جی کردا اے

جی کردا اے
فئیر اک واری دوویں رل کے
ٹاہلی والے کھوھ دا دن منائیے
توں کنکاں دے قصے چھیڑیں
میں کپاں دیاں گلاں

پیلے پیلے پھل سروں دے
ہریاں ہریاں ولاں
جتھے ہولاں آبو چبھ کے
گڑ دے ستو پیتے
جتھے تیری جھانجر نے سی بنے پاگل کیتے

جتھے پیلاں ہیٹھ سی گولاں
تیرے توں شرمائیاں
نیڑیون لگدی وا نوں
نیندراں نئی سی کنے دن
جتھے ویلا عمراں پھر لئی
تیرے تے سی ڈھلیا
تیرے لک دا سپ ولاواں
ہلے تک نہیں بھلیا


ارشاد سندھو

واہ واہ، بہت ودیا۔ بہت داد دینا جی۔