فوڈ ٹرک

محمدصابر

محفلین
کرونا نازل ہوا تو دفتر گھر پر شفٹ کرنا پڑا۔ بہت شروع میں ہی اندازہ ہو گیا تھا کہ یہ لمبا چلے گا۔ اس لئے پہلے ہفتے میں ہی تعلیمی سرگرمیوں کو مائیکروسافٹ ٹیمز پر شفٹ کیا اور اس وقت سے جولائی کے آخر تک سولہ سولہ گھنٹے ہی کام کیا۔ دوسری طرف کچھ آمدن میں کمی ہوئی تو سوچا کہ ہم پانچوں گھر پر ہیں تو ایک ککنگ چینل شروع کرتے ہیں تا کہ کچھ آمدن میں اضافہ ہو۔ شروع میں عکس بندی، تدوین اور ان کو نشر کرنے کا سب کام خود ہی کر رہا تھا لیکن اب یہ سارے کام بیٹیوں نے سنبھال لیے ہیں لیکن کچھ ہی عرصے میں اندازہ ہو گیا کہ چینل کھولنے کا خیال ہر دسویں شہری کو آیا ہے اور چینلز کھمبیوں کی طرح اگ آئے ہیں۔ بہرحال ابھی تک ہمت نہیں ہاری ہے لیکن گوگل نے قوانین بہت سخت کر دیئے ہوئے ہیں۔ اس لڑی کا بنیادی مقصد ایک ہی ہے کہ تھوڑا ویونگ ٹائم بڑھ جائے۔ ثانوی مقاصد میں اپنی اصلاح ، کھانوں کی تراکیب کی فراہمی کے ساتھ آپ کی تفریح بھی ہے۔ کوشش یہی ہے کہ سپیمنگ نہ ہو اس لئے سب تراکیب اسی لڑی میں پوسٹ کرنے کا ارادہ ہے۔ اگر کوئی ترکیب اچھی لگے تو باقی بھی دیکھیں۔ اور اچھی نہیں لگی تو اصلاح فرما دیں کہ کس طرح اس کو بہتر کیا جا سکتا ہے۔

 

شمشاد

لائبریرین
صابر بھائی ایک عرصہ دراز کے بعد آپ کو محفل میں دیکھ کر بہت خوشی ہو رہی ہے۔ گاہے بگاہے چکر لگاتے رہا کریں۔
بیٹیاں کیسی ہیں؟ شرارتی والی مجھے اکثر یاد آتی ہے۔
اللہ تعالٰی سے دعا ہے کہ ہمیشہ خوش و خرم رہیں۔
 

محمدصابر

محفلین
صابر بھائی ایک عرصہ دراز کے بعد آپ کو محفل میں دیکھ کر بہت خوشی ہو رہی ہے۔ گاہے بگاہے چکر لگاتے رہا کریں۔
بیٹیاں کیسی ہیں؟ شرارتی والی مجھے اکثر یاد آتی ہے۔
اللہ تعالٰی سے دعا ہے کہ ہمیشہ خوش و خرم رہیں۔
میں تو مستقل چکر لگاتا ہوں۔ اور حالات سے باخبر ہوں۔ آپ کے آنے کے بعد بہت سے پرانے لوگ واپس آئے ہیں۔ بس مصروفیت ایسی ہے کہ کسی بھی موضوع کو چھیڑنے سے گریز کرتا ہوں۔ بیٹیاں الحمدللہ ٹھیک ہیں۔ اور یہ ویڈیوز وہی بنا رہی ہیں۔ ان کی بنائی ہوئی ایک ویڈیو پیش خدمت ہے یہ سب سے چھوٹی نے لڑ جھگڑ کر بنوائی تھی۔
 

شمشاد

لائبریرین
ماشاء اللہ، دیکھی ہے ویڈیو۔ بہت اچھی لگی۔
یہ سب کچھ بنانا انہیں اسکول میں سکھایا جاتا ہے یا گھر میں اپنی ماما سے سیکھتی ہیں؟

آپ محفل میں آتے ہیں تو اپنے نشان پا بھی چھوڑ جایا کریں کہ آپ کی آمد کا علم ہو سکے۔
 

دوست

محفلین
بہت اچھی کوشش ہے۔ اگر آنلائن کام کرنا ہے تو ای کامرس (جیسے فیس بک پر پیج بنا کر) چیزیں سیل کرنے کا سوچیں۔ اس میں کچھ سرمایہ چاہیے، اور آئیڈیا (یعنی کیا بیچنا ہے)، کچھ مہینوں کی محنت سے پھل ملنے لگتا ہے۔
 

محمدصابر

محفلین
خوشی ہوئی محمد صابر بھائی آپ کو عرصہ بعد دیکھ کر :)
آپ نے یاد رکھا بہت خوشی ہوئی اور بہت شکریہ ظفری۔ مجھے آپ کو وقتا فوقتا ادھر کا چکر لگاتے دیکھ کر اس سے زیادہ خوشی ہوتی ہے۔ بڑی بیٹی کو آسٹرانومی پسند ہے۔ ابھی تو میٹرک میں ہے لیکن جب وقت آئے گا تو ذہن میں آپ کا نام مشورے کے لئے موجود ہے۔ :) کیونکہ جہاں تک مجھے یاد ہے آپ کی جاب آسٹرونائیٹکل انجینئرنگ تھی۔ خیر وہ وقت ابھی دور ہے۔

ماشاء اللہ، دیکھی ہے ویڈیو۔ بہت اچھی لگی۔
یہ سب کچھ بنانا انہیں اسکول میں سکھایا جاتا ہے یا گھر میں اپنی ماما سے سیکھتی ہیں؟

اسکول اتنے اچھے ہو جائیں تو اور کیا چاہیے۔ جب میں پڑھتا تھا تو اس وقت ششم تا ہشتم ایک ووکیشنل مضمون لازمی ہوتا تھا اور میں نے الیکٹریکل وائرنگ پڑھا تھا۔ میں آج بھی سمجھتا ہوں کہ اس سلسلے کو بند کرنا سنگین نوعیت کا جرم ہے۔
آپ محفل میں آتے ہیں تو اپنے نشان پا بھی چھوڑ جایا کریں کہ آپ کی آمد کا علم ہو سکے۔
کوشش کروں گا۔

بہت اچھی کوشش ہے۔ اگر آنلائن کام کرنا ہے تو ای کامرس (جیسے فیس بک پر پیج بنا کر) چیزیں سیل کرنے کا سوچیں۔ اس میں کچھ سرمایہ چاہیے، اور آئیڈیا (یعنی کیا بیچنا ہے)، کچھ مہینوں کی محنت سے پھل ملنے لگتا ہے۔
آنلائن کام تو بہت کیا۔ اس وقت او ڈیسک ہوتا تھا۔ اب اپ ورک ہو گیا تو نوکری کے اوقات بڑھ گئے ہیں۔ یوٹیوب پر موناٹائزیشن کا دیکھا تو قسمت آزمانے کا فیصلہ کیا اب آگے دیکھتے ہیں کہ کیا ہوتا ہے۔

پروڈکشن کوالٹی کافی عمدہ ہے۔
بہت شکریہ۔ کوشش تو کی ہے لیکن اس میں بہت مسائل پیش آتے ہیں۔ خاص کر بینڈنگ (banding) بہت تنگ کرتی ہے۔ ایک ویڈیو بیس بیس گھنٹے لے جاتی ہے۔ ہم دونوں تھک جاتے ہیں اور یہ بچے ہی ہیں جو اتنے صبر کے ساتھ پہلے ویڈیو بناتے ہیں اور پھر اتنی دیر بیٹھ کر مزے سے ایڈٹنگ کرتے رہتے ہیں۔ شاید یہ کام انہیں پڑھائی سے بہتر لگتا ہے۔
 
ایک مدت کے بعد محفل کے ایک مہذب اور فعال رکن کو دیکھ کر خوشی ہوئی
میں نے بھی محفل پر آنا جانا کم کر دیا تھا مگر شمشاد بھائی کی تحریک پر دوبارہ فعال ہوا ہوں
ماشاء اللہ خیال عمدہ ہے اللہ تعالیٰ مزید برکت اور ترقی عطا فرمائے آمین
 

محمدصابر

محفلین
ایک مدت کے بعد محفل کے ایک مہذب اور فعال رکن کو دیکھ کر خوشی ہوئی
میں نے بھی محفل پر آنا جانا کم کر دیا تھا مگر شمشاد بھائی کی تحریک پر دوبارہ فعال ہوا ہوں
ماشاء اللہ خیال عمدہ ہے اللہ تعالیٰ مزید برکت اور ترقی عطا فرمائے آمین
بہت شکریہ۔ شمشاد بھائی ایسے ہی خوبصورت انسان ہیں۔ جب خود بھی یہاں سے غائب تھے تب بھی رابطے میں تھے۔ میں تو زیادہ گیمز اور ٹیکنالوجی سیکشن میں پایا جاتا تھا۔ جس میں سے ایک مستقل بند ہو چکا۔ دوسرے کے تالوں کو بھی زنگ لگ چکا۔ :)
 
آخری تدوین:
Top