بھی اس کے مطابق ہینڈل کیا جا سکتا ہے۔ مثال کے طور پر گوگل کلاؤڈ کے استعمال کی رجسٹریشن کرنے پر کچھ کریڈٹ مفت ملتا ہے جسے لائبریری پراجیکٹ کے لیے استعمال کیا جا سکتا ہے۔ علاوہ ازیں گوگل کلاؤڈ کا میٹر اے پی آئی کے استعمال کی ایک حد سے آگے جانے پر سٹارٹ ہوتا ہے۔ اگر اس حد کے اندر رہا جائے تو کاسٹ کو کنٹرول میں رکھا جا سکتا ہے۔ بہرحال یہ سب معاملا ت تحقیق طلب ہیں۔

تکنیکی معاملات سے قطع نظر میرے خیال میں لائبریری پراجیکٹ جتنے بڑے سکیل کے پراجیکٹ کی کامیابی کے لیے سب سے اہم ٹیم ورک اور لیڈرشپ ہے۔ گزشتہ سالوں میں لوگ کافی جذبے سے لائبریری پراجیکٹ میں حصہ ڈالتے آئے ہیں، لیکن بعض اوقات رہنمائی میسر نہ ہونے کے باعث ان کا جوش و خروش ماند پڑ جاتا ہے۔ لائبریری پراجیکٹ میں حالیہ سرگرمی کی لہر خوش آئند ہے اور میرے لیے خوشگوار حیرت کا باعث بھی ہے۔ اس کے لیے میں محمد شعیب اور محب علوی کا شکر گزار ہوں جنہوں نے لائبریری پراجیکٹ میں نئی روح پھونکی۔ خاص طور پر شمشاد بھائی کی فورم پر واپسی اور اس پراجیکٹ میں ان کی بھرپور شرکت بھی نیک شگون ہے۔ شمشاد بھائی ایک ایسے ہی ایک اور پراجیکٹ پر اردو کتب کو برقیانے میں اہم کردار ادا کر چکے ہیں۔ شمشاد بھائی کی کوشش ہے کہ اس پراجیکٹ کے ورک فلو کو منیج کرنے والا نظام اردو ویب کے لائبریری پراجیکٹ کے لیے بھی دستیاب ہو جائے۔ اگر ایسا ممکن ہو سکے تو یقینا بہت اچھا ہوگا۔ لیکن فی الوقت اس ورک فلو منیجمنٹ سسٹم کی ڈیویلپمنٹ اور اس کی تکمیل کے بارے میں کچھ نہیں کہا جا سکتا۔ اس کے بارے میں دوسری سائٹ کے ایڈمن ہی بہتر اطلاع فراہم کر سکتے ہیں۔

میں امید کرتا ہوں کہ اردو لائبریری پراجیکٹ کی حالیہ سرگرمی عارضی ثابت نہیں ہوگی اور وقت کے ساتھ ساتھ اس میں شرکت بھی بڑھتی جائے گی۔ میری معلومات کے مطابق فی الوقت لائبریری پراجیکٹ کے شرکاء واٹس ایپ پر رابطے میں ہیں۔ میری تجویز ہوگی کہ اس پراجیکٹ کے کام کو منظم کرنے اور اس کی پیشرفت کا جائزہ لینے کے لیے باقاعدہ زوم یا مائیکروسوفٹ ٹیمز جیسے پلیٹ فارم کا استعمال کیا جائے اور ویڈیو کانفرنس منعقد کی جائے۔

آخر میں میں ایک مرتبہ پھر سے اردو لائبریری پراجیکٹ کے شرکاء اور اس کی لیڈرشپ کا شکر گزار ہوں اور دعا گو ہوں کہ اللہ تعالی انہیں ثابت قدمی عطا فرمائے۔
 

شمشاد

لائبریرین
و علیکم السلام نبیل بھائی۔

آپ کی تجاویر یقیناً بہت اچھی ہیں لیکن ان پر عمل کرنے کے لیے کمپیوٹر کا کچھ نہ کچھ جاننا ضروری ہے۔

لائبیریری پروجیکٹ اس وقت یقیناً بہت زور شور سے جاری ہے، ہر ہفتے کوئی نہ کوئی برقیائی جا رہی ہے۔ ٹائیپنگ کرنے والی ٹیم تو خاصی فعال ہے۔ پروف ریڈینگ میں تھوڑی سی سستی ہو جاتی ہے۔ اس کے بعد شعیب بھائی کا کام ہے کہ اس کی ای بک بنا کر شائع کریں۔ اور ظاہر ہے کہ وہ بھی خاصے مصروف رہتے ہیں، اس کے باوجود وہ بھی اس پروجیکٹ میں بہت زیادہ دلچسپی لیتے ہیں۔
 

نبیل

تکنیکی معاون
اوپر کے مراسلے میں مقدس کا ذکر کرنا یاد نہیں رہا تھا جس کے لیے معذرت چاہتا ہوں۔ لائبریری پراجیکٹ میں مقدس کی کنٹریبیوشن بلاشبہ بہت اہم ہے۔
 
شمشاد، مقدس، شعیب اور میری سند رہتی ہے۔ میں نے سوچا تھا کہ کہوں مگر اب آپ کے کہنے پر محمد شعیب سے گزارش کر لیتے ہیں کہ سب کے لیے سندیں ہونی چاہیے۔
ہم انتہائی نادم اور سخت شرمندہ ہیں۔ کتابوں کی مصروفیات نے اس اہم ترین فریضہ کو بھلا دیا۔ آج یہ دھاگا متحرک ہوا تو اچانک اس کا خیال آیا اور بے حد پشیمانی ہوئی۔ امید ہے آپ حضرات اس مجرمانہ تاخیر کو دامن عفو میں جگہ دیں گے۔

Mohib.png


Muqaddas.png


Shamshad.png
 

نبیل

تکنیکی معاون
آپ کی تجاویر یقیناً بہت اچھی ہیں لیکن ان پر عمل کرنے کے لیے کمپیوٹر کا کچھ نہ کچھ جاننا ضروری ہے۔

میں یہاں کچھ مزید وضاحت کرنا چاہوں گا۔ جہاں تک کلاؤڈ اے پی آئی کے استعمال کا تعلق ہے تو اس کا استعمال آسان بنانے کے لیے یقینا ایک آسان اور قابل استعمال فرنٹ اینڈ بنانے کی ضرورت ہے۔ میں یہ ہرگز نہیں چاہتا کہ لائبریری پراجیکٹ کے شرکاء کو پروگرامنگ کرنی پڑے۔

پروگرامنگ سے قطع نظر کچھ امور میں مہارت لائبریری پراجیکٹ کے لیے بہتر ثابت ہو سکتی ہے۔ بلکہ ہو سکتا ہے کہ اس سے ایک متبادل ورک فلو وجود میں آجائے۔ اس کے لیے ہمیں حال ہی میں گٹ ہب پر پبلش کی جانے والی کتاب املا نامہ کا جائزہ لینا چاہیے۔ میری دانست میں گٹ ہب سکین شدہ تصویری متن شئیر کرنے سے لے کر کتاب پبلش کرنے تک ایک بہترین میڈیم ثابت ہو سکتا ہے۔ اس کا استعمال بھی زیادہ مشکل نہیں ہے۔ اس کے بارے میں بہتر تفصیل سعادت بیان کر سکتے ہیں جنہوں نے فورم کی پندرہویں سالگرہ کے موقعے پر املا نامہ کی اشاعت کے بارے میں بتایا۔ میری لائبریری پراجیکٹ کے منتظمین سے درخواست ہوگی کہ وہ اس جانب بھی کچھ تحقیق کریں۔ ہو سکتا ہے کہ کچھ کوشش سے آنے مستقبل کے لیے کافی رستے آسان ہو جائیں۔

توجہ برائے:
مقدس ، شمشاد ، محب علوی ، محمد شعیب
سعادت ، زیک ، ابن سعید
 

محمد عمر

لائبریرین
کچھ عرصہ قبل گوگل او سی آر کے استعمال کے متعلق محب بھائی سے کچھ بات ہوئی تھی اور میں نے ایک ڈیسک ٹاپ یو آئی بنا کر شیئر کیا تھا۔ ہماری سوچ یہ تھی کہ ممبران ماہانہ ۱۰۰۰ مفت اوراق کا کوٹہ استعمال کر کے اس سے فائدہ اٹھائیں۔ مجھے معلوم نہیں کہ یہ طریقہ کس قدر کامیاب رہا ہے کیونکہ اس بارے میں کوئی فیڈ بیک موصول نہیں ہوئی۔
او سی آر کے علاوہ آٹومیشن سے اس کام کو کافی سہل کیا جا سکتا ہے۔ آپ کے تجزیے سے بالکل متفق ہوں۔ پروف ریڈنگ اور عام اغلاط کی درستی کے بارے میں کافی مواد اور ربط مختلف دھاگوں میں موجود ہے۔ اگر ایک گروپ اس بارے میں کام کرے اور ایک اصول جمع کر کے لسٹ بنا دی جائے تو پروگرامنگ کا کام بہت آسان ہو سکتا ہے۔ مزید یہ کہ اس سے ایسا ٹول بنایا جا سکتا ہے جو کتابیں برقیانے کے علاوہ آپ کے کام بھی آ سکتا ہے۔
 
کچھ عرصہ قبل گوگل او سی آر کے استعمال کے متعلق محب بھائی سے کچھ بات ہوئی تھی اور میں نے ایک ڈیسک ٹاپ یو آئی بنا کر شیئر کیا تھا۔ ہماری سوچ یہ تھی کہ ممبران ماہانہ ۱۰۰۰ مفت اوراق کا کوٹہ استعمال کر کے اس سے فائدہ اٹھائیں۔ مجھے معلوم نہیں کہ یہ طریقہ کس قدر کامیاب رہا ہے کیونکہ اس بارے میں کوئی فیڈ بیک موصول نہیں ہوئی۔
او سی آر کے علاوہ آٹومیشن سے اس کام کو کافی سہل کیا جا سکتا ہے۔ آپ کے تجزیے سے بالکل متفق ہوں۔ پروف ریڈنگ اور عام اغلاط کی درستی کے بارے میں کافی مواد اور ربط مختلف دھاگوں میں موجود ہے۔ اگر ایک گروپ اس بارے میں کام کرے اور ایک اصول جمع کر کے لسٹ بنا دی جائے تو پروگرامنگ کا کام بہت آسان ہو سکتا ہے۔ مزید یہ کہ اس سے ایسا ٹول بنایا جا سکتا ہے جو کتابیں برقیانے کے علاوہ آپ کے کام بھی آ سکتا ہے۔
اردو ویکیپیڈیا کا املائی منشور اور فہرست اغلاط شاید معاون ثابت ہوں۔
 

نبیل

تکنیکی معاون
کچھ عرصہ قبل گوگل او سی آر کے استعمال کے متعلق محب بھائی سے کچھ بات ہوئی تھی اور میں نے ایک ڈیسک ٹاپ یو آئی بنا کر شیئر کیا تھا۔ ہماری سوچ یہ تھی کہ ممبران ماہانہ ۱۰۰۰ مفت اوراق کا کوٹہ استعمال کر کے اس سے فائدہ اٹھائیں۔ مجھے معلوم نہیں کہ یہ طریقہ کس قدر کامیاب رہا ہے کیونکہ اس بارے میں کوئی فیڈ بیک موصول نہیں ہوئی۔
او سی آر کے علاوہ آٹومیشن سے اس کام کو کافی سہل کیا جا سکتا ہے۔ آپ کے تجزیے سے بالکل متفق ہوں۔ پروف ریڈنگ اور عام اغلاط کی درستی کے بارے میں کافی مواد اور ربط مختلف دھاگوں میں موجود ہے۔ اگر ایک گروپ اس بارے میں کام کرے اور ایک اصول جمع کر کے لسٹ بنا دی جائے تو پروگرامنگ کا کام بہت آسان ہو سکتا ہے۔ مزید یہ کہ اس سے ایسا ٹول بنایا جا سکتا ہے جو کتابیں برقیانے کے علاوہ آپ کے کام بھی آ سکتا ہے۔

شکریہ محمد عمر، مجھے علم نہیں تھا کہ آپ ایسی کوئی ڈیسک ٹاپ ایپلیکیشن بنا چکے ہیں۔ لیکن میرے خیال میں عام صارفین کے لیے ایسی اپلیکیشن کا استعمال سٹریٹ فارورڈ نہیں ہوگا اور اس کے لیے قدرے رہنمائی کی ضرورت ہوگی۔ ماہانہ فری کوٹے کے استعمال سے قبل ضروری ہے کہ گوگل کلاؤڈ پر اپنا اکاؤنٹ بنایا جائے۔ اس کے لیے کریڈٹ کارڈ کی ضرورت بھی پڑتی ہے جو کہ کئی لوگوں کے لیے دقت کا باعث بن سکتا ہے۔ کلاؤڈ کا اکاؤنٹ بنانے کے بعد مذکورہ بالا اپلیکیشن کو ہر صارف کے لیے علیحدہ سے اس کے کریڈنشلز کے ساتھ کنفگر کرنے کی ضرورت پیش آئے گی۔ ہو سکتا ہے کہ آپ نے یہ سب کچھ علیحدہ سے واضح کر دیا ہو۔ میرے خیال میں بہتر ہوگا اگر یہ سب کچھ بھی ویڈیو ٹیوٹوریلز یا ویڈیوکانفرنس کے ذریعے سمجھایا جائے۔
 

محمد عمر

لائبریرین
شکریہ محمد عمر، مجھے علم نہیں تھا کہ آپ ایسی کوئی ڈیسک ٹاپ ایپلیکیشن بنا چکے ہیں۔ لیکن میرے خیال میں عام صارفین کے لیے ایسی اپلیکیشن کا استعمال سٹریٹ فارورڈ نہیں ہوگا اور اس کے لیے قدرے رہنمائی کی ضرورت ہوگی۔ ماہانہ فری کوٹے کے استعمال سے قبل ضروری ہے کہ گوگل کلاؤڈ پر اپنا اکاؤنٹ بنایا جائے۔ اس کے لیے کریڈٹ کارڈ کی ضرورت بھی پڑتی ہے جو کہ کئی لوگوں کے لیے دقت کا باعث بن سکتا ہے۔ کلاؤڈ کا اکاؤنٹ بنانے کے بعد مذکورہ بالا اپلیکیشن کو ہر صارف کے لیے علیحدہ سے اس کے کریڈنشلز کے ساتھ کنفگر کرنے کی ضرورت پیش آئے گی۔ ہو سکتا ہے کہ آپ نے یہ سب کچھ علیحدہ سے واضح کر دیا ہو۔ میرے خیال میں بہتر ہوگا اگر یہ سب کچھ بھی ویڈیو ٹیوٹوریلز یا ویڈیوکانفرنس کے ذریعے سمجھایا جائے۔

میں نے لائبریری مشاورتی ٹیم کے پیغامات میں ہدایات پوسٹ کیں تھیں۔ یہاں کاپی کر رہا ہوں:

اس ربط سے اردو ویب ڈیجیٹائز زپ فائل ڈاؤنلوڈ کر لیں۔ اگر آپ او سی آر کرنا چاہیں تو اس کی ہدایات instructions.docx فائل میں موجود ہیں جو کہ اسی ربط پر موجود ہے۔
یاد رہے کہ اگر آپ گوگل کلاؤڈ کے لیے سائن آپ کرتے ہیں تو آپ کو 300$ کا بیلنس ملتا ہے جو ایک سال کے لئے ہوتا ہے۔ اس کے بعد ہر ماہ 1000 صفحات بلا قیمت او سی آر کیے جا سکتے ہیں۔



اگر کسی لائبریرین کو یہ ہدایات ناکافی محسوس ہوں یا سوالات ہوں تو مجھے پیغام بھیج دیں۔ میں انہیں اکٹھا کر کے جوابات کے ساتھ نئی لڑی کے طور پر پوسٹ کر دوں گا۔
 
image.jpg


اردو محفل کے عظیم منصوبہ اردو لائبریری کا رکن بننے پر گُلِ یاسمیں صاحبہ کی خدمت میں اردو محفل لائبریری کی جانب سے اعزازی سند پیش کی جا رہی ہے۔ یہ سند رکن بننے کے بعد بفور دی جانی چاہیے تھی لیکن سخت لاک ڈاؤن کی وجہ سے ممکن نہیں ہوا۔ اس تاخیر کے لیے معذرت!
نوٹ: اصل فائل کا پی ڈی ایف نسخہ بذریعہ ای میل مُرسَل ہے۔
شمشاد
مقدس
 
آخری تدوین:

گُلِ یاسمیں

لائبریرین
image.jpg


اردو محفل کے عظیم منصوبہ اردو لائبریری کا رکن بننے پر گُلِ یاسمیں صاحبہ کی خدمت میں اردو محفل لائبریری کی جانب سے اعزازی سند پیش کی جا رہی ہے۔ یہ سند رکن بننے کے بعد بفور دی جانی چاہیے تھی لیکن سخت لاک ڈاؤن کی وجہ سے ممکن نہیں ہوا۔ اس تاخیر کے لیے معذرت!
نوٹ: اصل فائل کا پی ڈی ایف نسخہ بذریعہ ای میل مُرسَل ہے۔
شمشاد
مقدس
السلام علیکم
اردو محفل اور اردو لائبریری کا حصہ بننا ہمارے لئے بہت اعزاز کی بات ہے اور اس میں اضافہ اس اعزازی سند نے کر دیا جس کے لئے شکر گزار ہیں آپ سب کے۔
خوش رہیں ہمیشہ۔
 

گُلِ یاسمیں

لائبریرین
گُلِ یاسمیں بٹیا کو اس اعزاز پر ڈھیر ساری مبارکباد
ہنستی مسکراتی اور محفل کو رونق بخشتی رہیے آمین
:in-love::in-love::in-love::in-love::in-love:
:star2::star2::star2::star2::star2:

بہت مبارک ہو گلِ یاسمیں آپ کو۔

بہت بہت مبارک ہو۔ سدا سلامت رہیں۔ ڈھیروں دعائیں۔



خیر مبارک
آپ سب کی دعاؤں اور اس عزت افزائی کے لئے بہت شکر گزار ہیں۔ واقعی میں یہ ایک لا جواب فورم ہے جو اردو کی ترقی کے لئے کوشاں ہیں۔
ہمیں اس فیملی کا حصہ بن کر دلی خوشی اور سکون ملا ہے۔ اردو سے محبت بچپن سے ہے جو وقت کے ساتھ پروان چڑھتی رہی اور اس کا ثمر اس صورت میں ملا کہ ہم کسی صورت اس زبان کی خدمت کر سکیں۔ یہ موقع آناً فاناً اور اتفاقی طور پر ہمیں حاصل ہوا ہے جس کے لئے اللہ پاک کے شکر گزار ہیں کہ وقت کا صحیح استعمال کرنے کی ایک اور خوااہش پوری ہوئی۔ الحمد للہ۔
بات کرنے کا حسیں طور طریقہ سیکھا
ہم نے اردو کے بہانے سے سلیقہ سیکھا
 

محمد عبدالرؤوف

لائبریرین
السلام علیکم
اردو محفل اور اردو لائبریری کا حصہ بننا ہمارے لئے بہت اعزاز کی بات ہے اور اس میں اضافہ اس اعزازی سند نے کر دیا جس کے لئے شکر گزار ہیں آپ سب کے۔
خوش رہیں ہمیشہ۔
مبارکباد بہنا
شکر ہے بری کارکردگی پر مرغا نہیں بنایا جاتا ورنہ میری تو ایسی تیسی ہو جاتی :unsure:
 
Top